::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   قصيدة الشاعر/طامي بن ناصر المشادقه الغييثي في فلاح بن شافي ابوراس (http://alduwaser.org/vb/showthread.php?t=69814)

حمد ابن فهد 21-12-2014 10:56 AM

قصيدة الشاعر/طامي بن ناصر المشادقه الغييثي في فلاح بن شافي ابوراس
 
سرى الليل يانومن جفا محجر الاعيان..
عليها المنام ابعد من الخرج للكوفه..
تجلا منامي وانثعت حزمت القيفان..
بمدح الذي يقنا الرياجيل معروفه..
فلاح ابن شافي عز يالمحزم المليان..
ابو راس لاحدك غثا الوقت وصدوفه..
رسا بالوفا وارسا من جبال خشم العان..
يشيل الحمول ويدحم الجمع بكتوفه..
حزام الشدايد جعل يفدونه الرديان..
عيال الرخوم اللي خسارات وحسوفه..
ذرا اللي تحداه الزمان وشنار شان..
يبشر والله ابعزه ولو زادت كلوفه..
كعام الضدايد مكرم الجار والضيفان..
وسط مجلسن مصتك من كثرت اضيوفه..
ابوراس نبراس الشجيعين والكرمان..
كريمن حما ماقف سلايله وسلوفه..
سلايل بني هاجر ليا ذكروا الشيخان..
يوم ان الزمان الجاهلي تبهت ظروفه..
يابوراس فيك المدح خمست عشر ديوان..
مايوفي جنابك يا احمر العين بحروفه..
ولا ازين من الامداح لاجت على برهان..
وفعايل يمينك يا ابيض الوجه مشيوفه..
غييثي واحب الكفو والقرم والبطران..
ومثلك عليه المدح همالن قنوفه..

الشاعر : طامي بن ناصر المشادقه الغييثي

راشد المسعري 23-12-2014 10:03 AM

رد: قصيدة الشاعر/طامي بن ناصر المشادقه الغييثي في فلاح بن شافي ابوراس
 
سرى الليل يانومن جفا محجر الاعيان..
عليها المنام ابعد من الخرج للكوفه..
تجلا منامي وانثعت حزمت القيفان..
بمدح الذي يقنا الرياجيل معروفه..



الله الله
القصيدة من مطلعها
صح لسان الشاعر طامي بن ناصر
ويستاهل الممدوح ماقيل فيه
وبيض الله وجه الشاعر
ولكن يابو فهد وين الشاعر هذا وياليت تزودنا بقصايده
مفروض مثل هذا الشاعر معروف في المنابر واحتفالات القبيلة
تقبل ودي وتقديري ،،،

حمد ابن فهد 23-12-2014 02:43 PM

رد: قصيدة الشاعر/طامي بن ناصر المشادقه الغييثي في فلاح بن شافي ابوراس
 
اررحب يابومحسن ووصلت له الخبر وابشروا بالخير طامي شاعر جزل وقصايده كثيرة ووعدني بأنزالها هنا في المنتدى


الساعة الآن 05:26 PM

Powered by vBulletin® Copyright ©2000 - 2024, Jelsoft Enterprises Ltd.
---