::: مـنتدى قبيلـة الـدواسـر الـرسمي ::: - الأمير ربيّع بن زيد المخاريم الدوسري رحمه الله

::: مـنتدى قبيلـة الـدواسـر الـرسمي ::: (http://alduwaser.org/vb/index.php)

- :: قسم أمـراء وفـرسان وأعـلام الـدواسـر:: (http://alduwaser.org/vb/forumdisplay.php?f=12)

- - الأمير ربيّع بن زيد المخاريم الدوسري رحمه الله (http://alduwaser.org/vb/showthread.php?t=301)

العماني

16-04-2005 09:14 PM

الأمير ربيّع بن زيد المخاريم الدوسري رحمه الله

هو ربيع بن زيد المخاريم الدوسري من المخاريم من الدواسر. قام إلى الدرعية، عام 1199هـ، وبايع قادتها. ثم أخذ ينشر مبادئ الدعوة، بحماس في الوادي، ويحارب، بشجاعة من يعارضها. وكان له مواقف مشهودة في الدفاع عن الدولة السعودية الاولى السعودية، وتوسيع رقعتها خاصة في جهات عسير مع ابناء قبيلته الدواسر.

الأمير ربيع بن زيد المخاريم :

هو ربيع بن زيد بن صايل المخاريم له من الإخوان اثنان وهم بدن وسلطان الملقب بـ(المصعوق ) وللامير ربيع بن زيد من الأبناء اربعة هم ماجد وسلطان وقاعد ومضف .

أولاً : ربيع وانضمامة للحركة الوهابية :

في فترة الجاهلية الثانية التي مرت بها الجزيرة العربية وانتشرت فيها البدع والخرافات واصاب الناس جهل في مبادئ الدين الاسلامي الحنيف ، كان الأمير ربيع وإخوانه بدن وسلطان في غزوة شمال القويعية أصيب خلالها أخيه سلطان في هذه المعركة فوضعه أخيه ربيع عند (آل جبرين) من سكان القويعية للعلاج.
وكانت هذه العائلة تعرف الدين الاسلامي ومبادئه الصحيحه وتعرف الحق من الباطل وفي تلك الفترة التي كان يتعالج فيها سلطان تعلم اصول الدين القويم منهم وعرف الحق وبعد ذلك أرسل قصيدة لأخيه ربيّع يدعوه للانضمام لهم ويخبره أنه عرف الحق من الباطل :

يا راكب بنت الهجيني = بنت آرك متعربين فحلها
تحط السواد وجيب غمرة يميني = تمشي على حد الجبل من سهلها
تلفي (بأخو حصه) مروس سنين = لادرعوا جرد الرمك في سللها
وهاذي والله لابه مسلمين = ماكان نلق في القبايل مثلها
والله لولا الموت يبغي يجيني = وتوافق النفس الشقيه عملها
ماأنصى بلاد سمع فيها ونيني = إلى على نمر يقوم نفلها

بعد ذلك عرف ربيع أنه ليس على حق بعد ذلك تعلم الدين القويم ، وقدم ربيّع إلى الإمام محمد بن سعود والشخ محمد بن عبدالوهاب وبايعهم وعاد إلى أهل الوادي ومعه أخيه سلطان وبدن ، وبعد ذلك دخل أهل الوادي في الإسلام وتحت قيادة الدولة السعودية الأولى .

وكل ماحصل من فتوحات في عهده مؤرخة في كتاب ابن غنام تاريخ نجد وغيره من الكتب ، وورد اسمه في كثيرا في كتب تاريخ نجد نورد لكم بعض المقتطفات:

في سنة 1199هـ ،
مبايعة ربيع وبدن أباء زيد المخاريم للشيخ محمد بن عبدالوهاب والإمام عبد العزيز ابن سعود

في سنة 1210هـ :

مهاجمة الشريف للدواسر وقحطان على ماء الجمانية وانتصارهم عليه.

