::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   قسم الصوتيات والمرئيات لقصائد شعراء قبيلة الدواسر (http://alduwaser.org/vb/forumdisplay.php?f=64)
-   -   خالد مدعث الخرفاني (http://alduwaser.org/vb/showthread.php?t=34761)

نايف الخييلي 16-11-2008 06:46 PM

خالد مدعث الخرفاني
 
بسم الله الرحمن الرحيم
http://www.3mints.info/upload/uploads/d45a6fb244.bmp


الهرم الشعري والشاعر الخلوق الذي يفرض إحترامه على كل من يتابعه ليس بشعره وإبداعاته الشعريه فقط بل بإسلوبه وبالقيم الساميه والمعاني الفاضله التي يتغنى بها في قصايده وروائعه التي تُطرب من يستمع اليها , شاعر يُغرد خارج السرب بعيداً عن الاضواء الإعلاميه ومع ذلك له الكثير والكثير من المتذوقين الذين يحرصون على متابعه وسماع قصايده الجزله انه الشاعر \ خالد مدعث نفل الخرفاني الدوسري لعل اشهر قصايده هي قصيده (التوجد) هذي القصيده العجيبه التي تدل على خياليه الشاعر ورسمه الجميل للصوره الخياليه , وقد جاراها العديد من الشعراء ومن أبرزهم الشاعر ناصر الفراعنه والتي من خلالها اشتهر لدى اغلب الجمهور بوسائل الإعلام ولي انا شخصيا موقف مع هذي القصيده فقبل حوالي تسع سنين تقريباً كنت اتصفح إحدى الجرائد المحليه ووقعت عيني على قصيده التوجد وكنت وقتها ماأعرف الشاعر , فلما قرأت القصيده شدتني كثيراً جمالها والصوره الشعريه التي تحتويها وأذكر وقتها اني تعجبت كيف قصيده بهذي الروعه تكون عابره ولايُعرف شاعرها , وسبحان الله اليوم وبعد هذي السنين اصبحت منتشره ومتردده على الألسن وصفحات الساحه الشعريه , ثم قمت لحظتها بإقتصاص تلك القصيده ووضعها في إحدى الدفاتر التي احتفظ فيها بنوادر القصايد لدي , ثم تمر السنون وتسقط القصيده بيدي فأتعجب من تلك اللحظات ومن دورة الايام وكيف بعدها أصبح الشاعر خالد مدعث من أكثر الشعراء أتابع لهم روائعهم , وفي هذا الموضوع الذي أهديه للشاعر المحبوب خالد مدعث الدوسري ولمحبيه ومتابعيه سأطرح بعض ماأستطيع من قصايده وأبياته الرئعه , ولعل أولها قصيده التوجد .



( قصاصه القصيده المحفوظه لدي من فتره طويله )


كل مافاضت عيونـي باشـت الاضـلاع غنـا=الموارد في الضلوع وكل ضلع(ن) فيـه ونـه
والتمنـي مايحقـق هقـوه القلـب ان تمـنـا=بـس قلبـي مايدانـي تبعـد الهقـوات مـنـه
واووجودي وجد من جلي عـن ديـاره مجنـا=تو عمـره عشـر واربـع والليالـي ماتحنـه
ماوراه الاعجـوزه واختـه وعـود(ن) مسنـا=بين فقر وبيـن ديـن وبيـن ظيـم وبيـن منـه
ماذبحهم غيـر دمـع(ن) مـن الغبينـه مايكنـا=ويـل مـن سـود الليالـي بالمصايـب يبتلنـه
راح مثل الذيـب وهبلتـه حيـاه الذيـب ظنـا=وامن(ن) والموت يومي بيـن مخلابـه وسنـه
راح ينقـل دم قلبـه وان ضـواه الليـل ونـا=الذيابـه مروحـاتـه والسـيـووف يـدورنـه
لاذكـر دم القرايـب عانـق البـيـدا وثـنـا=وان تذكر ضحكه امـه زاع قلبـه مـن مغنـه
مايلوعه في حشـاه الا لشـاف البـرق يتسنـا=غاب عشر سنين مابه مـن يـرد العلـم عنـه
ان حداه الخـوف منـا هـزت الاشـواق منـا=يوم طال الوقـت عـود للديـار اللـي ربنـه
قـال مــادم المـذلـه والـبـلاوي يبتلـنـا=والله ان الموت في الاوطان بيـن الربـع جنـه
يوم وقف في المنـازل مالقـى بيـت(ن) مبنـا=غيـر بيـت(ن) للهبايـب والـذواري يلعبنـه
راح يمه كنه اللـي ضاربـه رمـح(ن) مطنـا=وا عذابـه مـادرى ان سهـوم بقعـا يحترنـه
يوم قرب سمع له صوت(ن) من العلـه يحنـا=حصل امها عندها ضيف(ن) يقول الموت سنـه
قال يمـه قالـت عيونـي مـن الدمـع نعمنـا=قال ابوي وقالت طـوال النصايـب قـد خذنـه
قال واختي قالت اقفى القوم بأختك مـع ظعنـا=قـال ربعـي قالـت سنيـن المجاعـه فرقنـه
قال جيتس قالـت ان المـووت ماظـن يتونـا=واستلمهـا نـازع الارواح روح(ن) مرجهنـه
ثم صاح من التفرق صيحـه اللـي فيـه جنـا=ودق صدره وانطوى مـن حـر مابـه طيشنـه
كل هذا حـال قلـب(ن) مـن خلقـه الله معنـا=الهـمـوم يوكلـنـه والـروابـع ياكـلـنـه
ليـه ادور للسبايـب والسبـب فيـنـا ومـنـا=النفـوس وماتسـوي واليـديـن وماحصـدنـه
لاتوسدنـا الخطايـا نلحـق الشرهـه زمـنـا=ماجـزاانـا الا عملـنـا والحقـايـق يثبتـنـه
قلـت اجـرب وش ورانـا بنتسلـى ونتهـنـا=الليالي ماتخالف مـن طلـب شـي(ن) عطنـه
جاهل(ن) في الغيب واثر الـي يسلينـا طعنـا=مادريـت الا بقلبـي والمحـانـي يردعـنـه
قلت وين ترووح خلك في ضلووعك مرجهنـا=قال مدري مير كن الحـب تـل العـرق كنـه
قلت مخطي قـال ليـه اليـا ذكرنـاه اشتحنـا=وانتبهت وطـاح فكـري للطـواري واخلفنـه
ورحت بسأل بنت حـواء ليـت حنـا ماسألنـا=كان والله مستريح ومخلـف(ن) قلبـي وظنـه
قلت هز العود صفق النـود قـال النـود حنـا=ماذكـر بـه عـود(ن) الا والهبايـب يطرقنـه
قلت في دارك غريب وقال حـول فـي وطنـا=لك محل(ن) في قصور(ن) له سيوف(ن) يحتمنه
قلت اهلنا قـال والله مانعيـب سلـووم اهلنـا=والعفيف من الهـواء مابـه علومـن يحرمنـه
وابتدينـا قصـه السبـع العـجـاف ومللـنـا=كل عـام يمـر يعطينـا مـن اللوعـات فنـه
وافترقنـا مالقينـا مـن يـرد العـلـم عـنـا=غيـر حـب(ن) للهبايـب والـذواري يلعبنـه





