::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://www.alduwaser.org/vb/index.php)
-   قسم الصوتيات والمرئيات لقصائد شعراء قبيلة الدواسر (http://www.alduwaser.org/vb/forumdisplay.php?f=64)
-   -   الديوان الصوتي للشاعر §¶ شلعان بن ظافر الودعاني ¶§ رحمه الله (http://www.alduwaser.org/vb/showthread.php?t=34336)

محمد الولامين 31-10-2008 03:49 PM

الديوان الصوتي للشاعر §¶ شلعان بن ظافر الودعاني ¶§ رحمه الله
 
http://www.alduwasser.org/Bsmllah.gif

يسر موقع قبيلة الدواسر الرسمي ان يقدم لكم الديوان الصوتي للشاعر / شلعان بن ظافر الودعاني الدوسري رحمه الله واسكنه فسيح جناته




http://www9.0zz0.com/2011/01/05/20/100601772.jpg


هو الشاعر الفحل شلعان بن ظافر بن فهيد الجماعين الوداعين الدوسري
الساكنين بمدينه السليل عاش ردحاً من الزمن في حياة الباديه متنقلاً في فلواتها القريبه من هجرة ( إحمام )
مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية.






الديوان الصوتي






قصيده في آل سعود


تحيةٍ يسبق ثناها عددها=والعود الازرق من ثنايا شهدها
تحيةٍ لك يابن صقر الجزيره=اللي عطانا حلوها من نكدها
عبدالعزيز اللي له المجد والثنى=اول ملك عطى الجزيره وعدها




حـفـظ الـمـلـف




http://upload.traidnt.net/upfiles/JaR48270.gif




قصيدة في امراء الدواسر وامراء قحطان


يا راكبيـن أكـوار عـوس النجايـبب=الهون يـا ركابـة الفطَـر الشيـب
مقدار حمسة بنَ يـا أهـل الركايـب=وأسجـل الغـرا بزيـن المكاتـيـب
فيها نظمـت بيـوت شعـرٍ طوايـب= مثايـلٍ مـا خـش ببنودهـا العـيـب




حـفـظ الـمـلـف


http://upload.traidnt.net/upfiles/JaR48270.gif




قصيده في قصة الدواسر مع الشمري

لابـتي زايـد الـملطوم مـنشاها=مـمنة جـارهامن كـل عدواني
تـرتفع روسـنا لامـن ذكرناها=ذا كـلامي ونـا من لاد ودعاني
لاد ودعـان راس الرجم مرقاها=كـاسبين الـمراجل سر وعلاني
لابـتي مـن يـريد العز ينصاها=يـستريح بـذرا ذربـين الايماني




حـفـظ الـمـلـف




http://upload.traidnt.net/upfiles/JaR48270.gif




حنا الدواسـر ممنـة كـل خايـف


حنا الدواسـر ممنـة كـل خايـف=دايم على العليـا تواثـب جهودهـا
الطيب ما يخفي علـى كـل طيـب=الاجواد كسب الطايله مـا يكودهـا
الزايـدي والتغلبـي مـن دوســر=افعالهـم عـود بعيـن حسـودهـا
بالسيف نملك كـل خضـرا مدينـه=لين اصبحت جنـه نهـزع فنودهـا




حـفـظ الـمـلـف



http://upload.traidnt.net/upfiles/JaR48270.gif




الـتغلبي والـزايدي فخر العرب


الـتغلبي والـزايدي فخر العرب=دواسرٍ يشكي العدو من جورها
نـملك مـداين بالسيوف القطّع=صوارمٍ روس الجماجم نقورها
يـرسخ بنا غرسٍ تمايل عذوقه=ولابـنينا مـن وراهـا سورها
السور حد السيف والخيل والقنا=وذيـدانا تـرعى بعالي قفورها




حـفـظ الـمـلـف



http://upload.traidnt.net/upfiles/JaR48270.gif




حنا هل الوادي بسيف ومنسف


حنا هل الوادي بسيف ومنسـف=وكـل يلاقـي عندنـا جــزاه
دواسر فـوق الخيـول كواسـر=ياسعـد منـا محمزمـه سعـداه
نرمي بنيران الحـروب كبودنـا=لا ضاق من عج الخيـول سمـاه
سم سقطري فـي كبـود عدانـا=وايضا تري من جـا لنـا جينـاه




