::: مـنتدى قبيلـة الـدواسـر الـرسمي ::: - كن من تكون فأنت من تراب ؟؟؟؟

السلام عليكم
قالو :
كن من تكون فأنت من تراب ؟؟؟؟
الكلام بالعاميه

وقالو :
الانسان ان لم تجده قد بات في بيته فقد تجده
بات في قبره

زين هذا حال الانسان مخلوق من تراب
وراح يرجع لتراب

لعد ليش اكو ناس تصور نفسها مخلوقه
مو من تراب تعتقد هيه مخلوقه من ذهب
لوفضه

تشوف نظراته كلها تكبر وغرور ويباوع
عليك بطرف عينه

من تشوف واحدهم بالشارع واتسلم عليه
وتكومله بالسلام
تشوفه حتى ميرفع ايده من يسلم
يسلم بحواجبه ... لو يسلم بطرف اصابيعه

تعليق بسيط :
( صارت عليك زحمه لو متسلم هم احسن )
..........

ومن اتكله يابه ترى افلان مريض
او فلان راح يتزوج
او فلان ابوه مات امشي خلي نقوم بالواجب

يكلك : اني اروح على فلان ؟؟؟؟
انته صدك تحجي
انته متعرف اني منو وهو منو ؟؟؟؟؟

ارجوك اني ما انزل مستوايه لمثل هاي النماذج

انسى الموضوع وروح وحدك
.......
.......

وتشوف وحده فرحانه بنفسها
شايفه نفسها حلوة والكاع مشايلتها
والخطابه ... لازمين .. سره عليها
وهي تشبه الممثله فلانه
وتضل نص ساعه واكفه على المرايه
تتغزل بنفسها

وتصنف على بنات العالم

هاي عوبه .... وهاي تلعب النفس

وشعارها .... اني احلى وحده بالدنيا

وماكو مثلي .... ولا راح تجي وحده تشبهني

والله سبحانه وتعالى مخالق وحده بجمالي

هم تعليق بسيط :

(ادري جمالج ... المن .. مو .. نهايه بالقبور قابل راح اتعيشين الف سنه رحمه على والديج)

........

واحد يكول : اني من ارقى العوائل وابن فصل
واصل ومحد مثلي

و واحد يكول : اني عندي فلوس ... بفلوسي
اذل اكبر واحد بيها

و واحد يكول : اني ماكو واحد بثقافتي ...
كلها متخلفين

السؤال الي يطرح نفسه

هل بعض الناس يستخدم الغرور عن قصد
ليميز نفسه عن الناس ؟؟؟؟؟

زين الغرور صفه كل الناس تكرها
لعد ليش يستخدموها ؟؟؟؟

ليش البساطه والتواضع غير مرغوب بيه
والتكبر والغرور هو الماشي ؟؟؟؟

----ماعليش باللهجه العاميه--