ما قلت لك بيني وبينك مسافات = ظلام ليل وسهلة جرهديه
في داخلي ذيب وفي داخلك شات = وخاف اجفلها ويشره عليه
تقدير بعض الناس من قدر الأموات = أرواح موتى تنقذ أرواح حيه
بجلباب أبوك مسويلي بطولات = تطرد سراب الال فالمهمهية
الله أكبر يازعيم الفتوحات = والله ولا عنتر بظهر العبيه
لي دين واحد والمقامك ديانات = ولولا صلواتك تضيع الرعيه
ولولاك ما صارت أمريكا ولايات = ولولاك ما ندري وش الجاذبية
أستاذ مبدع في جميع المجالات = يا عبقري ياقمة العبقرية
منك يتعلم تايه الفكر حاجات = الفشخرة والكذب والعنجهية
وتحجيم خلق الله وتعظيم للذات = والهجوله والطهبله والأسيه
مريتك البارح أبي منك فزعات = تعينن على نفسك عساك الأذيه
ولقيتك أكبر من جبال السراوات = وأصغر من النملة بجنب المطيه

منك يتعلم تايـه الفكـر حاجـات ** الفشخـرة والكـذب والعنجهـيـة وتحجيم خلق الله وتعظيـم للـذات ** والهجولـه والطهبلـه والأسـيـه

المشاركة الأصلية كتبت بواسطة أبونواف الدوسري (المشاركة 428979) لا هنت وصح السان الشاعر سالم الرمالي وفقكم الله...

المشاركة الأصلية كتبت بواسطة king (المشاركة 429058) والله ياالظاافر شكل الشاعر قايلها وهو منلهد ههههههههههه بس بجد روووعه الله يكفينا شر ماابدع فيه خوي الشااعر وفكره صح الساانه وسلم نقلك واختيارك

المشاركة الأصلية كتبت بواسطة رفيقة الوفا (المشاركة 429385) كلمات رائعة والله صح لسان من قالها وتسلم يد من نقلها لنا تقبل مروري اختكـ/رفيقة الوفا