حــفــظ الــمــلــف



http://upload.traidnt.net/upfiles/JaR48270.gif




يقول من نفسه رفيعه وعاليه


يقول من نفسـه رفيعـه وعاليـه=يعطي الرجال حقوقها في مثايلـه
والرجـل مايعـرف يليـن يتكلـم=تبين مـن منطـق لسانـه دلايلـه
يكفيـك منطوقـه وتعـرف عنـه=جميـع مايخفيـه كنـك تخايلـه





حــفــظ الــمــلف



http://upload.traidnt.net/upfiles/JaR48270.gif




قصيده مسنده للعجالين


أهل السيوف مطوعت كل من عال=نارٍ ليا جهلت تزيد اشتعالي
لاجالها بين الحفيفين زلزال=واشتب نار الحرب والدم سالي
وان جا نهارن فيه شومن وغربال=ترخص بقايا الروح لو كان غالي





"حــفــظ الــمــلــف


http://upload.traidnt.net/upfiles/JaR48270.gif




مهداه لشبنان العمور


لاجيت ربعٍ يكسبون النواميس=ملفاك شبنان قوي العزومي
تلقى العمور حظور مثل القرانيس=كل ابلجٍ يشفيك عند اللزومي
وسلم على اللي يتعبون المحاميس=لاد العميري مبعدين الهمومي




حــفــظ الــمــلــف



http://upload.traidnt.net/upfiles/JaR48270.gif




قصيدة في الرجبان


يـانديبي وارتـحل عـجل المفر=مع طلوع الشمس في ضوح النهار
يـنحر الـرجبان تـيجان الـفخر=حـاش فـعل ايـمانهم تاج الوقار
يـاهل الـناموس يـابيت الـظفر=كـلـنامعكم بـعـزم وافـتـخار




حــفــظ الــمــلــف



http://upload.traidnt.net/upfiles/JaR48270.gif




قصيده مسنده لشينان بن عمره


اركب وهاك الخط رح به لملفاه=مني الى شينان سقم المعادي
واسرح من بلاد الصباح المسماه=بالعز والمعروف فيها وكادي
ملفاك شينان الحجا من تنصاه=زبن الذليل ان جا نهار الطرادي





حــفــظ الــمــلــف



http://upload.traidnt.net/upfiles/JaR48270.gif




ردا على حمد بن شبيب


هلا بالخصيم اللي ظهر بآخر الزمان=هلا عد ماحن المولع لمعشوقه
هلابه وانا من دون حقي طويل لسان=اعدل صعيب القاف لامن حمي سوقه
ضربت الهدف والحمدلله ضربي زان=وزينتنا المضراب في راعي البوقه




حــفــظ الــمــلــف


http://upload.traidnt.net/upfiles/JaR48270.gif




رد على شاعر مجهول


يافهيد شـب النـار وجـح المنـاره=واحمس من اللي ما بعد عذربو فيـه
الى انقلب لونـه وقـرب صفـاره=إصفح بها جمر الفضا ليـن تسويـه
دقه بنجـر المـاو تظهـر إعبـاره=حتى يجيـك إمـدور البـن يبغيـه




حــفــظ الــمــلــف




http://upload.traidnt.net/upfiles/JaR48270.gif




يافهيد


يافهيد انا حالي من الهم يافهيد=معاد منه الا القليل وذليله
يافهيد انا لامن ظوا الليل يافهيد=تذرف عيوني مثل وبل المخيله
يافهيد انا في ديرة الغرب يافهيد=مالي سوا رب العباد اشتكيله




حــفــظ الــمــلــف




http://upload.traidnt.net/upfiles/JaR48270.gif




وجودي على بدوٍ رعو حومة النقيان


وجـودي عـلى بدوٍ رعو حومة النقيان=رعـو فـي جديد العشب لازاف زملوقه
وجـودي على شوف المعاشير والحيران=مـظاهير أهـلها جـات لـلقفر مسيوقه
نـصو مـرتعٍ فـيه الخزامى مع المكنان=يـعط الـندا بـه مـا بعد يبست عروقه




