السلام عليكم وحمة الله وبركاته

حبيت اقدم لكم قصيدة من القصائد التي اعجبتني كثيرا طبعا حاولت اجيبها لكم صوتيه والحمد لله حولتها الى من يوتيوب الى mp3 ,واتمنى تعجبكم




يا صاحبي جفن العنا عناني=من هاجسٍ عن مرقدي قزاني

وقامن روابع خاطري يردنه=وردن مثل ورد القطى العطشاني

على محيرٍ صافيٍ في صفصف=ما يرده الا مومي الجنحاني

وردنه بيومٍ هبوبه لاهب=وهيفية الجوزاء لها دخاني

والماء مواريده بعيدٍ عنهن=ومثل امس ما شربن شرابٍ هاني

وطاري يذكرني بعطرٍ فايت=عصرٍ مضى في سالف الازماني

ما باقي الا ذكر اهله مخلد=ناسٍ فنوا واللي سوا الله فاني

مطوعين الكايد المستعصي=تحت يديهم كل صعبٍ لاني

ما يشترون الا الثمين النادر=جواهرٍ يرجح بها الميزاني

ولا يقطفون الا القطوف المثمر=وقطف الثمر ماهو بخبط اغصاني

ولا يبدعون الا البيوت الشرد=اللي مقاطعهن مثل شاماني

جزل القصيد اللي يصح النايم=مثايلٍ يبصر بها العمياني

مثل المسمى براع الاجرب تركي=وشيبان ابن قويد ولويحاني

وصقر النصافي والوضيحي بصري=وخجيم ابن عواد ودبياني

ومثل السديري والدجيماء ومرشد=وابن حميد ومحسن الهزاني

وشالح وابن لعبون وابن دويرج=وخلف لاذن وبديوي الوقداني

والقاضي ودعسان وابن سبيل=ومشعان ابن هذال و الدنداني

وعساف وشليويح وابن طويرش=وسعدون والظلماوي وراكاني

والغيهباني والخلاوي راشد=وابن شريم ومحدى الهبداني

لو باتقصوى ما قدرت احصيهم=واللي ذكرت اثباتي وبرهاني

قبل الاذاعه والقلم والصفحه=تلقاء قصايدهم مع الركباني

واليوم جيل الفاهم المتثقف=جيلٍ نهج بالشعر نهجٍ ثاني

متطورين وطورو فالكلمه=وتغير الاسلوب والاوزاني

متخالطٍ شعر النبط بالفصحى=يا لاح يا ملاحي ويا ليحاني

واخر موديلات القصيد الدارج=قصايد المتولع الهيماني

يبدا القصيد وينتهي في نفسه=انا تراي افلان وابن افلاني

غازي مع امهنا بسيف ومنسف=واليا تعزوى جندل الفرساني

يفتل على بنت الضعيف الشارب=ويقول احب صخيف الذرعاني

مايدري ان اللي يحب ايضحي=العمر ما يغلى علا الخلاني

وهذا حلال القوم ربعه واجد=الله يعافيهم ولا يبلاني

وقصادهم في مجتمعهم كنه=اعمى يوصف له على صقهاني

ويصرحون ان الشعر مدهور=ودواه قطع القلب والشرياني

واللي يسوي مثلهم مايبلش=مشرعه في وجهه البيباني

في مدرسة حوس القصيد يدرس=ويعطى جميع ادروسها مجاني

وحاس القصيد وجاك محدٍ مثله=شاعر ونجم ومبدعٍ فناني

وغارت مع الخيل المغيره شقراء=في كل ميدانٍ لها ميداني

هذا يسمى عابثٍ متجري=والا يسمى ملهي الرعياني

وشعر الحداثه مانحب انقوله=لو جيت اقوله ما يطيع الساني

حومت خياله حومتٍ لاعادت=حول بصيدة طير ابن برماني

صور لهم من فوق فلمٍ مختل=خالٍ من الاشكال والالواني

مثل السنابل فالدفاتر تزرع=والشمس تحكي قصة الحرماني

ولون السماء صفراء وبني فاتح=والارض تمطر والسحاب ايعاني

هذا يبروز صورةٍ محترقه=سلعة فقر من خزنة الفقراني

هذا كلامي واضحٍ ومثبت=الشعر دوله مالها سلطاني

وانا على رايي وكل ورايه=ويسلم على قول الصحيح الساني

التحميل ((http://www.gulfup.com/X34q8v4cfsc2sgw))

المشاركة الأصلية كتبت بواسطة محمد بن حمد الشكرة (المشاركة 720570) بيض الله وجهك يامعجب على النقل وصح الله لسان ابن مدعث وعز الله انه شاعر علم وكبير

ووجهك ابيض يابو حمد شرفتني بمرورك

المشاركة الأصلية كتبت بواسطة مبارك بن شافي النتيفات (المشاركة 720581) صح لسان الشاعر خالد بن مدعث على هذه الدرر الرائعة وسلمت يمينك على النقل المميز دمت بحفظ الرحمن

الله يسلمك يابو شافي شرفتني بمرورك

المشاركة الأصلية كتبت بواسطة شافي بن راشد النتيفات (المشاركة 720647) صح الله لسانك على النقل المميز

ما باقي الا ذكر اهله مخلد=ناسٍ فنوا واللي سوا الله فاني مطوعين الكايد المستعصي=تحت يديهم كل صعبٍ لاني ما يشترون الا الثمين النادر=جواهرٍ يرجح بها الميزاني ولا يقطفون الا القطوف المثمر=وقطف الثمر ماهو بخبط اغصاني ولا يبدعون الا البيوت الشرد=اللي مقاطعهن مثل شاماني جزل القصيد اللي يصح النايم=مثايلٍ يبصر بها العمياني مثل المسمى براع الاجرب تركي=وشيبان ابن قويد ولويحاني وصقر النصافي والوضيحي بصري=وخجيم ابن عواد ودبياني ومثل السديري والدجيماء ومرشد=وابن حميد ومحسن الهزاني وشالح وابن لعبون وابن دويرج=وخلف لاذن وبديوي الوقداني والقاضي ودعسان وابن سبيل=ومشعان ابن هذال و الدنداني وعساف وشليويح وابن طويرش=وسعدون والظلماوي وراكاني والغيهباني والخلاوي راشد=وابن شريم ومحدى الهبداني