نايف الخييلي 16-11-2008 06:50 PM

رد: خالد مدعث الخرفاني
 
قصيده الام
على كثر الدموع اللي تحـوّل مـن عيـون النـاس=أحد صادق , وأحد كاذب , وأحد دمعه علـى كيفـه
لقيت ( أغلى الدموع ) اللي لها بين العبايـر سـاس= دموع امً علـى فرقـى ولدهـا حسهـا خيفـه
بكت مـن لوعـة التوديـع عيـن ٍ مالهـا حبـاس=يحبس الدمـع جفـن ٍ مـا شكـى فرقـى مواليفـه
لتس الله .. وانتي أغلى من مشى فوق التراب وداس=دموعتس عندي أقسى من زمـان ٍ مرهـفً سيفـه
ألا يا بعد من شمّ الهوى .. عوذي مـن الوسـواس=ولدتـس أن يسـر الله عانـق العـز ّ ومشاريفـه
يقولون العرب : ثـوب الثنـى والعـز والنومـاس=خلـقـه الله ورا بــاب ٍ عطيـبـات ٍ مراهيـفـه
مادام انتس سقيتيني من حليـب مطوعيـن البـاس=ورى ما اركض مع السرحان واهورف مهاريفـه !؟
عشى نابه بمخلابه ويـوم أكـل ٍ .. ويـوم افـلاس=يجوع الذيب وان حده زمانه .. ما كـلا جيفـه !!
يشوف العز ، والتقدير .. رجـال ٍ صليـب الـراس=جنيـه ٍ مـن ذهـب لـه حكـة ٍ تغلـي مصاريفـه
ويشوف الذل ، والحقران .. رجال ٍ بليـد احسـاس=رمـادة جمـرة ٍ مـن نـار ٍ اول ساسهـا ليـفـه
عجايب نـاس ٍ ، ودنيـا عجايبهـا بـدون اقيـاس=سحاب ٍ فالسماء يعسف علـى البيـداء عواصيفـه
من المرتاح ؟ والإنسان من يخلـق وهـو عسّـاس=ليا زانت مرابيعـه .. نهبهـا مـن يـده صيفـه !!
نموووت من التعب ، لكن في طرد السبـب لابـاس=ثقيل الحمـل اعـده مـع ثقيـل الهـم .. تخفيفـه
مادام البعد عـز ٍ للفتـى .. بعـده ستـر والبـاس=ولا قـرب ٍ هبـوب الـذل تلعـب فــي نفانيـفـه
صحيح ان الغريب اعروق قلبـه مـن هلـه يبّـاس=يسليـه القمـر .. واليـا سلـى عجـل ٍ مناكيفـه
شقي ٍ حـط لـه بيـن النجـوم الساريـه مجـلاس=نظر عينـه علـى ديـرة حشاشـة جوفـه وريفـه
يغيب الليل والنجوم السمـاء ,, ماغيّـب الهوجـاس=ويبين الصبح ,, لا علـم ٍ لقـاه ولا حصـل شيفـه
عذابه فالضحى مـن نايحـات الـورق والنسنـاس=لا غنّـت نـاااح ، والنسنـاس يصـلاه بهفاهيفـه
غريـب ٍ حـدّه لتركـت بـلاده وقتـه المنـحـاس=عصَى ، مير الزمان الشين مـا تعِصَـى صواديفـه
تبي الايام .. صملات ، ومناعير ، وسيف ، وطاس= حياة اعـزاز ولاّ مـوت ٍ تشـرف مواقيفـه



