::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   خطلان الايدي هل القالات والطاله " جديد خالد مدعث " (http://alduwaser.org/vb/showthread.php?t=51346)

نايف الخييلي 13-06-2010 01:59 AM

خطلان الايدي هل القالات والطاله " جديد خالد مدعث "
 
بسم الله الرحمن الرحيم



الشاعر الكبير شعرياً والمتميز الشاعر \ خالد بن مدعث الخرفاني





لاشك انه لاحد يختلف على شاعريته وقوة جزالته بالقصيد وجمال الصور الشعريه التي يرسمها في قصايده حتى يصيغ لك اجمل القصيد الذي يليق ويستحق السماع
وإرضاء الذائقة الشعريه , يسرني اليوم ان اتفرد بطرح هذه الجزله الوافيه التي لم يسبق لها النشر وهي من فرايد شعره وقصايده لكم




ويقول ابو مدعث







يالله بنو ً من القبله محاديره = متوافقً مع دخول الوسم مدخاله
نوً تسابق قدم وجهه عصافيره = متدليً كن وجه الارض يرقاله
وسمً بكور يسوق الله تباشيره = على وطنا من الريشه لشواله
على مدى الوسم ماشحت شخاتيره= لاقبل حمار الشفق تزبر خياله
وانهل من مقدمه حتى مواخيره = نوب يتحما ونوب يخف هماله
ومع تالي الوسم عشبه يشبع بعيره = عشبه يعانق رقاب قصاره طواله
وشدوا له اهل البل وخاضوا مخاضيره = وكلً تبع شف ذيدانه ومدهاله
وحنا تبعنا هوى الطافح والاميره = وذروه ودويه ودهامه وعياله
نرعابها قافرً تزمي نواويره = وطته دهم المزون وزينت فاله
وحنا هل الذود لاعدوا مشاهيره = الابل لنا من زمان العسر واهواله
نرعاباها القفر من ديره ليا ديره = شمال والا جنوب الربع ورماله
من كل روض تقطفً روس ازاهيره = ومن كل عدً قراح تشرب زلاله
وعن مرتع الخوف ماردت على غيره = نرعابها الخوف لو نجيه عيّاله
ترعى بهيبه هل الحرب ومغاويره = كل ابلجً ناشدً ابوه من خاله
ومن دونها كم وكم شيخً عدل سيره = امزرج معربً ماشرب فنجاله
حنا الدواسر هل الكار ومواكيره = خطلان الايدي هل القالات والطاله
حنا لنا سيره مامثلها سيره = ناسم عصى جارنا ونتيه جماله
وحنا هل الخوه وحنا هل الجيره = وحنا حجى الخايف المضهود وضلاله
خوينا في ذرانا مغنيً طيره =وعدونا يشتكي حزنه وسلاله
وحنا كما السيل تعميره وتدميره = لاسال عمّر الديار ودار يشتاله
واليوم حكم السعود اللى كثر خيره = كلً لبس شماغ ونكس عقاله
__________________







عبدالله الحافر الغييثي 13-06-2010 02:10 AM

رد: خطلان الايدي هل القالات والطاله " جديد خالد مدعث "
 
الله الله على الانتقاء في النقل يابوفهاد
صح لسان الشاعر/خالد بن مدعث
وبيض الله وجهك على النقل يالنادر
تقبل مني فائق وجليل الاحترام والمحبه والتقدير

ابو حسين الدوسري 13-06-2010 03:12 AM

رد: خطلان الايدي هل القالات والطاله " جديد خالد مدعث "
 
عليه لاهنت يخوي ينايف وخالد شاعر لايختلف اثنان عليه

شاعريه وجزاله انتقاء رائع تسلم يمينك عليه

خالص التقدي لشخصكم الكريم

نايف الخييلي 13-06-2010 03:31 AM

رد: خطلان الايدي هل القالات والطاله " جديد خالد مدعث "
 
خميس الغييثي

ووجهك ابيض ومشكور على التواجد الطيب

وجعلك بالوجود

دمت بخير

نايف الخييلي 13-06-2010 03:33 AM

رد: خطلان الايدي هل القالات والطاله " جديد خالد مدعث "
 
