أحفظ دبشك اللي عن الناس مغنيك=اللي ليا بان الخلل فيـك يرفـاك
وأعرف ترى مكة ولاها بناخيـك=لو تطلبه خمسة ملاليم ما أعطاك
والحر مثلك ما يصحـب الديـك=وإن صاحبه عاعا معاعات الأدياك

ليا عاد ما للرجّال رأيٍ يدله=يأخذ من أشوار الرجال دليل

من عوّد العين المنـام تعـوّدت=ومن عوّد العين المساري تعاود
ومن عوّد الصبيان أكـل بيتـه=عاودوه في عسر الليالي الشدايد

النوم رأس اللوم بان الردى بـه=واللي يبي الطولات نومه شلافيح
الذيب ما يرقـد ورزقـه نهابـه=يدوّر الغرات عنـد المصاليـح
واللي يبا الطولات يتعب ركابـه=والعز بأكوار النضا ياهل الفيـح

فتـى بـلا عـزم حياتـه مذلـة=والعزم لقلـوب الرجـال طبيـب
من لا صبر بالعسر ما ذاق يسرها=وباب الفرج للصابريـن قريـب

مقام الفتى في منصب العز ساعة= ولا ألف عام يصحب الذل صاحبه

المراجـل مـا تهيّـا هالسّويـا=كود من عض النواجذ في سنونه

الظفر ساعه وإن حلّ ماجوبه=والمراجل لها حزّات ورجالي

الحمّـرة تـدرك معوشـة عيالهـا=وألا الرجل يبغى منه بعض الأحوال

ليا صار ما توفي عميلك من الصاع=ما ينقعد لك عند حصـن النواهيـم
شبرٍ من البيداء يعوّضك بالافـزاع=وسود الليالي يبعدنّك عـن الضيـم

من لا يديس الرأي من قبل ما ديس= عليـه داسـوه العيـال القرومـي
ومن لا يقلّط شذرة السيف والكيس=يبدي عليه مـن الليالـي ثلومـي
والقصر ما يصلح على غير تسييس=ومن لا تعلم مـا تفيـد العلومـي

الناس ما تسقيك لا صرت عطشـان=ولا يشرب المضمي كود من ذراعه
أضرب على الكايد ليا صرت بحلان=وعند الولي وصل الحبل وإنقطاعـه
عيبٍ على اللي يتقي عقب ما بـان=وعيبٍ طمان النفس عقب إرتفاعـه

من حل دار النـاس حلّـوا ديـاره=لابـد مـا تسكـن ديـاره ويغبـن
ومن شق ستار الناس شقوّا ستـاره=ومن ضحك بالثرمان ضحك بلا سن

حيٍ يورّيك المذلـة وتغليـه=أنا أشهد إنك ميت القلب عامي
من لا يوّدك لا توّده وترجيـه=أرفع مقامك يا عزيز المقامي

الضرس يعبى له عن السهر مقلاع=حتى تنام العين مـا هـي طلابـه

أنا أشهد إن بقصرة الرجل نوماس= لا صار ما للرجل داعيٍ دعاهـا

لا تأخذ الدنيا خراصٍ وهقوات=يقطعك من نقل الصميل البرادي
لك شوفةٍ وحده وللناس شوفات=ولا واديٍ سيله يفيض بـوادي

لا يأمن المظهود جمع المعـزة=ولا يأمن الجمع العزيز الظهايد
أيضا وبيت الفقر لا يأمن الغنى=وبيت الغنى لا يأمن الفقر عايد

ليا خاب ظنك بالرفيق الوالي=ما لك مشاريهٍ على نايد الناس

يا بايعٍ جوخٍ على غيـر أهاليـه=مثل الذي ينزل بقصـرٍ خرابـه
ولد الردي لو طاب لك لا تماشيه=يومين والثالث يبين الـردى بـه

لعل قصرٍ ما يجـي لـه ظلالـي=ينهد مـن عالـي مبانيـه للسـاس
لا صار ما هو مدهـلٍ للرجالـي=وملجأ لمن هو يشكي الضيم والباس

الأجواد إن قاربتهم مـا تملّهـم=والأنذال إن قاربتها عفت ما بها
الأجواد وإن قالوا حديثٍ وفوبـه=والأنذال منطوق الحكايا كذابهـا
الأجواد صندوقين مسك وعنبـر=ليا فتحت أبوابها جاك مـا بهـا
والأنذال لو غسّلوا ايديهم تنجّست=نجاسة قلوبٍ ما يفيد الدواء بهـا

أحدٍ على جـاره بختـري ونـوّار=وأحدٍ على جـاره صفـاةٍ محيفـه
خطو الولد مثل البليهي ليـا ثـار=زودٍ على حمله نقل حمـل أليفـه
وخطو الولد يا مال قصّاف الأعمار=لا نافـعٍ نفسـه ولا منـه خيفـه