حــفــظ الــمــلــف




http://upload.traidnt.net/upfiles/JaR48270.gif




مجاراة مع محمد بن ظافر


قصيدة محمد بن ظافر

ياوالله اللي كثر شيبي وزادي=والسل لامن طاح ماجا بديله
والسل لامن طاح مازيد عادي=والشيب عيا ماتبدل حويله




حــفــظ الــمــلــف



رد الشاعر / شلعان بن ظافر رحمه الله

يقول شاب الراس والشيب زادي=غدا مع الاسود سوات العديله
ياكاسب المعروف طلق الايادي=لاتشتكي ضيفٍ علينا جميله




حــفــظ الــمــلــف




http://upload.traidnt.net/upfiles/JaR48270.gif




قصيده مسنده لعبدالله بن معيض


ياعيني اللي ماهتنت لذة النوم=لاهيب لاوجعا ولاهي سليمه
يالله ياديام ولاغيرك يدوم=انت الذي مدات جودك عظيمه




حــفــظ الــمــلــف





http://upload.traidnt.net/upfiles/JaR48270.gif




مجاراة بين شلعان بن ظافر وعبدالله بن معيض

قصيدة الشاعر / شلعان بن ظافر

دجى وان دجى الداجي بجلباب ظلماه=لاوشقى قلبي وياشيب عيني
ياما كظمت الغيض بالصدر واكناه=خايف من العذال والشامتيني




حــفــظ الــمــلــف




رد الشاعر / عبدالله بن معيض

يقول منهو يسهر ممساه=يبات ساهر والعرب ممرحيني
من يوم جانا الخط وانا قريناه=يامرحبا بالخط ياقربتيني




حــفــظ الــمــلــف




http://upload.traidnt.net/upfiles/JaR48270.gif




خارج الوطن ( 1 )


يابومحمد صار في الصدر يهموم=هات القلم مادامها في حظرها
نفضي من الصدر الذي فيه مكتوم=مثايلٍ نقطف حلاوي ثمرها




حــفــظ الــمــلــف




http://upload.traidnt.net/upfiles/JaR48270.gif




خارج الوطن ( 2 )


امس الضحى في مرقب الرجم عديت=واجيب مماجاب ورقا الحمامي
ياليتني من مرقب الرجم زليت=وابعدت منه لاسقته الغيامي




حــفــظ الــمــلــف




http://upload.traidnt.net/upfiles/JaR48270.gif




نصيحه ( 1 )


ترى العمار قصار والله باقي=ومصايب الدنيا طيور حايمه
عجله وتاخذ كل يومٍ واحد=وترميه بالاجداث بيضٍ لثايمه
وترى مصير العمر لو طال ينحني=لو انه عظمه ماتشيله قوايمه




حــفــظ الــمــلــف




http://upload.traidnt.net/upfiles/JaR48270.gif




نصيحة ( 2 )


ياسامعٍ مني نصيحه قديمه=من ظمها يصبح من الشر معصوم
الاوله رفع النفوس الكريمه=والثانيه يانايم اقعد من النوم
والثالثه دينك بقو العزيمه=ترضيبه الرحمن وابليس مهزوم




حــفــظ الــمــلــف




http://upload.traidnt.net/upfiles/JaR48270.gif




نصيحه ( 3 )


دليت انا القرطاس واشرت بالقلم=بسجلتن يطرب لها من قراها
فيها نظمت القاف مما طرالي=ومن الردى و العايبات احماها
مثايلٍ تطري على البال كنها=صافي الجواهر غاليٍ مشتراها





حــفــظ الــمــلــف



http://upload.traidnt.net/upfiles/JaR48270.gif




عفى الله عن عينٍ لفاها غريبها


عفى الله عن عينٍ لفاها غريبها=في داجي الديجور جاها طليبها
لانامت عيون العباد فعيني=يكثر عناها والسهر من نصيبها




حــفــظ الــمــلــف





ملاحظه:
1. تم تحرير بعض القصائد المدرجه وذلك لعدم اثارة الفتنه.
2. عدم ادراج بعض القصائد وذلك لنفس السبب.





جميع الحقوق محفوظة لـ موقع قبيلة الدواسر الرسمي
www.alduwasser.com







السيف دايـم 31-10-2008 04:00 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
أخي الغالي

محمد الولامين ..

أشكر لك جهودك المميزه في هذه الصفحه ..

قليل مانقدمه لشاعرنا الكبير :

شلعان بن ظافر الجماعين الودعاني..