نايف الخييلي 16-11-2008 07:35 PM

رد: خالد مدعث الخرفاني
 
كل يوم يزل ّ عمره عقبه ايام ٍ تتالا = وكل عمر .. يحلّ يومه عقبه أيام ٍ نصايب
لو نعمر !! ما لحقنا عمر الايام الطوالا = لكن أيام العمر توخذ من ايدينا نهايب
السحاب يقول : عطني ، والبحور تقول : لا لا = كن ما خلقت لنا شمس ٍ ولاهبت هبايب !!
لو يميل الجدي صوب اسهيل ما مال الشمالا = من تخلا عن محله مانعده غير غايب
مابقى شي ٍ بأقوله غير شي ٍ ما يقالا = والله ان الصمت حكمه ,, مير راع ِ الحق صايب
ان كتمته !؟ قامت اضلوعي من الغيره تصالا = وان حكيته مل ّ قلب ًمايبي فرقى الحبايب
قلت : بالله يا ( زماني ) اركد اشوي ٍ تمالا = قال : توووك وان عطاك الله عمر شفت الغرايب
بعد ما قفّى تلفّت قال : يا ( خالد ) تعالا = قلت : بس اقبل ( زماني ) وانتهى وقت الطلايب
قال : أخذ مني نصايح يوم شفت العهد طالا = لاتحسب ان كل عجّه مقتفي ثرها سحايب !!
ومن يبي عينه تحلوى النوم واجروحه تشالا ؟ = عن تخاتيخ المحبه يعقل ايدين الركايب
آآه .. أنا اللي لو تضيع جرتي حمر الرمالا = باستخير من الطرد واعود من البيد تايب
يا وليفي .. لا تدورني ويتعبك السؤالا = كيف تلقاني ؟ وانا اللي في حلاة الملح ذايب
(( ما يخاف من النهار الا الذي ماله ظلالا = ولا يخاف من الظلام الا الذي ماله قرايب



نايف الخييلي 16-11-2008 07:40 PM

رد: خالد مدعث الخرفاني
 
و قلبي اللي لايع البعد لايعه = قلب ٍ خذت سود الليالي بضايعه
اليا زهم عيني بغالي دموعها = جاته عيوني بـ أزرق الدمع فايعه
قلب ٍ همومه كل يوم ٍ مغيره = صكت على عرشه وهدت قلايعه
جت له مثل سرب الجراد التهامي = تشرب معاليقه ، وتآكل زرايعه
و كنّ الحشى من حرّ مابه ، يمزّع = بسيوف هند ٍ تودع الروح زايعه
و لا بـ نيبان السباع الموحشه = ضواري ٍ من ستة أيام جايعه
ذا حال من حاله تربت وصارت = ما تقبل الا من فوايد ذرايعه
الذل .. ما يحتاج طرد وتعني = و العز .. عسر ٍ مهلكات ٍ وقايعه
ولا فيه عز ٍ .. ما تداوى جروحه = ولا فيه ذل ً قد تداوت وجايعه
الله واكبر يا زمااان تغير = شريت فرخ البوم ، و الحرّ بايعه
وقت ٍ على الأنذال .. ستر ٍ مضفّى = ولا على الأجواد .. تظهر فجايعه
عام ٍ مضى ما كنّي إلا مجلى = أشوف من صكات وقتي روايعه
متنقل ٍ مابين ديره و ديره = رجلي على حكم المقادير طايعه
أقوي اعزومي بنفسي و أسوقها = في دبرة اللي ما يضيع ودايعه
بس اتفكر و اتذكر و اهوجس = و استرجع ايام ٍ على القلب رايعه
ماعاد باقي غير تالي رسومها = عهد محت سود الليالي طبايعه
حطّوه في قبر ٍ عليه النصيبه = واقفى مثل ، شمس ٍ من الليل مايعه
لو بـ أشتكي ما سرّت القلب شكواي = شكوىً لغير الله يا ( فهيد ) ضايعه
من أول ٍ مابين ربعي و ديرتي = و اليوم قلبي لا يع البعد لايعه



نايف الخييلي 16-11-2008 07:52 PM

رد: خالد مدعث الخرفاني
 
يـاهــبــايــب كـــــــان مـــرواحـــتس عـــلــــى نـــجــــد الــعـــذيـــه = ودي عـلـوم الغـريـب وهـاتـي عـلـوم الـرفـاقـه
عـــــدي الـطــايــف وخــمـّــي الـبــيــد شـــــرق مـــــن الـحــويــه = لاتحـيـري عـنـد غـيـري مـالـتس بغـيـري عـلاقـه
واخـــــذي اجــــــري يـاهـبــايــب واحــفــظــي مـــنـــي وصـــيـــه = لـويـقـولـون : الـوصـايــا مـاتـضــوي راس نــاقـــه
لاوصـــلـــتـــي نــــجـــــد ردي عــــنـــــي لـــنـــجـــد الــتــحــيـــه = مـن ضميـر لاحقـه مـن لـوعـة الفـرقـا لحـاقـه
عـلــمــيــه ان كـــــــان طـــــــال الــبــعـــد لايــــزعــــل عــلـــيـــه = والله انــي فــي حيـاتـي ماشكـيـت .. الا فـراااقــه
لو سمعني يوم انادي فالليالي الخرمسيه = يدري اني حافظ الميثاق وعهود الصداقه
الــعــرب قــــالــــوا : تــــــــرى مــــــــا لــلـــخـــوي الا خــــويــــه =وانـت يا نجـد المسمـى ماخـذًٍ روحـي عشاقـه
مـــــن غـــــلاك ان هـــــب مــــــن صـــوبـــك ذعـــاذيـــع نـــديـــه = قمت افتح في ضلوعي طاقة فـي جنـب طاقـه
الــعـــروق الــلـــي تــنـــفس مــــــن هــــــواك اتــصــيــر حـــيـــه = مـن بعدكـم كنهـن يبـرن علـى مـوس الحلاقـه
مـــــع هــبــوبــك ريـــحـــة اهــــــل الـــعـــز ورجــــــال الـحـمــيــه = ربـعًٍ لعيـنـا ثــراك الـمـوت يـردونــه شـفـاقـه
مـحـتـمـيــنــك بــالــهــنــادي مــــــــن الـــعـــصـــور الـجــاهــلــيــه = رمـلـك احـمـر لــون دمً مـرهـف الحـديـن راقــه
غــــيــــر هــــــــذا يــدهـــلـــك يــانـــجـــد وضــــــــاح الــثــنــيـــه = جـادل ٍ خــلا الـعـقول المـبـصـره فـيـهـا حـمـاقـه !!
مــــــن ولــعــنــا مــانــبــي عــــــن ديـــرتـــه روحــــــه وجـــيــــه = قمـت احـس بسحـر بابـل فالمعالـيـق اندفـاقـه
مـاتـشـكــى مـــــن ســمـــوم الـقــيــض عـــــود وســـــط فـــيـــه = كيف يضمى وازرق الماء يزعـج الساقـي زراقـه
لاوقــــــفت صـــاحـــب فــخــامــه .. وان مـــشـــت بـــنـــت الـعـبــيـّه = وان تـثـنـت خـيـزرانــه لـيـنــه غــــض ٍ دقــاقــه
نـاهـديــنــه فـــــــوق صـــــــدره روحـــــــت خـــصــــره ضــحــيـــه ! = واشتكى الساق الردايف .. واشتكت لـ أقدام ساقه !!
والــجــســد ريـــحـــة فـــيــــاض وســمــهـــا ســـيــــل بـــرديــــه = والـزبـادي مــن عرقـهـا مـاخــذ ً ريـحــه سـراقــه !!
مـاعــلــيــنــا فـــــــــي هــــواهـــــا لا مـــــــــلام ولا خـــطـــيــــه = العـسـل لـوذنـب اذوقــه ! ذنـبـه بحـلـوة مـذاقــه
مـــيــــر روحـــــــي يـاهــبــايــب وانـــحــــري نـــجــــد الــعــذيـــه = هـاذي عـلـوم الغـريـب وبـاقـي عـلـوم الرفـاقـه



