::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   قصيدة في الشيخ : عبدالله بن ربيع المخاريم (http://alduwaser.org/vb/showthread.php?t=76891)

تركي ابن نايف 23-08-2019 01:57 PM

قصيدة في الشيخ : عبدالله بن ربيع المخاريم
 
اهداء الشيخ عبدالله بن ربيع المخاريم الدوسري

ياهجوسي ماذخرته من الجزلات حان
موعده هاته ومنصاه شيخ يذكرا

ذاك عبدالله ربيع ومدحي فيه زان
لي مديحه بالشعر يوم طاريه طرا

ماستشرنا في مدايح طويلين اليمان
وما مدحنا بالشعر كود من فعله يرا

الكفو له حق عندي وتزهاه السمان
وانت يابن ربيع امير من روس أومرا

انت ياعبدالله ربيع الي لك مكان
في قلوب الناس ياجعل شكلك يكثرا

ياالامير الي مجدد تواريخاً زيان
جدد التاريخ لشيوخ قوماً وومرا

محييً تاريخ جدانه الي من زمان
يامنومس كل من كان يعرفك ودرا

جعل ربي يحفظك يا الحصان بن الحصان
يالامير لي علي درب جدانه جرا

ومدحي ابن ربيع الشيخ عبدالله عشان
اصفه بالشعر واعطيه حقه وافخرا

ذا حفيد ربيع ومن كبيرين العيان
من مخاريم الفخر والمنيعي يفخرا

من مخاريم لهم مجد في عالي المكان
يكعمون الخصم لاجات ردات البرا

من هل المجد الرفيع ومروين السنان
للعدو سم ذحاح وللصاحب ذرا

وافين شبره وبيته مشرع للعيان
ابلجً طلقن حجاجه ومنصى الخطرا

مشيختكم شيدت عاد نجد بلا أمان
والقوي متسيد(ن) والضعيف يقهرا

سيس ربيع بناها ولاغر العيان
منهو ربيع وسيرته مسك وعنبرا

والامير ربيع جعله في عالي الجنان
يشهد بمجده وفعله مناعير الورا

ركن ثابت في القبيله مهاب مايهان
في الشدايد وقفته كانها طويق وكرا

له مقام وهيبه وله معزه له مكان
والعرب فيما الله أعطاه من خير خشرا

عيلم خلده فعله على طول الزمان
بالذهب مجده وفعله وطيبه سطرا

والشيوخ اليوم كثرو بلا ماضي يبان
من كثر ماله غدا اليوم شيخ ويذكرا

كون لا ثار الرمك وختلط عج ودخان
بانو شيوخ الاشده وشيخان العرا

ذي حقايق ما نجامل فلان ولا فلان
والحقايق عدها حق وتقال جهرا

ذا وصلي قبل ما اختم على الهادي وحان
ختم قافي والعذر يالامير ان قصرا

الشاعر :/ عامر عبدالرحمن النتيفات..

صح لسان الشاعر وابو ربيع يستاهل


الساعة الآن 08:33 PM

Powered by vBulletin® Copyright ©2000 - 2024, Jelsoft Enterprises Ltd.
---