عندما يصادف الشاعر موقفٌ نبيل فلابد أن يسطر هذا الموقف بأبياتٍ من شعر فالماضي كان الشعر هو المتفاخر به من أفعالٍ من كرمٍ ومعاركٍ وكذلك في الحاضر ، وعندما يكون هناك رجالٌ مشاهير كـ "الشيخ فهد بن فريج الشكرة" عرفوا بدماثة الأخلاق وعلوها وسعيه الدؤوب في كل مجالٍ فيه خير فلابد أن يكون لكل شاعرٍ وقفةٌ مع مدح هذا الرجل الكريم ، فإذن دعونا جميعاً نطلع على بعضاً من القصائد التي قيلت في شخصه الكريم

هذه أحد القصائد التي قيلت في الشيخ فهد بن فريج الشكر وهي لشاعر مانع العجمي لما قام به من إسكان عدد من الأسر الكويتية الأشقاء وغير ذلك من أعمال جليلة في مساعدة المحتاج ، حيث يقول فيها :

من يوصل المكتوب لفاعل الطيب=واللي لفاه يبلغه بالسلامي
سلاماً أحلى من لبن شمخ النيب=واحلى من البارد على كبد ظامي
لفهد زبون الحرد راع المواجيب=له عندنا حشمه وقدر ومقامي
ليجاه ضيف الليل هلا بترحيب=ويذبح من الجزلات ماهي هلامي
يتعب على الطولات ويجنب العيب=طيب وله بقصا الضمير أحترامي
زودا على ربعه يجونه الأجانيب=ويضحك أحجاجه للنشاما دوامي
بالمرجله فهد يدوس المصاعيب=ويقوم بالواجب سريعاً همامي
حلحيل لا صكت عليه المغاليب=وقرماً بعيد عن طريق الملامي
برفع له البيضاء بروس المراقيب=ما دام ظلع أطويق بين وزامي
وتم الجواب اللي كتبته بترتيب =وختامها مليون مني سلامي

قال الذي يازن جوابه بترتيب=قيل كما الدر المصفي ثميني
قاف مهذب في معانيه تهذيب=برهن الإشارة يا زهمته يجيني
أقولها في منقع الطيب والجود=شيخ فعوله من قديم السنيني
يستاهل التمجيد زين التراحيب=فهد بن فريج الليث حبس المكيني
له مجلس يرتاحله شب ومشيب=بابه مبرهج دوم للغانميني
أدلال بن مراكيات محاديب=بو جار نار والقهوجي فطيني
يا الشيخ يابو فريج نزه الأشانيب=ياليت لو ما البعد بينك وبيني
يا مفطح الخرفان والحشو والنيب=على الصحون اتعجز الشايليني
يا معطي المحتاج نقدٍ من الجيب=حاضر بحاضر شيء شفته بعيني
أبي أمدحك من دون شك ولا ريب=والقيل في مدحك لزومٍ يزيني
من لابتن تغلط على الموت يا هيب=أولاد زايد للفخر مدركيني
دواسرٍ وافين بكل المواجيب=البدو واللي بالهجر ساكنيني
يابو فريج أقبل سلامٍ بمكاتيب=من الشاعر أبن رمال بصدق ويقيني
يا شوق من عيه على كل خطيب=بنت جماله يذبح العاشقيني
بنت الشيوخ اللي أهلها مناصيب=تصلح لمثلك يا طليق اليميني
وصلاة ربي عد ما رومل الذيب=على رسول الله سيد المرسليني

يا جماعه بلغوا فهد سلامي=يا هل المعروف تراها وصيه
العرب واجد وهو غاية مرامي=حر نفسه مال أحد عنده دعيه
والله إن له عندنا قدر ومقامي=عيد هشال الخلا مكرم خويه
وله بعد عند المعازيب أحترامي=والنشاما عندهم له قابليه
قسمه امن الطيب رأس السنامي=تابع لسلوم ربعه لوليه
أبو فريج يحشم الناس كرامي=مع بشاشة ناضره نفسه تقيه
ماشي ممشى الشرف ستين عامي=في حياتهما مشى درب الرديه
ما مشى نفداه في دروب الحرامي=حافظ نفسه امن دروب الخطيه
شيخنا إللي ما مشى درب الملامي=طيب منشاه وعلومه زكيه
سيفنا اللي نعتزيبه في الزحامي=سعد منهو محزمه في كل هيه
من وزرا بحماه يبشر بالسلامي=لا ارتكا له وجتهد حل القضيه
عون من عينه جفت حلو المنامي=كم دريك حال دونه والمنيه
وللمسير يذبح أطوال السنامي=ودله مركاه واعلوم طريه
والله أنه فوق توصيف الكلامي=ما توفيه الحروف الأبجديه
يا الله المعبود يا منشي الغمامي=يا إله الكون علام الخفيه
يا عزيز الملك يا رب الأنامي=تحفظه من كل شر وكل سيه
وختمها مني سلامي وأحترامي=وزايد التقدير مني التحيه
والثنا مسفوط للحر القطامي=من شيوخ الربع روس الزايديه
لبو فريج أهدي سلامي في الختامي=فزعتي لا كبرت القاله عليه