شبعنا وشبع الذّر مـن زاد سورنـا=وللـذّر فـي زاد الكـرام معـاش
يعطي العطى من كان ضاريٍ للعطى=ويمنّ العطى من كـان خالـه لاش
ومن لا يعرّب منسبه قبـل منشبـه=تـروح عليـه عيـلانـه بــلاش

عرّب وليدك عرّبـه=والنار من مقباسهـا
والعز بوروك النساء=اللي عريبٍ ساسهـا
بنت الردي لا تأخذه=لو هو طويلٍ رأسها

لا تأخذ الهزلا على شأن مالها=ولا تقتبس من نارهم بالوقايـد
لا تأخذ ألا بنت قومٍ حميـده=لعل ولدٍ منها يجـي بالفوايـد

أبا أنذر اللي من ربوعي يبا الطيب=لا يأخذ ألا من بيـوت الشجاعـه
يجي ولدها مـذربٍ كنّـه الذيـب=عزٍ لأبوه وكل مـا قـال طاعـه
وبنت الردي يأتي ولدها كما الهيب=غبـنٍ لأبـوه وفاشلـه بالجماعـه
يا كبر زوله عند بيت المعازيـب=متحـريٍ متـى يقـدم متـاعـه

الطيب ما هو بس للضاعنينا=قسّم على كل الوجيه المفاليح

ما مال ألا فارغٍ من زبرها=ولا حي ألا مقتفيه المماتي

لولا الهرم والفقر والثالث الموت=يا الآدمي بالكون يا عظم شأنـك
لولا الثلاث وشأن من قدّر الفوت=نفذّت كل اللـي يقولـه لسانـك

أيامنـا والليالـي كـم نعاتبـهـا= شبنا وشابت وعفنا بعض الأحوالي

نعد الليالي والليالي تعدنا=العمر يفنى والليالي بزايد

شابت لحانـا مـا لحقنـا هوانـا=وعزي لمن شابت لحاهم على ماش

وأخير منها ركعتين بالأسحار=لا طاب نوم اللي حياته خساره

يا دحيم ريضان الجماعة مريفـه=واللي مع الأجناب كنّه على نار
الطير بالجنحان ما أحلا رفيفـه=وليا إنكسر حدا الجناحين ما طار
ويمنى بلا يسرى تراها ضعيفـه=ورجلٍ بلا ربعٍ على الغبن صبّار

والله يا لولا العظم يومنـي أمـلاه=أكويه بالجمرة ويكوي جروحـي
مع دلةٍ صفرا على النـار مركـاه=أقصر بصبتها على كيف روحـي
فنجالها يشدي خضـاب الخونـداه=الجادل اللي عند أهلهـا طموحـي
عدّه لمن يثنـي خـلاف المخـلاه=فكاك بالضيقـات راع اللحوحـي
وعدّه لقـرمٍ مـا تونـي مطايـاه=يضوي ولو صكت عليه النبوحـي
وعدّه لمن تدفـق السمـن يمنـاه=عيدٍ لربعه بالزمـان الشحوحـي
وباقي الرجال فحول نسوان ورعاه=ضباط مال وحافظين السروحـي

لا شفت خطو الظول بالك تعسّه=وإن فارقك شر المخاليق خلّـه
لو عندنا من غيب الأيام رسّـه=الآدمي مصلـوح نفسـه يدلّـه

من صد عني له الطاروق خليته=عيبٍ على البنات الناس يبلاهـا

من عافنا عفناه ولو كان غالـي=ومن باعنا بالرخص بعناه بزهود

برقٍ مصدٍ لو مزونـه لهـا نـور=لا تستخيله لـو ربيعـك شفاقـه
من لا استشارك لا تعدّي له الشور=ومن لا يوّدك نور عينـك فراقـه

الزول زولـه والحلايـا حلايـاه=والفعل ماهوب فعل واف الخصايل

يا عين هلي صافي الدمع هليه=وليا انتهى صافيه هاتي سريبه
اللي يبينا عيّت النفس تبغيـه=واللي نبي عيّا البخت لا يجيبه

