::: مـنتدى قبيلـة الـدواسـر الـرسمي ::: - هذا آخر إللي بقوله لو يحرك غضبك ..

،، راقت لـي الشعر وحروفه ~

**

واقف على آخر طريق نمر فيه آحتريك ..
................ عشان آقول: الله يسامح خطا من غصبك !

بروح ،، لكن ورب البيت ميت عليك ..
................ هذا آخر إللي بقوله لو يحرك غضبك ..

مافيه حل بيديني ولا بعد في يديك ..
................ تعبت ،، وآقسى شعور آتعبني [ لحظة تعبك ]

لا تعاتبني آنا من كل قلبي آبييك
................ جارحني الوقت وآكثر منه يجرح عتبك ..

لو آفترضتك ( آميره ) وإن جدك ( مليك )
................ آنا بعد ماني بـ قاصر وآشرّف نسبك ..

لكنه الزمن خلاني قبل لا آرتويك ..
................ آفكر 2000 مره ،، و آبتعد عن طلبك !

لا بعت آهلي عشان آكسب يدك وآشتريك ؟!
................ ماني كفو وقتها ( آكون آنا من عجبك ) ..

بقول جمله وقوليها على والديك:
................ ( من باع آهله يبيعك لا شراك وكسبك ) !!

والله لو كان فيني عــرق تاليه فيك ..
................ ماقفوا دون حلمي في عيوني / عربك ..

مابين آجيك ؟ وخلاص آبعد ! ولاعاد آجيك ..
................ خذتني [ آفكار ليلٍ ضاميٍ ] ما شربك ..

الله يذكرك يا ليلة لقانا هذيك ..
................ الشوق فيها ذبحه البعد ليما قربك ..

في جو هادي ونور من القمر معتليك
................ وآنتي وآنا والولع وضلوع صدري حطبك ..

كل ما بردتي تشبيني غلا وآحتويك ..
................ كان الولــه كل مره تعاندينه غلبك ..

مالي شريك بـ حياتك / وآنت مالك شريك ..
................ داخل حياتي ،، وفجأه ! من حياتي سلبك ..

الله يهنيه .. والله يحفظه .. ويحميك
................ حتى لو إنك نصيبه وقسمته الله كتبك ..

خذاك مني وآنا ساكت ولا برتجيك ..
................ بس بطلبك شي واحد ، قبل آوادع هدبك ..

( قولي له يدير باله لا تعبتي عليك )
................ خابرك طبعك خجوله ، تصبرين بتعبك ..

**

لـ العذب: ثامر شبيب ~