يا الله يا الله يا اللي مرقبه عالي (=) يا ربي يااللي تميت النفس وتحييها
تفرج لقلبٍ طواه الهم باشكالي (=) واشوف شين الدهر بالكاس يسقيها
زلة عزيزٍ حذفت لشانها عقالي (=) ولولا الحيا لاقلب الاوضاع وافنيها
لا شك ردت عزومي شايبٍ غالي (=) عسي الولي يبطي بايامه ويبقيها
انا اشهد ان الشيبان اغلي من الحالي (=) ماني من اللي كوي نفسه يمنيها
انا اشهد اني شجاع ومحتمي عيالي (=) وانا اشهد اني كريم اليد مرخيها
وانا اشهد انه لا جاء في القوم نزالي (=) جيته صديعٍ يشوف الموت ويشريها
وانا اشهد اني في وقت الضيق خيالي (=) ماني شوير المره تامر والبيها
تقول حالي ومالي وانت رحالي (=) وتقول سمع وطاعه الروح مهديها
لا تزعلي يا غناتي ماله ومالي (=) انا شريتك وباقي الناس خليها
هرجك وصلني وزاد الهم في حالي (=) يا غبن عيني جروحي كيف اخفيها
واليوم تتبع هروج القيل والقالي (=) لا جيت ابي احكي منعني الشيب لا ابديها
فرقاك عندي غنيمه يشهد الوالي (=) من باعني لا يحسب النفس باشقيها
وختامها نطلبك يا عدل يا والي (=) تفرج لعيني غزير الدمع معميها

المشاركة الأصلية كتبت بواسطة ابو زيد الغييثي وانا اشهد اني في وقت الضيـق خيالـي () مانـي شويـر المـره تامـر والبيهـا صح اللسانك الاخ ناصر بيض الله وجهك على الابيات تقبل تحياتي ابو زيد الغييثي

المشاركة الأصلية كتبت بواسطة دغش البطي ناصر الشرمان صح الله لسانك على هذه القصيده المعبره وبيض الله وجهك عاطر التحايا

المشاركة الأصلية كتبت بواسطة فهد الغريري اخوي الشاعر الفاضل ناصر الشرمان صح الله السانك وعتلا شانك على هذي القصيده الجزله والله يبارك فيك وفي عمرك على طاعته تقبل تحياتي وتقديري واحترامي اخوك / فهد الغريري,,,

المشاركة الأصلية كتبت بواسطة هايف العماني ناصر الشرمان صح الله لسانك ولاهنت على هذه القصيدة الطيبه تقبل تحياتي،،