::: مـنتدى قبيلـة الـدواسـر الـرسمي ::: - بهديك طعنه..من..بقايه طعونك......؟؟؟

- :: قسم الـشعر العــام :: (http://alduwaser.org/vb/forumdisplay.php?f=16)

- - بهديك طعنه..من..بقايه طعونك......؟؟؟ (http://alduwaser.org/vb/showthread.php?t=57914)

بهديك طعنه..من..بقايه طعونك......؟؟؟

بهديك طعنه..من..بقايه طعونك

جيت بأنسى واتراجـع واسامحـك
صاحت جروحي واشتكت لي طعونـك

كلك خيانه قول .. وشلـون بأمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـوّل .. لاتـغـرّك لحـونـك

اللي تقوله صح .. لو كنـت جارحـك
(مير) انت غارق للاسف في ظنونـك

وصفك نسيته بس .. باقي ملامحـك
بأنهيـك وانهـي بالنهايـه جنـونـك

ماتستحـق امـد (كفـي) واصافحـك
مثلك غلط عمري وبأحيـا .. بدونـك

لعبـت دورك شاهـداتٍ مسـارحـك
خدعتنـي واظهـرت خافـي فنونـك

كنت اعتقد .. قلبي هو ابرز مطامحك
اللي يبيـع النـاس لأجل يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. بأمسحـك
هدّيت صرحـك ثـم طاحـت ركونـك

ولا أبي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب .. ترتجيني اسامحك
بأهديك طعنه .. مـن بقايـا طعونـك