هذه القصيده رد على قصيدة
شاعر من شعار الدواسر

في قصيدته التي تطرق فيها الى ذكر افعال الدواسر ولم يتطرق الى ذكر افعال آل عمار ضمن أفعال الدواسر ......
والتي لايجهلها التاريخ ولايجهلها احد
ووثقها الشعراء........

بديت بذكر ربٍ عابدينه
اله الكون ربٍ مرتجينه
أنا اللي هيض الفكر وحداني
على بدع البيوت اللي ثمينه
قصيدة شاعرٍ قال وتهيض
يعد القول وإنا عارفينه
يعد فعول كل الدوسريه
وتجاهل فعل وانتوا خابرينه
تجاهل فعل سربان المحازم
هل الجوخ الحمر هم لابسينه
فسلام الله عليكم ياربوعي
عدد ماهل وبلٍ من غشينه
وعدد من حج بيت الله وزاره
وعدد من فالسجون مكبلينه
وعدد مليار في مليار واكثر
يجيكم من طرفنا مرسلينه
على فكسار لاند كروزر ابيض
جديدٍ من الوكاله مظهرينه
يعم اهل القرايا واشملوبه
على اهل السيح ربعي محتمينه
ويعم الخرج واهل الخرج ربعي
لهم فعلٍ ولا انا جاهلينه
ويعم اهل الرياض ومن سكن به
لهم مجدٍ علا ومصطرينه
ومن عقبه يحدر صوب دارٍ
ورى العرق المسمى فاهقينه
سلامٍ من ابن مدعث تعمه
تعمه فالقرايا و المدينه
على لآد العميري صلب جدي
موردة السيوف اللي سنينه
فعايل لابتي لامن طرت لي
يشوش الراس فعلٍ كاسبينه
حمينا السيح من كل القبايل
بحد السيف حنا محتمينه
غزانا (خصمنا) ويا اجموعه
يبون الغرس وإنا مانعينه
يبون الغرس زينات النوايع
احموله فالجريد معدلينه
كسرنا جموع(خصمنا)والمرضف
كسرناهم بيومٍ محتسينه
كسرناهم وجابر في نحانا
كسرناهم وجابر جادعينه
وكسرنا الترك يوم انهم غزونا
بجمعٍ للحرايب ذاخرينه
وردينا العشاير يوم راحت
بيومٍ لاد مشيب ماخذينه
لحقناهم وخطمنا عليهم
حبيليصٍ وجهزٍ شاهدينه
وقفنا فالعراص وحن ثبتنا
ولا هبنا جموعٍ حاضرينه
يوم ابن حفيظ يزهم ينتخينا
افداه الروح وإنا جالبينه
وزبنا سعود في وقتٍ مضاله
بوسط السيح حنا ممنينه
وزبنا الشيخ راكان المسمى
ابن حثلين حنا مزبنينه
وهذي فعولنا وفعول اهلنا
ذكرنا بعض من اللي فاعلينه
ولو نعدد فلا نحصي عددها
يعجز من الكتاب مدونينه
وتشهد بالفعل كل القبايل
اليا منه تجاهل منكرينه
وشاعر ماذكرها في قصيده
فكيد إن لابتي هم موجعينه
اختام القول صلى الله وسلم
على محمد عسانا تابعينه

الشاعر/ناصر بن مدعث آل عمار