نايف الخييلي 16-11-2008 08:02 PM

رد: خالد مدعث الخرفاني
 
( قصيده الشاص )



ياغانم اشتر من جديد المواطيـر = شاصً على كيف الغريب الخــلاوي
لونه مع الأصباح كنه نحر طيـر = ولونه مع اتلى الليل نجــم سمـاوي
ولون الخطوط اللى على الجنب ما غيــر = شفت هنوف من سقا التــوت راوي
اليا مشى كنه ولـد شيخ امغيــر = مصطول صفقه صفق سيل النحـاوي
لافز تسمعله مع القاع تصفيــر = صر السواني فوق بير قصـــاوي
ولاوقف ماله من الوصف تصـوير = الا كما وصف العديـم النـــداوي
صوت كفراته لونست شلعت القيـر = كنه اعوى ذيبً من الجوع طــاوي
وجلد التواير يجلد الحيد ويعيــر = رعاد مزن والبرد منـه هـــاوي
وحس المكينه لااستوت فرت السيـر = صهيل صفراً في رسنها تلاوي
له مقدم كنـه يقـود الطـوابيـر = او مثل قبع العسكري الفــــداوي
ماخذبه اعيال الجحلط مشاويــر = ولا حملوا حوضه بجحً حســـاوي
ما ساقه الا محتميــن المعاشيـر = اهل العزاوي مخلفين الهقــــاوي
هو علة اللى مابراسه صعاطيــر = وهو طب من يونس على الكبد لاوي
هو منوت اقلوب الزحول المناعير = لكــن دونه يقصـرن المنـــاوي
يازين فوقه لمشينا به اعصيــر = مـــع خايع ماداج فيها الشــواوي
وسهيل بان وطلعته مقدم الخيـر= نجم مـع الغيث المغيث أمتخـــاوي
والوسم جاله مع أدخوله تباشيـر = وذكـــر الحياء جتله أعلوم وحراوي
يا الله بهمال بصوب المزابيــر = نـــون سنا برقه مع الغرب ضاوي
يسقي الديار الممحلات المداهيــر = اللي ثراها فوقه العــود ذاوي
وبل وصوته لسقا القاع تكبيــر = شهرين والما حاير في المحـــاوي
حتى غدا روس الزبيدي مشاهير = فوق الثراء يعمي العيون ويــداوي
ماكنه الا مقطعات الازارير = بصدور من يزهن لبس الغطاوي
قفر تعانقبه اغصــون الناويـر = الـــريح طيب ولـ أم سالم غناوي
والروض بطرافه تحن المغاتيـر = وحيرانهن يبـــرلهن بالخطــاوي
ووقفت فحلهن بينهن كنه النيــر = ولا عقيـــدً دون داره حـمــاوي
ذي جنـة الدنيا والأيام تعبيــر = ولا زينها ألا مقتفيهــا بـــلاوي
لو مانسج الرجل في الخبت ونسير= ماعاد نلقى للوناســـه عراوي
أقنوص والارايحين مسايـيــر = صوب الرجال أمزبنين الجـــلاوي
ربع لهم حشمه وقيمه وتقديــر = مجلاسهــم ماهوب مجلس قهـــاوي
العود الأزرق والدلال المباهيـر = ودثر الشحم فوق الصحون أمتسـاوي
دواسر يوم الحــرايب بواتيـر = ويوم الرخا حبلً متين رهــــاوي
أصغارهم يثنون عند المضاهيـر = ستر العذارى والــدبش والعــزاوي
وكبارهم مثل الوحوش الهواميـر = أسيوفهم بين النحــر والكــلاوي
وباقي القبايل نعم من غير تقصير = وكلً ًعلى فعله يعــد الحكـــاوي
غير النشاما ما يبي القلب تدويـر = في شوفهم يسلا العلــيل الشقـاوي
أسج معهم والليالــي مقاديــر = والعمر مره يالخفـــوق السنــاوي
وش خانت الدنيا وجمع الدنانيـر = وحنــا علينا نازع الــروح نـاوي

