|
وصف الطير - بشار
السلام عليكم ورحمة الله وبركاته
مساكم الله / صبحكم الله بالخير يابني عمي جميع وكل المشتركين في منتدانا الطيب هذي قصيدة للشاعر المبدع عبدالله بن عون في وصف الطير وحبيت اني انقلها لكم حيث ان كلماتها قمة الروعة وعسى تحوز على رضاكم ...... مشاعري تندر في مدح بشار الوافي اللي عايزاتن وصووفه لا داره الصقار يذهل ويحتار نوادر اوساطه تناسب شفوفه الفارع الهجر الجبر وافي الاشبار فجحن عراقيبه وحرشن كفوفه واللون فيه الزلت يغلب على النار تغامق بطونه تفاتح حروفه لافرعوبه في عذيات الاقفار وجه الكريم اللي حشامن ظيوفه وبالطلع في عينه تلسكوب منظار وفي حد شوفه ماتحرك يشوفه واليا رصد طلعه بشاشات رادار ارموز طلع الدرج فيه معروفه كنه اليا اقفى فارسن يطلب الثار يهز جنحانه بليا كلوفه وردام يبي طلعن ورى شوف الابصار وحول على جولن يركز عروفه له صايدن كنه بالاوصاف شنكار يظهر فواد الخرب من وسط جوفه ماله مهازيمن عنه درج وطيار لحاق ساطي ما فقلبه مروفه عزالله ان به طير وان له صقار شيخن حناشلة الردى ماتحوفه تقبلوا صادق الود والاحترام |
مشاركة: وصف الطير - بشار
صح الله لسان الشاعر ابن عون وصح لسانك ياولد العم على االاختيار الرائع والموفق
تقبل تحياتي،، |
مشاركة: وصف الطير - بشار
يشرفني يابومبارك انك اول من علق على القصيدة وهذا شرف لي يابن العم
لاهنت يابومبارك |
مشاركة: وصف الطير - بشار
بسم الله الرحمن الرحيم
تسلم يمناك بما خطت .وصح لسان الشاعر بن عون.وعسي الله يوفقكم. |
مشاركة: وصف الطير - بشار
يامرحبا بابن العم ابونواف الدوسري لاهنت على المرور ... شرفني مرورك
وهذا رابط اتمنى انه يشتغل اذا كنت تريد سماع الابيات مغناه بصوت نواف منيف ملاحظة: الرابط يحتوي على موسيقى http://www.sh3be.com/music/Mnef/Bsh3r.rm? |
الساعة الآن 06:20 PM
 |
Powered by vBulletin® Copyright ©2000 - 2024, Jelsoft Enterprises Ltd.
---