في سنة 1211هـ :

الدواسر بقيادة ربيع يغيرون على شهران وأهل بيشة.

في سنة 1212هـ :

وقعة تين المشهورة وانهزام الشريف أمام جموع الدواسر وقحطان ، وفيها يقول الشريف راجح:

الله لا يسقي نهار على تين = يوم غدينا يا شجيع به اقطاع
جونا الدواسر مع فريق القحاطين = كلنا لهم بالمد وافوا لنا الصاع

في سنة 1231هـ :

استيلاء الدواسر وقحطان على بيشة بقيادة ربيع بن زيد الدوسري

ومن خلال ما سبق يتضح ان الأمير ربيع بن زيد لم يقد الدواسر فقط بل كان قائدا ً لعدد من القبائل الموالية للدعوة الوهابية انذاك وقام بفتوحات تحت راية الدين والتوحيد

كتبه : هايف بن مبارك العماني

الشكر والتقدير لـعضو (المنيعي 2007) على الاضافة الرائعه

ونرجوا الى عنده اضافه يقوله او تصحيح ونكون شاكرين له

تقبلوا تحياتي،،

تركي ال فنيس

16-04-2005 10:04 PM

الله يرحمه ربيع بن زيد لاهنت يالعماني بيض الله وجهك

الشكري

17-04-2005 01:09 AM

الله يرحم الفارس ربيع بن زيد المخاريم

عزالله تاريخه

يشرف ويطلق الوجه

بو مبارك

علومك وافيه

وعساك على القوه

عبدالله الشكري

17-04-2005 02:06 AM

لاهنت يالعماني على طرحك وعلومك الزينه
وماهي غريبه عليك يابو مبارك

والله يرحم ربيع بن زيد المخاريم
وعز الله انه علم يطلق الوجه

وماقصرت يابو مبارك

اخوك
عبدالله الشكري

محمد ال بو زمام

17-04-2005 02:27 AM

السلام عليكم ورحمة الله وبركاته

الله يرحمه ويسكنه فسيح جناته .

والى الامام اخوي ( العماني )

والــــــــــــســـــــلام خــــــــتـــــــــام

العماني

18-04-2005 03:01 AM

حياكم الله جميع ولاهنتوا على المرور

تقبلوا تحياتي،،

محمد الغريري

18-04-2005 03:03 PM

ونعم بالامير ربيع بن زيد المخاريم

ويا ليت احد الاعضاء يكتب نبذة مفصلة عنه وبيض الله وجهك يا بو مبارك

اخوك في الله

محمد الغريري

ابن محمد الودعاني

19-04-2005 05:43 PM

اخوي العماني عادتك الطيب ومواضيعك دايم شيقة وترفع الراس

والله يرحم الامير ربيع بن زيد المخاريم اللي ساهم في خدمة الدين وترك وراه العلم الطيب

وكفو لا د المنيعي

لاهنت يابو مبارك

الكاسر

20-04-2005 10:40 PM

شكراً اخوي العماني على الموضوع عادتك الطيب ومواضيعك دايم شيقة وترفع الراس
احب اضيف ان ربيع بن زيد ليس رئس ولا امير للمخاريم وانما منصوب من قبل ابن سعود علي الوادي لنشر الدين فيه وفي المناطق المجاوره ومعه القبائل الذين موالين لابن سعود وتقبل تحياتي

ابن غياث

20-04-2005 11:18 PM

لاهنت يالعماني على الموضوع الطيب

نايف	20-04-2005 11:21 PM

الله لايهينك على المشاركه الطيبه يالعماني ويعطيك العافيه ,,,,,

بن مشخص المسعري

27-04-2005 02:53 AM

صدقت يالكاسر

العماني

03-05-2005 10:59 PM

اقتباس:

المشاركة الأصلية كتبت بواسطة الكاسر

لاهنت اخوي الكاسر على التوضيح

تقبل تحياتي،،

يحيى الودعاني

16-07-2006 05:32 PM