نايف الخييلي 16-11-2008 08:17 PM

رد: خالد مدعث الخرفاني
 
( المقناص)

انا ليا ضاق صدري واشتعل جاشي = داويت نفسي من هموم تناهشها
ضربت لي طرقة تصعب على اللاشي = وسريّت رجلي ومسرى الليل ينعشها
ونحرت جوٍّ خلي يوحش اوحاشي = صحاصح البيد طبّ اللي يعايشها
خالي جنابه من العالم والأدباشي = قفرٍّ مرب الوحوش ومامن اوحشها
عشبه سواة الحمى مهوب يناشي = لا راعي البل ولا الشاوي بنايشها
ما يقطعن فرجته حرار الابواشي = الضمّر اللي وصوف الريم تلكشها
ما يسهجه غير جيب يطرب الماشي = مع واعر الارض ولا مع مفارشها
جيب يبعد عن معشاي مغباشي = اللي يقص الدروب اليا تناوشها
ما يسمع من المكينه غير وشواشي = ماكنها إلا الحيايا في توشوشها
لا فـر من دوس رجلي صابه خراشي = فرة قطاة دوي الملح خارشها
يطيش من طيش سواقه ليا طاشي = نوب ٍ يخمّ الخطوط ونوب يقرشها
أبيه لابان نجم ونجم متلاشي = وشفت السويبع مع خوانه مداقشها
في ليلة وبلها هتان ورشاشي = وقلايد الوسم مرخيتن مراهشها
اليا ظمرن الفحول وجاهن طياشي = والارض في بطنها قرت هوايشها
وراع ِ الولع عقب موته له تنعواشي = طيره على الكف والدنيا مطنشها
ما عاد يطري له الا برق الارياشي = اللي على شانها البيداء يفتشها
وانا معي عاري ٍ مهوب بخياشي = لاتل سيره على المقفي تفرشها
عديم واسمه عديم ما اسمه شلاشي = زرق الشوش لا لحقها علق شوشها
ومن لا عرف لذة المقناص ما عاشي = ولعه بليا طماعه مير عايشها
يسلا بها الخاطر اليا ضاق وانداشي = وترتاح في النوم عيني يوم اغلمشها
ما تسمع اذني صدى لجلاج وهواشي = الا السواري مع الظلما تخترشها
يا لايمي خلني أصد وانحاشي = عن شوف ناس مغير تلوي خششها
والله إن يبطي مع المقناص مطراشي = لين المنيه اقابل وجه طارشها
هذا الدواء اللي يداوي حدب هشاشي = من هاجس لاتحرك قام يجرشها

نايف الخييلي 17-11-2008 07:29 PM

رد: خالد مدعث الخرفاني
 
( يقول خالد فالهوى شاف ماشاف )

وهي موجهه لـ عبدالله بن مدعث




يقول خالد فالهوى شاف ما شاف = شاف المناكر كلها فالهوى شوف
أنا احسب ان الحب وقفه ومنكاف = اثره مثل ضرب الخناجر على الجوف
يا كم صيحه صحتها فوق مشراف = صحية جلاوي مونسً ديرة الخوف
حبً يا ابو مدعث على ماش ينعاف = هاذي ثلاث سنين والقلب مخطوف
ياما صبرنا والصبر سم ً ازعاف = يالله عسى صبرن صبرناه مخلوف
لو كنت في دنياك تسعى وتطّاف = تجيب لك عجلات الايام صادوف
ترى المثل قد قال الأيام زلاّف = والعمر ينقص وآخر الوقت ملفوف
والي بتاخذ معك في قبرك الحاف = ولا ينفعك دمعً على الخد مذروف
نبغى مع الجواد سجّه و محراف = اللي هواهم مودع القلب معسوف
اليا ذكرته .. يخطف القلب خطّاف = واليا نسيته .. صرت لا اسمع ولا اشوف
حبه حكم قلبي مثل حكم الاشراف = مامنه لا رحمه ولامنه معروف
يا مسندي جاني من الشوق خفخاف = خفخف بقلبي خف واصبحت مخفوف
ابوجديلً منثني فوق الأكتاف = والعنق عنق ادميةً قادت اخشوف
والخد براقً سرى الليل كشّاف = ضوح القمر من لمعة الخد مكسوف
ومبيسم ً فيه البَرَد بيض وارهاف = كن العسل بين المراهيف مغروف
والعين .. نجلاء ، والهدب .. سود عكّاف = كن العيون بوسطها ارماح واسيوف
والخشم خنجر هند في ضربه اسراف = ومقرن حجاجينه بها الموت مردوف
متعزلً صدره وخصره والارداف = مليان عوده ظامر الخصر ملهوف
زين النبا مايوصفه كل وصّاف = الله لا يظهره لعيون ملقووووف




نايف الخييلي 17-11-2008 07:40 PM

رد: خالد مدعث الخرفاني
 
( ياهبايب )



يا هبايب ردّي العلم عني وش بقى = مابقى الا عرق ينبض و قلب ً منتحي
كان ما جيتي وقلتي لي ابشر باللقا = لا تجيني خايبه في محلتس امرحي
السهر والهجر دافيك يا قلب الشقى = و عان ذي بقعا تفرّك مثل فرّ الرحي
جعل يومً فيه قلبي توعّى ما سقى = صحته الأيام يا ليت قلبي ما صحي
ليت قلبي للمحبه تهايق و اتقى = كان ما زينت لـ اجنود عينه مذبحي
من ضحك بالمبتلى راح يلقى ما لقى = يوم كنت اضحك على اهل الهوى وش صالحي
صرت انا والسهر والحزن والهم أصدقى = قمت الحفهم معايه بطارف مشلحي
لا نزل واحد من اصحابي الثاني رقى = صاحبوني جعل صحبة هذولا تنمحي
من معه حيله حيل من معه هقوه هقى = بس والله مايصير الشنب تحت اللحي
الكرامه عز ، ودنيا بلا عز ّ امحقى = ليه جبنا قولت الله يعين المستحي
ولو تجيني حلو الايام عندي وش بقى !!؟ = ما بقى الا عرق ينبض و قلب ً منتحي

