سلامي على اللي عادته يكسب النوماس= خوي الخوي اللي فعوله مجملته
سلامي عليه اعداد ماذعذع النسناس =على وادي تو المخيله مسيلته
وسلامي عليه وكل قرم قوي الباس= أعزه وله تقدير واعرف منزلته
وانا اخص ابن جزوا محمد عريب الساس= طليق الحجاج يسر بالي مقابلته
راعي مجلس زله درس من كثر ما أنداس= رجال المكارم دايم الدوم داهلته
وراعي دلال فوق جمر الغضا جلاس= بها كيف بنن للنشاما محصلته
من اللي لهم بالطيب والمعرفه مقياس= رجال الدواسر بيرق العزشايلته
لهم يشهد التاريخ والدرع هو والطاس =وكلا فعوله بالجزيره مخولته
سمعنا بذكرك يابن جزوا مع اقصى الناس= بفعل الجميل اللي يمينك مسجلته
وعرفتك وجالستك ويا مطيب المجلاس= مع اللي مثل شرواك يفرق بمرجلته
وانا يابن جزوا شاعر في البحر غطاس= وموج البحر لا هاج للبر حولته
أصوغ المثايل فيك واقولها بحساس= وقصيدي يزودني شرف فيك لاقلته