|
مطلوب المشاركه من شعراء الموقع
ياصاحبي درب العلا صعب بالحيل=دونه مسافـة جرهديـه وجـرداء وقدمك لعكفان الشـوارب مداهيـل=قطّاعة الفرجه على كـل سـرداء وان كان ماتقدر دروب الرياجيـل=عوّد وتلقـى واحـدٍ منـك وأردا
|
رد: مطلوب المشاركه من شعراء الموقع
لاهنت يابومطر على النقل وبيض الله وجهك وصح لسان
رشيد الزلامي
درب المراجل يالزلامي تساهيل=للي على القمة تفرش بوردا ياماحلى لاشفت فيه المشاكيل=في قمته تلقى جموعٍ وفردا والا الردي ماهوب يحتاج تفصيل=ما عاش في حرٍ ولاذاق بردا |
رد: مطلوب المشاركه من شعراء الموقع
ابو مطر بيض الله وجهك فكره تشكر عليها
وصح لساااان الشاعر رشيد الزلامي وصح لساااان شاعرنا المبدع شافي النتيفات درب العلا مايجهله كل حلحيل= اللي يشوش ولانوى الصعب وردا على مداهيله ولايطفح الكيل=ولاجا لزومه ماتغبّا وشردا واللي من دورب العلا جاه تهويل=مايكسب الطالات لوكان (يردا..!!) |
رد: مطلوب المشاركه من شعراء الموقع
|
رد: مطلوب المشاركه من شعراء الموقع
لا هنت يا ابو مطر على هالموضوع وصح الله السان الشاعر رشيد الزلامي وصح الله السنه شعار المنتدى وبيض الله وجيهم وانا اقول مجارات للشاعر الكبير رشيد
درب الشكالة خابرينه كما السيل=ما كل من ياصل جمامه بيردا يبغى قروم صاملين وحلاحيل=تسرد مفاخرهم على الخلق سردا ولا ترى الخايب عشير المهابيل=ان عاش ما ينفعك وان مات فردا وتقبلوا مروري سعد بن هادي |
رد: مطلوب المشاركه من شعراء الموقع
الله يعطيك العافيه يأبو مطر على النقل
وصح لسان زملائي الشعار اللذين سبقوني وأنا أقول ~~ درب العلا ضلع عسير المناويل .......والناس تسعى لع جماعه وفردا لكن مايرقاه كود الحلاحيل .......اللي تحوش الطـيب جمله وفردا أفعالهم تروى لجيل بعد جيل .......ومهارهم للطـيب ماهيب حردا |
رد: مطلوب المشاركه من شعراء الموقع
الدرب يعرف وللمراجل مداخيل = مثل الزمان اللي بحراً وبردا ان طاب وقتك جاك بالخير والكيل = والحظ الاقشر يطرد الخير طردا هاذا زمانً يفتر العقل والحيل = وهل اللحا صارو من الوقت مردا |
رد: مطلوب المشاركه من شعراء الموقع
السلام عليكم
صح لسان الزلامي وصح الله لسان اخواني الشعراء درب العلا غبه كما السند والنيل=وكم واحد وردهـ وعقّب وشردا وسهله على النشمي حفيد المشاكيل=لامايهاب الموت للعد وردا اللي لياصارت بضرب المصاقيل=مثل الاسد يضرب ولاهوب حردا لاهنت يابومطر |
رد: مطلوب المشاركه من شعراء الموقع
ما شاء الله عليكم
عيني عليكم بارده صح اللسانكم ملايين و تفاعل رائع وجميل لا بيات ابو جميل كم اتمنى من الزلامي الاطلاع على مجاراتكم |
رد: مطلوب المشاركه من شعراء الموقع
شكرا للاستاذ المبدع خميس الغييثي
وشعرانا ما قصروا بالمجاراه الله يعطيهم العافيه تحياتي |
رد: مطلوب المشاركه من شعراء الموقع
ابوشييييخة
مساك الله بالخيييييير موضوع شيّق وراق لي والله لكني والله فخووور بربعنا عسى الله يوفقهم << ماخلوا له قافٍ ماشاءالله ماتطرقوا له>> وابو جميييل علم فالشعر عسى الله يطول عمره وتسلم يابومطر هلى الموضوع وطرحه .. واتمنى هالمجاراة تلقى الرضا...
ترى العلا يا رشيد للراشد مقيل=طايله لو ترشده ما طال شِرداء يوم المراجل فالمحاجل خلاخيل=لابارك الله فالردي جال مرداء الله شرع للناس تربع بلا ميل=قاله نبيّه في رُوّآء لِإءِبنْ درداء |
رد: مطلوب المشاركه من شعراء الموقع
صحت الالسن يعطيكم العافيه
|
رد: مطلوب المشاركه من شعراء الموقع
صح الله السنت الشعار الكرام
وبصراحة اعجبني شاعرين بقوة ولاني بذاكرهم عشان ماابلش :12: ولاهنت يابو مطر وانا ذكر لي شاعر أو بالأصح ناقد غير دوسري أن في قصيدة الزلامي لغز كبير وبداخل هذه الثلاث ابيات اسماء لثلاث او اربع اماكن لإحدى القبائل لكن حروفها مقطعة بأكثر من كلمة وتحتاج ذكاء. والله اعلم |
رد: مطلوب المشاركه من شعراء الموقع
صح لسان الشعراء ابداع رائع وننتظر باقي العملاقه للمجاراة
|
رد: مطلوب المشاركه من شعراء الموقع
مرحبابك يابومحسن
وانا مثلك سمعت ان الابيات مقصود فيها حاجه لكن في لقاء للزلامي يوضح انه كتبها وعجز عن تكملتها بسبب انه لو جاب بيت رابع مايجي نفس مستوى اللي قبله وهذا المقطع http://www.kuwait80.com/tv/watch4676...%8A%D9%84.html |
الساعة الآن 03:56 AM
 |
Powered by vBulletin® Copyright ©2000 - 2024, Jelsoft Enterprises Ltd.
---