::: مـنتدى قبيلـة الـدواسـر الـرسمي :::

كلاً على غاية مراده وشفه /وانا على غاية مرادي وشفي
ويا خال اشوف الوقت عجلً ملفه/ياسرع مايمشي ونوره مطفي
الله يكافينا شروره وحفه/الله ياوقت العنى وش مخفي
وبعض العرب ﻻراح جعله مهفه/هفت مقيطً والرشاء يوم هفي
وبعض الرجال يجيك مابه معفه/هذار بالمجلس يحش المقفي
يمد حلقومه وماجاه سفه/ مثل البهايم يوم ترتع تسفي
نفسه دنوع وكل ش"ماتطفه/ من زين والا شين ماهي تعفي
يالله عسى غبر الليالي تلفه/ومن حيث ماعدل زمانه يلفي
إلا الذي شروا جنابك منفه/ ومن الرداء وعلوم دربه معفي
ويالله يامحيي الوطن عقب جفه/ تعين من عاصر زمانه بدفي
والختم صلوا عد مالطير رفه /على رسولاً للرساله موفي

الشاعر/حمد بن راشد الهواشله الدوسري