ابو حسين الدوسري

مرحبا يابو حسين

اشكرك على الرد الكريم

وجعلك سالم

عادلة 13-06-2010 08:45 AM

رد: خطلان الايدي هل القالات والطاله " جديد خالد مدعث "
 
http://www.alduwasser.org/vb/images/...t-top-left.gif :http://www.alduwasser.org/vb/images/...-top-right.gifhttp://www.alduwasser.org/vb/images/...ot-by-left.gifhttp://www.alduwasser.org/vb/images/...t-by-right.gifhttp://www.alduwasser.org/vb/images/...p-right-10.gif


خااااالد بن مدعث شااااااعر جزل وقصائدة
رسمت باتقان وتميزلامثيل له


http://www.alduwasser.org/vb/images/...t-bot-left.gif
موضوع عآلي بذوقهـ ,, رفيع بشآنهـ
لاهنت اخوي على النقل الرائع
بارك الله فيك
http://www.alduwasser.org/vb/images/...-bot-right.gif

عبدالرحمن بن فلاح آل بريك 14-06-2010 01:27 AM

رد: خطلان الايدي هل القالات والطاله " جديد خالد مدعث "
 
اختيار موفق


لشاعر كبير ..



بارك الله فيك ..

بدر سلطان التمامي 14-06-2010 03:30 PM

رد: خطلان الايدي هل القالات والطاله " جديد خالد مدعث "
 
الشاعر الكبير خالد بن مدعث الدوسري غني عن التعريف

وهو شاعر جزل وتتميز قصائده بالقوه والجزاله والوضوح

والمتابع لقصائده يجد انها نابعه من قلب ومن غير تكلف

ومن يقرء هذه القصيده يجد ان جميع ابياتها جزله من اول القصيده حتى النهايه

وهذا من وجهة نظري مايميز الشاعر خالد

اشكرك اخوي على النقل وصح السان الشاعر

راشد ناصرالدوسري 14-06-2010 08:18 PM

رد: خطلان الايدي هل القالات والطاله " جديد خالد مدعث "
 
قصيدة على الكيف يالشاعر

نايف الخييلي 14-06-2010 09:40 PM

رد: خطلان الايدي هل القالات والطاله " جديد خالد مدعث "
 
عادله

مرحبا بك

شاكر لك التواجد والرد الجميل

دغش محمد الصخابرة 14-06-2010 09:58 PM

رد: خطلان الايدي هل القالات والطاله " جديد خالد مدعث "
 
صح السااااان الشاعر الكبير خالد بن مدعث الدوسري

وبيض الله وجهك يا نايف على الانتقاء الرائع والنقل

ابومبخوت الدوسري 14-06-2010 10:52 PM

رد: خطلان الايدي هل القالات والطاله " جديد خالد مدعث "
 
يااا سلاااااااااااااااااام

صح لسانك يابدر بن سلطان وعز الله جبت اللي على الخاطر ووفرت علي كثير من الكلام ... :icon7:

ياااااااسلاااااااام مره ثانيه

قصيده شامخه فعلاً ابحرت معها في خيالي وكني
اشوف بعيني ذاك الجو الأخضر او لوحه فنيه من رسام
وفنان كلمه بحق .... لله درك يابومدعث

وش اقول وش اخلي

فقط اسجل اعجابي الشديد بالشاعر خالد بن مدعث

وبيض الله وجهك يابوفهاد على هذا الاختيار الجميل والرايع .



تقبل مني فائق التقدير والاحترام


الطربان والمكيّف على القصيده


ابومبخوت :icon7:

ابو فهد الغييثي 14-06-2010 10:52 PM

رد: خطلان الايدي هل القالات والطاله " جديد خالد مدعث "
 
الله الله على الانتقاء في النقل يابوفهاد
صح لسان الشاعر/خالد بن مدعث
وبيض الله وجهك على النقل يالنادر
تقبل مني فائق وجليل الاحترام والمحبه والتقدير

أخو الشيوخ 14-06-2010 11:48 PM

رد: خطلان الايدي هل القالات والطاله " جديد خالد مدعث "
 
صح الله لسان الشاعر


وبيض الله وجه الناقل


عز الله ان شعره جزل راعي قول وفعل


لاهان ولاهنتوا جميعاً

راشد ناصرالدوسري 15-06-2010 10:01 AM

رد: خطلان الايدي هل القالات والطاله " جديد خالد مدعث "
 
قصيدة ترفع الرس بيض الله وجهك يا أبو مدعث وبيض الله وجه الي مرسلها


الساعة الآن 12:01 AM

Powered by vBulletin® Copyright ©2000 - 2024, Jelsoft Enterprises Ltd.
---