نايف الخييلي 17-11-2008 10:31 PM

رد: خالد مدعث الخرفاني
 

( ياضلع )




يـا ضلـع جعـل الغيـث يسقيـك نـوه =مـن مزنـةً غــرا مطـرهـا رهــاوه
ضـلــعٍ اذا زاد الــدهــر زاد قــــوه=مـا جـاه مـن طـول الليالـي رخـاوه
ضلـعٍ اذا سقـت الـقـدم فــي عـلـوه=جلست لي فـي مجلـسٍ لـه طـراوه
عقب البطـى شوفـة فياضـه وجـوه=يبعـد عـن القلـب الشقـي الشقـاوه
بـيـنـي وبـيـنـه خـــوةٍ وأي خـــوه=خـوة قسـا مـاهـي بـخـوة فـضـاوه
أليا انزعجـت مـن الزمـان المشـوه=لقـيـت فــي عـالـي نـبـاه الـهـداوه
وان بـار فـي الرفقـه قليـل المـروه=فـي قمتـه شفـت الـوفـا والحـفـاوه
صديـت بـه يـوم الـدهـر زاد ســوه=وعـن عالمـه قطـع العلاقـه نجـاوه
نـاس علـى الهفـوات فيهـم جــروه=تركض لجمع المال ركض الفـلاوه
نظـراتـهـم لـلـمـال كـثــره وشـــوه=الـمـال مقـيـاس الـغــلا والـعــداوه
رجـــلٍ بـلـيـا مـــال كــــل عــــدوه=وراعي الكنوز الطايله فـي النبـاوه
والمـال كـم شيّـخ مـن النـاس بــوه=لو كان ما يسوى مـن القـدر مـاوه
والـقـل كــم لــوى مـــذارع فـتــوه=هو من هل الردات وأهل الصخاوه
يضحـك علـى الطيـب ردي الربـوه=طـيـور شـلـوى بيـدتـهـا الـصـعـاوه
مـن الحـسـد قــام يـحـلف ويتـفـوه=وبيتـه لصلـفـات الهبـايـب مـفـاوه
ناس مشـو علـى الطريـق المشـوه=صلـى بهـم مـن لا يعـرف التـلاوه
ممشى الفتـى فـي خايـعٍ سـال تـوه=قفـر عليـه مـن الحـبـاري حــراوه
يبعـد عـن الأنــذال ويـشـب ضــوه=ويـحـط منـزالـه بــراس الـعــلاوه
يبـرد بهـا صــدره ويـرفـع سـمـوه=ويـشـوف للدنـيـا طــرات وحــلاوه

نايف الخييلي 18-11-2008 09:18 AM

رد: خالد مدعث الخرفاني
 

( قصيده خالد بن مدعث في برنامج شاعر العرب )







الله خلقنا من تراب .. وجينا = وسقنا على وجه الوطا رجلينا
سقنا مع الدرب الطويل خْطانا = ويالله .. من داب الدجى تنجينا
ادروبنا ..بأقدامنا نطويها = وايامنا .. بأقدامها تطوينا
وفي كل يوم .. اركابنا نشعبها = للمقبلات آمالنا تغرينا
إليا مشت بالهون .. نزعل منها ! = وان درهمت .. بأضهورها غنينا !!
النفس في حب العجل مولاعه = ما ندري ان درهامها يدنينا !؟
من ديرة .. سكانها في عزله = ما احد ٍ يرد الصوووت .. لا نادينا
معهم لنا .. بيت ٍ ظلامه موحش = ارضه ، وجدرانه , وسقفه .. طينا
ما عنّ ( ديّان المنيّه ) صدّه = لابد حنّا نجيه .. ولا يجينا
والعزّ .. فرصة عمر ما تنعاضي = إليا تعدت .. ما تعود إلينا
ما فاز في لذّات الأيام .. إلا !؟ = مغامري ٍ يجمع الثنتينا
قلب ٍ شجاع ٍ ساطي ٍ متجرّي = وفكر ٍ ليا ضاع الذهين .. اذهينا
ومزاحم ازحول الرجال يشرّف = العزّ .. حاصل في كلآ الحالينا
أما كسبنا منوة المتمنّي = ( سيف) نجوّد سلته بإيدينا
ولا ذِكِرنا بوسمنا وآسمانا = ذِكر ً يخلد .. والذِكر يحيينا
ومسابقه بأسم السديري محمد= ما فيه عذر ٍ دونها يعفينا !؟
مادامها بأسم الأمير الراحل = شاركت و ابو زيد منّا .. وفينا
متسلسلً من راس ابن بدراني = عامر ضمين .. الضيف والعانينا
شيخ ليا نادى المنادي .. لبّى = وحنّا ليا منه دعى .. لبّينا
من لابة ٍ .. يا حيّها من لابه = ما تنجب الا كل خطل إيمينا
اصيلة ٍ من بطنها ما يولد = إلا .. الاصيل معرب الجدينا
(( دواسرًٍ )) فالحرب موتً سابح = وفالسلم .. عدً يروي الضامينا
يامآلنا من موقفً نفخر به = يحكي به الأول ,, على التالينا
وحنا بــ ابوزيد المسمى نفخر = ويفخر به الأدنين والقاصينا
حرً كفخ من عش حرً نادر = غَذَّى .. و غِذِّي .. ونومس الغاذينا
فصيلته فارس , وأمير , وشاعر = أطيب ثلاث لما بقى تنبينا
أبو .. العلوم الغانمات .. وعمّها = وخال .. الملوك اللي لهم والينا
آل السعود .. اخوان من طاع الله = أخوان نوره .. مزبن الجالينا
وعطيته لوحة شرف ما تمحى = عطية الاموات .. للحييّنا
وحقه علينا نطلب إلْه الرحمه = حق ٍ على الحييّن .. للفانينا
لعلّ قبره من رياض الجنه = أنهار , وأثمار ً , و حورن عِينا
ومن لا تعلم من حياة محمد = يامآل .. ثم يآمال .. فرقى العينا
من عاش ما جاء له علوم ٍ تذكر = إليا أختفى راسه .. ما عاد يبينا !
الهيكل .. اللي ما يحرك ساكن = يصبر على ما جاه زين .. وشينا
ما يستوي الزحزوح و المتزحزح = فرقهم اللي فرّق البحرينا
الكل يخلق له مكان ومنزل = من خلقة الدنيا .. ليا ذا الحينا
ما للجمل .. فالبحر زول وجرّه = وما للبواخر .. فالصحاري مينا



