::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   يالله بليل يبرد الكبد مافيه (http://alduwaser.org/vb/showthread.php?t=74630)

شافي بن راشد النتيفات 13-12-2016 07:58 PM

يالله بليل يبرد الكبد مافيه
 
‏يالله بــلــيـل يـــبــرد الــكــبـد مــافــيـه
‏على المجوس اللي عثت داخل الشام

‏يــــا واحــــدٍ كـــل الـمـخـاليق تـرجـيـه
كــون عـون مـنهو يـشتكي جـور الايـام

شــعــب بــلـيـا ذنــــب مــحـدٍ يـراعـيـه
الـلـي رحـل والـلي عـلى وجـهته هـام

وش يـرتـجـى مـــن حـاكـم ذي تـوالـيه
ضـحـى بـشـعبه لـجـل عـبـاد الاصـنـام

بــاع الـشـرف وارخــص عـلـيهم مـباديه
وبــاع الـكـرامة لـجـل تـحـقيق الاحــلام

بـــشــار ضــــاع وضــيــع الله هــقـاويـه
ولا لـه سـوى الا الـمشنقه مـثل صدام

وصــدام مــا شـفـناه يـمشي مـماشيه
وشــلـون يــتـرك ذا ويـحـكـم بـالاعـدام

الـــوضـــع بــــــان وبــيــنــات مـــواريــه
مــايــحـتـمـل تـــاجــيــل والا تــفــهّــام

يـبـيـلـهم يــــوم عــســى الله يــعـديـه
ونـعـيد مـجـدا فــات لــو قــام مــن قـام

ايــــران والــــروس الـخـبـيـثه تـمـشـيه
واذنـابـهـم حــولـه كــمـا روس الانــعـام

تـمـشي عـلـى اوامـرهـم بـكـل تـنـبيه
بــاعــو عـروبـتـهـم عــلـشـان الاقـــزام

نــصــر الله الــلــي كـــل يـــوم نـغـذيـه
مـن عـقب مـاشبع ونـهق يـبغي خـطام

وعـراقـنـا الــلـي كـــان مــحـداً يـدانـيـه
سـيـطر عـليه وصـار مـن ضـمن الاقـوام

والــحــوثـي الـــغــدار لـــحــدٍ يــخـلـيـه
حـتـى الـمـشاعر قـام يـرسلها اسـهام

مــن عـقـب مـاحـنا مــن الـمـال نـعطيه
الــيــوم يــــزرع تــحـت عـمـانـه الــغـام

مـــن خـــان داره خـــان ربـعـه واهـالـيه
هـــل تـقـيـة مـعـروفـة بــيـن الاحــكـام

وتـــرا الــهـدف مــعـروف كـــل يـراعـيـه
لـكـن دونــه مــن خــدم ديــن الاسـلام

الــلـي عــلـى مــلـة ورســـى مـبـانـيه
اهــل الـخـليج مـوطـية روس الاخـصـام

فهد الغريري 14-12-2016 03:16 AM

رد: يالله بليل يبرد الكبد مافيه
 
صح الله السانك ي بوشالح

ساقان الدواسر 04-03-2017 01:32 PM

رد: يالله بليل يبرد الكبد مافيه
 
أخي الغالي والشاعر المبدع شافي بن راشد النتيفات يحفظه الله
السلام عليكم ورحمه الله وبركاته
شافي هامه عاليه وغاليه علينا نحن الدواسر ويحق لنا أن نفخر
قصيدة أصابه الهدف وعسى أن يتخلص الشام من ظلم الظالمين
نعم ونحن معكم يا شاعرنا الغالي
(يالله بليل يبرد الكبد ما فيه)



الساعة الآن 03:24 PM

Powered by vBulletin® Copyright ©2000 - 2024, Jelsoft Enterprises Ltd.
---