::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   قسم الصوتيات والمرئيات لقصائد شعراء قبيلة الدواسر (http://alduwaser.org/vb/forumdisplay.php?f=64)
-   -   قصيدة الله اكبر والله ابقى القوي نور الحميد ( كتابية + شيلة ) (http://alduwaser.org/vb/showthread.php?t=71849)

مشاري العجالين 25-09-2015 02:02 AM

قصيدة الله اكبر والله ابقى القوي نور الحميد ( كتابية + شيلة )
 
السلام عليكم جميعا



بدون مقدمات :
اليوم جايب لكم قصيدة تحمل كثير من المعاني والحكم
وهي للشاعر : عبدالملك بن عبدالرحمن الدوسري ويقول فيها :



الله اكبر والله ابقى القوي نور الحميد
طاح وبلي جعل ارض المسامع منفعه

سين صاد اللي زبن لايصاد ولايصيد
المنى سقم العدا له يماري ببشعه

من شمال وشرق والغرب ماظني بعيد
حافي والصدر المجافي ايتنهد و اردعه

وان مشت رجلي عصر زانلي حلو القصيد
العصا بين الحصا وكل همي ارفعه

مع صحاصيح الفلا سبحتي تاقف واعيد
والشجر ويا الحجر كل قول تسمعه

يالبيب بالاشاره ماظني تبغى ازيد
في رخا من هو هرج لاتشد الزوبعه

الوحش في جمعها شذ وحشيها الشريد
قال وقيل اترك هله بالخفى والمعمعه

اللئيم اللي سمع من كريم الغيب كيد
دنس الصافي بطبعك وراسك صدعه

لاتدور غير مجلس تفيد وتستفيد
بالحرير الهرج خاط الجروح الموجعه

يشرح الخاطر بشوفه وماله فالسريد
يامميز راس صقرٍ وراس الزِعزعه

واعتلي مشراف صعبٍ طريقه فيه حيد
ياعقاب مرتكز واليدين مخرعه

قلت يا والي بجارك قدر عبدك يجيد
حول بعينه الى نصف رمش الموسعه

قلت ليش الضيق ياساكن جبال السويد
لا جوازك تختمته ولا وزن ريش امنعه

بالقذول تكد سحبٍ تقول الله يزيد
وين ماهب الهواء بالقفا روح معه

لاهفيت الشاهقه ماترفرف لو تصيد
اركز العمدان تلقى الخيام مشرعه

ياجناحين تقول انت طاغوت المريد
مايحب اللي يصلي ويقرا الواقعه

داج ديكي دوجته معك ياساعي البريد
نوم شمسك ياآدمي يوم عمر تضيّعه

ارقب اللي صايب الراي بالشور السديد
كل شور له غشيم العرب متوجعه

راغها غشيم وقتٍ ما يمسك سير سيد
كل طيب فالزمن ارذل القوم خدعه

الصديق اصبح يزيد العنى ويحط قيد
والله ان الضحك ناسي بداية مطلع

يوم صار المال مقياس ياعبدالمجيد
كل صبخة ناشها صاركنها مزرعه



الـ شيلة وهي من اداء المنشد :
عبدالعزيز بن عبدالهادي الدوسري


https://m.youtube.com/watch?v=yiVu6mQmyQ8

فيصل الدمامي 18-02-2016 04:08 PM

رد: قصيدة الله اكبر والله ابقى القوي نور الحميد ( كتابية + شيلة )
 
دائما نستمتع بما تقدمه لنا
جميل ورائع ومميز ماقدمته لنا
دام لنا قلمك وعطائك الجميل والرائع والمتميز
دمت ذخرا لنا
دمت بحفظ الله


الساعة الآن 01:38 PM

Powered by vBulletin® Copyright ©2000 - 2024, Jelsoft Enterprises Ltd.
---