للإستماع صوتياً





نايف الخييلي 18-11-2008 10:59 AM

رد: خالد مدعث الخرفاني
 
وقفه




كلمتينً كايده مـن يحصلهـا ارتـوى= قولت: احبك وقول النشامى والنعّـم



كلمتين كايده





كل شيٍ لـه دواء والهـوى مالـه دواء = غير مسرى الليل ، والدمع ، وطروق القلم
مايعيش القلب والعرق يسقيه الهـوى = المعاليق ادهـرت والهـوى مافيـه دم ّ
آه لو راع الهوى لانوى الفرقـى .. قـوى = كان يمدي اللي توفى من الفرقى سلم
لو ما أزبن دخيلٍ علـى قلبـي ضـوى = ويش عذري فالوفا ، والشجاعه ، والكرم
كلمتينً كايده مـن يحصلهـا ارتـوى= قولت: احبك وقول النشامى والنعّـم
يا خشيف الريم لايفزعك ذيـبً عـوى = ارتع ويحميك ربً حمى ركون الحـرم
مانقول اليا طلبت الحِمـى : مالـك لـوى = استلم عرش الحشا والمحاني لك خدم
وان نويت تروح ناظر بكفك .. وش حوى = الكفوف اخضابهـا دم قلبـي واللحـم
لو تروح اعمارنـا ماتخاوينـا سـوى = مايروح الليل ، والدمع ، وطروق القلـم




نايف الخييلي 19-11-2008 07:54 PM

رد: خالد مدعث الخرفاني
 
( صوت )



يا طير يا طير يا طير السعد ياللـي تـرف الجنـاح = لا واهنيـك ليـا ضاقـت عليـك الارض خليتـهـا
وان رحت وان جيت ياطير السعد تسبق هبوب الرياح = واظن ما فيه ديره فـوق وجـه الارض مـا جيتهـا
مانته بمثلي تجي وتروح ما يصعب عليـك المـراح = لكـن ياليـت جنحانـك معـي يـا طيـر ياليتـهـا
كله على شان ازور اللي رمانـي بالعنـا واستـراح = اللـي علـى شانـه الاقـدام عنتـنـي وعنيتـهـا
في ماضي الايام اشوفه قدم عيني في المسا والصباح = واليوم حتى العلوم اللي تجينـي عنـه مـا اوحيتهـا
وليا نشدت العرب ماحـد يعلمنـي عنـه ويـن راح = واتعبـت نفسـي وبالنشـده كثيـر النـاس بذيتهـا
لا ووجودي علـى شوفتـك مـره ياظبـي البـراح = ياللي على شانـك العبـره علـى الخديـن هليتهـا
يابو عيون هدبهـا يـزرق العشـاق زرق الرمـاح= ذبحت روحي على كفـك برمـش العيـن واحييتهـا


حبيب العازمي





( صدى )


يا طير يا طير يا طير السعد ياللي تسمى فلاح = يا حلو جنحانك اللي فوق متن الجوّ فليتها
ان تاق صدرك تصف الريش يا طير وتشوف الفياح = و أنا على الأرض ، تاق الصدر لكن ما تعديتها
يا طير ما تأخذ اعلومي لـ خلّي كود تبرى الجراح = و تكسب علشاني الاجر العظيم ان كان وديتها
قل له ترى البعد عنّه حط فوق الكبد ، سمً ذحاح = و قل له تراني علشانه نجوم الليل عديتها
من اولً فالهوى ماغير انا ويـّـاه ضحك و مزاح = واليوم من دونه سباع القرى يا طول تصويتها
واليا اذكروه العباد ، اسمع لـ قلبي في ضلوعي صياح = ثم جبت ونـّـه ، على ونـّـه ، على ونـّـه .. و جريتها
ما ردني دونه الا الحظ .. حظي كل ما قام طاح = وش فيك يا حظ لا جتني علوم الخير لديتها
و أكتم على قصتي يا طير بين الناس .. حذرا تباح = قصة غرامي ترى ماغير لك يا طير قصيتها