منقووووووووووووووووووووووووووووووووووووووول


مع تحياتي للجميع

أيامنا والليالي كم نعاتبها =شبنا وشابت وعفنا بعض iالأحوالي
تاعد مواعيد والجاهل مكذبها =واللي عرف حدها من همها سالي
إن أقبلت يوم ما تصفى مشاربها =تقفي وتقبل وما دامت على حالي
في كل يوم تورينا عجايبها =واليوم الأول تراه احسن من التالي
أيام في غلبها وايام نغلبها =وايام فيها سوا والدهر ميالي
جربت الأيام مثلي من يجربها =تجريب عاقل وذاق المر والحالي
نضحك مع الناس والدنيا نلاعبها =نمشي مع الفي طوع حيث ما مالى
كم من علومٍ وكم آداب نكسبها=والشعر مازون مثقالٍ بمثقالى
اعرف حروف الهجاء بالرمز واكتبها=عاقل ومجنون حاوى كل الاشكالى
لكن حظي ردي والروح متعبها =ما فادني حسن تاديبي مع أمثالي
إن جيت ابي حاجةٍ عزت مطالبها=العفو ما واحدٍ في الناس يا والى
قومٍ الى جيتهم رفت شواربها=بالضحك واقلوبها فيها الردا كالى
وقومٍ الى جيتها صكت حواجبها=وابد ت لي البغض في مقفاي واقبالي
ما كني إلا حال مغضبها =والكل في عشرته ماكر ودجالي
يا حيف تخفي أموراً كنت حاسبها =واللي على بالهم كله على بالي
الجار جافي وكم قومٍ محاربها =والأهل وأصحابنا والدون والعالي
والروح ويش عذرها في ترك واجبها =راح الحسب والنسب في جمع الأموالي
نفسي تبى العز والحاجات تغصبها =ترمي بها بين أجاويد وانذالي
المال يحي رجالاً لا حياة ابها =كالسيل يحي الهشيم الدمدم البالي
عفت المنازل وروحي يوم اجنبها =منها غنيمه وعنها البعد أولا لي
لا خير في ديرةٍ يشقى العزيز ابها =يمشي مع الناس في همٍ وإذلالي
دارٍ بها الخوف دومٍ ما يغايبها =والجوع فيها ومعها بعض الاحوالي
جوعى سراحينها شبعى ثعالبها =الكلب والهر يقدم كل ريبالي
عز الفتى راس ماله من مكاسبها=يا مرتضي الهون لا عزٍّ ولا مالي
دللت بالروح لين ارخصت جانبها =وانا عتيبي عريب الجد والخالي
قومٍ تدوس الافاعي مع عقاربها =ولها عزايم تهد الشامخ العالي
خل المنازل وقل للبين يندبها =يبكي عليها بدمع العين هطالي
لا تعمر الدار والقالات تخربها =بيع الردي بالخساره واشتر الغالي
ما ضاقت الأرض وانسدت مذاهبها =فيها السعه والمراجل والتفتالِ
دارٍ بدار وجيرانٍ نقاربها =وارضٍ بأرض وأطلالٍ بأطلالي
والناس اجانيب لين إنك تصاحبها=تكون منهم كما قالوا بالأمثالي
الارض لله نمشي في مناكبها =والله قدر لنا أرزاق وآجالي
حث المطايا وشرِّقها وغرِّبها =واقطع بها كل فجٍّ دارسٍ خالي
واطعن انحور الفيافي في ترايبها =وابعد عن الهم تمسي خالي البالي
من كل عمليةٍ تقطع براكبها =فدافد البيد درهامٍ وزرفالي
تبعدك عن دار قومٍ ودار تقربها =واختر لنفسك للمنزال منزالي
لو متّ في ديرةٍ قفراً جوانبها=فيها لوطى السباع الغبس مدهالي
اخير من ديرةٍ يجفاك صاحبها =كم ذا الجفا والتجافي والتعلالي
دوس المخاطر ولا تخشى عواقبها =الموت واحد وبعد العز يجلالي
ان المنايا إذا مدت مخالبها=تدركك لو كنت في جو السما العالي
ما قرت الاسد في عالي مراقبها =تسعى على الرزق ما حنت للاشبالي
والشمس في برجها والغيم يحجبها =تقفي وتقبل لها في العرش مجدالى
رب السماوات يا محصي كواكبها =يا مجري السفن في لجات الأهوالي
ضاقت بنا الأرض واشتبت شبايبها =والغيث محبوس يا معبود يا والي
يا الله من مزنةٍ هبت هبايبها =رعادها بات له في البحر زلزالي
ريح العوالي من المنشا تجاذبها =جذب الدلى من جباء مطوية الجالي
ديمومةٍ سبلت وأرخت ذوايبها =وانهل منها غزير الوبل همالي
تسقي دياراً شديد الوقت حاربها=ما عاد فيها لبعض الناس منزالي
يا جاهل اسمع تماثيلاً مرتبها =فيها معاني جميع القيل والقالي
مثل المحابيب زادت في قوالبها =في صرفها زايده عن قرش واريالي
يا ربي توبه وروحي لا تعذبها =يوم القيامه إذا ما ضاقت اعمالي
وازكى صلاةٍ على المختار نوهبها =شفيعنا يوم حشرٍ فيه الأهوالي
وازكى صلاةٍ على المختار نوهبها=شفيعنا يوم حشرٍ فيه الأهوالي
وازكى صلاةٍ على المختار نوهبها =شفيعنا يوم حشرٍ فيه الأهوالي