يامحمد بن قويد مسيت بالخير = مبروك لرتبه وختم الشهاده
الرتبه امقدم وتستاهل الخير = واصلك على الفطره عقيد العقاده
اقولها من بين جمع الجماهير = في لليلة تضفي عليها السعاده
دورت عنها لجل ظرفي معاذير = منا ومــــــــنا مير فشلت لفاده
وحضرت امثلكم وانا وقفتي غير = ببيوت شعرا تستحق الاشاده
نوادرٍ تذهل عقول الشواعير = ماهي مجرد هــــــرج صفه وقاده
من روض فكرٍ لاطلع به نواوير = يغريك نواره وريــــــــــحة زباده
الشعر فض و الماس ماهوب قصدير = ومن اجتهد يلقا حصيد اجتهاده
شعرٍ يخلد به على النفس تاثير = وشعرٍ لو مباشر سوات الايعاده
ولايجيده من يعسفه بتكسير = سوات (((ابو عرّام وبو عراده)))
قوما خذاها الله وشذت عن السير = ياقهوجي بالله سكر زياده
كلٍ يشوف انه كما سالم الزير = لونه اضعف من عويد الكداده
الزبده/ اني جيت للحفل تقدير = لدعوة امحمد ولبي مناده
وستاذنه ترحيبةٍ بالمسايير = عد السحاب اللي يوحش سواده
انشاء من المنشا وجاله شخاتير = واروا هشاش القاع واغرق حشاده
ونحا زبد سيله يطم العثامير = ينسف عتاش الجر دونه وغاده
يومين لاعشبه بوسط المحاوير = متخالطن يشموم عطره وكاده
حياكم الله يالوجيه المسافير = في حفل شيخٍ ماجهلتو شداده
ماجاته الشيخه بجمع الدنانير = ورثٍ من (ابن قويد) راعى القياده
شيخٍ على شيخ وامير على امير= (شارع) من اجداده وهو من حفاده
الله خلقهم للأشده مسامير = اشيوخ في حر الزمان او براده
من وقتنا لول سوق المظاهير = لاوقتنا الحالي ونعمة بلاده
مقدم بني عمي بعاد المشاوير = (دواسرٍ) رمز الفخر واعتماده
(دواسرٍ) يوم الليالي معاسير = تزبينة الخايف لنا دوم عاده
قصيرنا ندراه من كل تقصير = (ناسم عصاه) ولا يقيد جواده
وليا اعتلا قب المهار المعاصير = نروي شبا الهندي ويلحق امراده
ترعابنا فالخوف سود اومغاتير = ويرصخبنا غرس حمينا عياده
لنا على التاريخ سطوه وساطير = يومٍ كلٍ نجدته من زناده
واليوم في حكم السيوف البواتير = اسيادنا (ال اسعود) نعم السياده