رحم الله الشاعر وأسكنه فسيح جناته ,,

فهد بن مبارك الودعاني 31-10-2008 04:19 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
ما أقول إلا جعله في الجنه ،،

أن شهد أنه جزل و من روس عرب عسى الله يرحمه

رحمتا ً واسعه و من غير قصور في الجميع ،،


أخوي الغالي أبو عبدالله بيض الله و جهكـ يا طويل العمر

كلمة مبدع قليله في حقكـ يالغالي ،،


عسى الله لأيهينكـ و يطول لي بعمركـ ،،



لـكـ كـل الإحـتـرام و الـتـقـديـر ،،

ابن شمسان البدراني 01-11-2008 02:42 AM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
إبداع إبداع إبداع إبداع يا محمد ..

ومجهوود خرافي تشكر عليه جزيل الشكر ..

بيض الله وجهك والله لايهينك ..


( لكن ما تلاحظ معي يا محمد بخصوص ( إثارة الفتنة ) إن حنا الوحيدين في هذا العالم اللي نحرص على هذا الموضوع :( )

يعني لو كانت القصائد عند ( أي قبيلة ) غيرنا وفيها كلام على الدواسر مثلا ، أعتقد يبي ينشرونها ولا عليهم من فتنه وما فتنه ولا عليهم مننا ..

فلماذا نكون نحن فقط ( المثاليين ) ؟؟



على العموم ماقصرت ولك مني جزيل الشكر ،،،

محمد الولامين 01-11-2008 10:26 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
اقتباس:

المشاركة الأصلية كتبت بواسطة السيف دايـم (المشاركة 398909)
أخي الغالي

محمد الولامين ..

أشكر لك جهودك المميزه في هذه الصفحه ..

قليل مانقدمه لشاعرنا الكبير :

شلعان بن ظافر الجماعين الودعاني..

رحم الله الشاعر وأسكنه فسيح جناته ,,


اللهم امين


ارحب يالسيف دايم


لاهنت على الحظور والمشاركه

محمد الولامين 02-11-2008 02:47 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
اقتباس:

المشاركة الأصلية كتبت بواسطة فهد مبارك الودعاني (المشاركة 398913)
ما أقول إلا جعله في الجنه ،،

أن شهد أنه جزل و من روس عرب عسى الله يرحمه

رحمتا ً واسعه و من غير قصور في الجميع ،،


أخوي الغالي أبو عبدالله بيض الله و جهكـ يا طويل العمر

كلمة مبدع قليله في حقكـ يالغالي ،،


عسى الله لأيهينكـ و يطول لي بعمركـ ،،



لـكـ كـل الإحـتـرام و الـتـقـديـر ،،




اللهم امين

لاهنت يابومبارك على الحظور والمشاركه

وبيض الله وجهك

شافي القويسي المخاريم 02-11-2008 09:29 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
بيض الله وجهك يا ابو عبدالله
على ما قدمته
جهد متميز
اشكر جزيل الشكر
والله يرحم الشاعر الكبير
شلعان الودعاني رحمة واسعه
تحياااااااااااااااتي

king 03-11-2008 03:14 AM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
اولاً مو غريب عليك هالطرح وهالتدوين لرمز ولهامه شعريه

ومايجيب الطيب الا الطيب يامحمد



شلعان بن ظافر الودعاني رحمة الله عليه


اسم شااامخ

واسم علم

وهامه برجولته قبل شعره

اسم اجده محفوظ ومعروف لدى جميع القبائل

شعر لم يذكر بانه اساء فيه لاحد

شعر فروسيه وصوور يعجز الشعار عن ايجادها

حكم وامثاال وتدوين لتاريخ الدواسر وبطولاتهم على شكل درر ذهب من شعر

رحل عسى الجنان مثواه ومنتهاه

وبقى شعر يحكي تاريخ وشموخ وعزه وجزااله قل ان وجدت بدون قصور

بشعراء الدواسر وجميع القبائل

سيره عطره خاصه

وسيره شعريه شامخه ونادره

اسئل الصغير يخبرك عن شلعان قبل الكبير

من هنا ياتي الشعر الحقيقي

ولن يوفى بحقه مهما كتب

محمد الولامين مايجيب الجزل الا الجزل

لاهنت وابيض وجه دايم

نجــــــــــديه 04-11-2008 06:07 AM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 


يعطيك الف عافيه عالطرح
لاهنت يامحمد
تقبل مروري


محمد الولامين 05-11-2008 05:25 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
اقتباس:

المشاركة الأصلية كتبت بواسطة ابن شمسان البدراني (المشاركة 399068)
إبداع إبداع إبداع إبداع يا محمد ..

