::: مـنتدى قبيلـة الـدواسـر الـرسمي :::

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - ملوك الزايديه (http://alduwaser.org/vb/showthread.php?t=68402)

ملوك الزايديه

علمنا علم على وضح النقا يابن عطيه=
لكن الدنيا يا بوراكان واقعها الظليمه

الله اللي عزنا بالدين وزال العنصريه=
في وطنا والعلم مرفوع يالله ان تديمه

والسلوم الطيبه ماهي على الطيب خفيه=
وانت حرا ياحمر العين ومجاذيبك كريمه

جيتكم حسب الاصول وجيتي عن كل جيه=
وشيمتي ترفع مقامي عن سواليف عقيمه

ان وردت ارد شيوخ القوم وعزومي قويه=
وان نصوني حصلوني بالمواقيف العظيمه

راس مالي سمعة تبرا لها نفس أبيه=
والمروه ورثنا هالحين وسنين قديمه

الله. مكرم لحانا عن مداهيل رديه=
وان ظهر فينا ردي نذبحه ذبح البهيمه

نحفي الاقدام للمطنوخ ود ومقدريه=
والكفو نسعى لمعرفته ونكسبها غنيمه

الطموح العز ورجال الشرف واهل الحميه=
وكل عرق فيه خير نعرفه حسب الوسيمه

لاول يوصي بطيب الخال لو من لاجنبيه=
مهرة حره وبنت حصان له صيت وشكيمه

لاالتقت روس الاكابر مع ملوك الزايديه=
قربو قوس الربابه واشعلو نار الوليمه

تعذر ماقسم ربي نصيب وقابليه=
فالمعرفه راس مال وكسب والنيه سليمه

رد: ملوك الزايديه

تعديل لما سبق،،،
فالمعرفه راس مال وكسب والنيه سليمه، حسب اصل النسخه

رد: ملوك الزايديه

صح لسانك لين تشرق الشمس من مغربها

شاعر متمكن وقصيدك كُفو وانت كُفو لاعدمناك

رد: ملوك الزايديه

مشكور حسن بن بطحيه

رد: ملوك الزايديه

اررررررررررررررررررررحب مليووون

الشاعر الفذ / حسن بن بطحية

لله درك على هذه الابيات الجزله

ان وردت ارد شيوخ القوم وعزومي قويه=
وان نصوني حصلوني بالمواقيف العظيمه

كفوووووووو

الله. مكرم لحانا عن مداهيل رديه=
وان ظهر فينا ردي نذبحه ذبح البهيمه

الله الله

لاالتقت روس الاكابر مع ملوك الزايديه=
قربو قوس الربابه واشعلو نار الوليمه

لله درك

شاعرنا الكبير لعنبا ارخمة ً يسمع قصيدك و لا يشوش

جعل راسك يبطي حي و لا تقطعنا من جديدك

أخوك / ابو زيد