ومجهوود خرافي تشكر عليه جزيل الشكر ..

بيض الله وجهك والله لايهينك ..


( لكن ما تلاحظ معي يا محمد بخصوص ( إثارة الفتنة ) إن حنا الوحيدين في هذا العالم اللي نحرص على هذا الموضوع :( )

يعني لو كانت القصائد عند ( أي قبيلة ) غيرنا وفيها كلام على الدواسر مثلا ، أعتقد يبي ينشرونها ولا عليهم من فتنه وما فتنه ولا عليهم مننا ..

فلماذا نكون نحن فقط ( المثاليين ) ؟؟



على العموم ماقصرت ولك مني جزيل الشكر ،،،


ارحب يابن شمسان

تو مانور الموضوع ... ياخوك من ناحية الحيادية ياخوك كل واحد منا يشوش راسه لاذكرت افعال ربعه وهياتهم

لكن ياخوك الواحد ماوده يكون سبب في مشكله هو غنين عنها .. القصايد هذي ياخوك اذا سمعها واحد مايازن الامور ولايحكم عقله اقصى شي طال عمرك بيشتحن معها ومايندرا وشهو بيسوي..

وياخوك جميع القبايل نكن لها من الاحترام والتقدير ...


لاهنت على كل حال

العماني 05-11-2008 05:34 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
الأخ العزيز محمد الولامين

مجهود جبار وكبير من قبلكم وكلمة الشكر والاشادة لا توفيكم حقكم وما نقول الا بيض الله وجهك وجزاك الله الف خير نيابة عن ابناء القبيلة كافة .


تقبل تحياتي،،

نايف الخييلي 05-11-2008 08:28 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 



الله عليك يامحمد

جهد فوق الكبير وجمع طيب وإختيارات موفّقه وجزله لهرم شعري وشاعر فحل أشتهرت قصايده بوقته وكان لها إنتشار رغم وجود وسائل إعلاميه قويه لنقل القصايد لكن لجزالتها وقوتها دور في إنتشارها , والشكر الجزيل لك لهذا الجهد المثمر والاكثر من رائع , ومع ذلك لايُستغرب من محمد الولامين , صاحب الإختيارات الجزله والمواضيع القيّمه , إستمعت لإكثارها ولي عودات لسماعه هذه الروائع وحفظها ,, دمت مبدع يامبدع , خالص تحياتي


محمد الولامين 07-11-2008 11:07 AM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
اقتباس:

المشاركة الأصلية كتبت بواسطة شافي القويسي المخاريم (المشاركة 399606)
بيض الله وجهك يا ابو عبدالله
على ما قدمته
جهد متميز
اشكر جزيل الشكر
والله يرحم الشاعر الكبير
شلعان الودعاني رحمة واسعه
تحياااااااااااااااتي


لاهنت يا بومبارك على الحظور والمشاركه

وبيض الله وجهك

فرحان فهد ال فرحان 07-11-2008 02:25 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
محمد الولامين جعل من خلفك في جنات النعيم

كلمه مبدع قليله في حقك

الحقيقه انك قدمت خدمه جليليه لاطلاع ابناء القبيله على ارث شاعرها وحفظه من الضياع

لانك وثقته هنا

اشكرك اشكرك اشكرك

لافيزي 21-11-2008 02:19 PM

رد: الديوان الصوتي للشاعر §¶ شلعان بن ظافر الودعاني ¶§ رحمه الله
 
محمد الولامين مجهودات جبارة وعمل قمة في كل شي الله يرحم والديك ويجزاك خير

حيث من الصعوبة جمع مثل هذه القصائد لشاعر كبير مثل شلعان بن ظافر

مشكووووووووووووووووووووور مرة أخرى


الساعة الآن 02:39 PM

Powered by vBulletin® Copyright ©2000 - 2022, Jelsoft Enterprises Ltd.
---