خالد مدعث



صوتيه


نايف الخييلي 24-11-2008 06:19 PM

رد: خالد مدعث الخرفاني
 
من روائعه الشعريه


البرق لعيون المولّع مناديب=والبيد لقدام الخلاوي ركايب
وارواحنا لهموم بقعا معازيب = ومعزب الارواح قبر ونصايب
سبحان من يخفي عن العالم الغيب = وخلى الوعد مع نازع الروح غايب
كلن يسوق الرجل ويروح ويجيب = احدً يجيب بسلم واحد نهايب
احدً يجيب الفود والعز والطيب = واحدً يذله كل ماكان جايب
ومن لاستر وجهه عن الذل والعيب =ماعاد يلقى لذل وجه طبايب
ومن لاحمى وجهه قبل طلعت الشيب = محدً يعوضه وجه لاصار شايب
ولصار ذكرك فوق روس المراقيب= خلك على دربك ترى الدرب صايب
تصير فعيون النشامى كما الذيب = وفعيون عدوانك عطيب الضرايب
موت الفتى بالمرهفات المحاديب = اخير من حيً مع الناس خايب
موتن تباكى له عيون الاجانيب = ولا عيشتن تدعي عليها القرايب
ولّي نفوسً ماتروم المواجيب = ولّي يدينً ماتسد النوايب
عذر الردي ماكل من يجهد مصيب = عود الحماطه كاسرتها الهبايب
مايخلف الهقوه طوال الاشانيب = صحيح من قال المراجل وهايب
يربى على الشاهوق عكف المخاليب = والا الوطى يرباه بوم الخرايب
من راقب العالم يشوف التعاجيب = ومن طاول الدنيا يشوف الغرايب
غير النبي محدن بليا عذاريب= وكلن على الثاني سيوله جذايب
ماكامل الا وجهه جزل التواهيب = ولا راحب الا اللى من الذنب تايب
كلً اذنوبه تغرق الكم والجيب = وكلن عليه من الليالي مصايب
ليه الحسد والغل والشك والريب = وليه القطيعه واندلاع الحرايب
يولد الاحقاد شذب العراقيب =والحقد سمً فالمعاليق ذايب
شرارتن من ملحقين المشاهيب= من ناشته خلت اضلوعه حطايب
يومون بالامواس مثل القصاصيب = ذنبً يوقف منه قطر السحايب
لعل من يفرح بشيل المشاعيب =ويصير في فرقى الرفاقه سبايب
تقطع عراويه من الرزق والصيب =ويموت ماتنظر اعيونه حبايب
وتصفى النفوس ويركدّن المشاريب = لابه ذنب عقرب ولابه نشايب
هذا بعض ماعلمتنا التجاريب = اللى من الايام جتني جلايب
لاكامل الا وجهه من يعلم الغيب = ولارابح الا اللى عن الذنب تايب

نايف الخييلي 25-11-2008 08:24 PM

رد: خالد مدعث الخرفاني
 
( ماكل بيضا بشحمه )


و قلبي اللي من زمانً فات ماخوذ سبي = سبي الحناشل من مراح راعي ابله وغنمه
الليل يسري بالدبش والذيب والحايف يبي = والبدو ماينهب دبشها الا الليال المظلمه
الحايف ايحوف الضعن والذيب لضان يحبي = والراعي المسكين عن غيب القدر من علمه
امسى غني يلبس العمه وتزهاه العبي = واصبح فقيراٍ مايحصل لقمة تملا فمه
واللي جراله قد جرالي ياحمد وانا صبي = قلبي من الاضلاع منهوب بدمه ولحمه
اتلا العهد بالقلب يوم انا مابين امي وابي = اثره على الحب انفطم قدام لاامه تفطمه
محدن بكى ولاشكى سواة ناري وحطبي = ولابه مثل ساقي تعنا واتعبه سير اقدمه
بصبر واكابر دامني بالحب غبرت اشنبي = قال المثل من لايغبر شاربه ما دسمه
بس اتحرى وارتجي يخلف لي الله اتعبي = واقول عذري فالهوى ماكل بيضا بشحمه
القلب مدهال الهوى واصعب هوى حب اجنبي = وطبع العرب كلٍ يعيي دون مرباه ودمه
وانا على ليت و لعل ، احط وانقل مزهبي = ومن فوق عش العنكبوت ابني الرجا ثم اهدمه
طال المدى وانا اتقلب بين ناري واحطبي = اموت واحيا والغضي يكوي الضلوع بميسمه
لولاك ياعذب اللما عين الوحش عنق الضبي = ماكان تامرني وتنهاني بضحك وسلهمه
لولاك الهوى ماكان تملك راس حرً يعربي = خلاك خوان الرجال بدون حربا تحكمه
الله يبيحك واستبح عمري ودمي وذهبي = حللت لك كل الثلاث اللي علي محرمه
دوجي بريضان الحشا واكلي ربيعي واشربي = الله عطاك من الحشا بيره وتمره وعجمه
وسويت بي مالا رضاه الله ولادين النبي = ملكتني ملكة نصارى والديانه مسلمه
واليوم ياعذب اللما عين الوحش عنق الضبي = حقً عليك اليا خضع لك صاحبك لاتظلمه

نايف الخييلي 29-11-2008 09:35 PM

رد: خالد مدعث الخرفاني
 
قلت هلا مرحبا بالنار والملح والبارود = هلا بالسيوف وحربت الشيخ وجنوده
ياشيخ العرب قلّط وانا الجود والماجود =محلك بصدر المجلس اللى نشى عوده
محلك على خبرك على عهدك المعهود=محرّم توقع غبر الايام بحدوده
حمته الضلوع بحشمة اربع سنين وزود= حشمته زمان اللى علي تقدح ازنوده
اليا طالت الفرقى سببها الليالي اسود = الا ياقسو قلبً بيلحقك منقوده
لك الله لادوّر عذر والقلوب اشهود = دخيلك ترى دمعتك مهيب محدوده
على طاري الفرقى ماشوف الحروف ارقود= يجي ليلها ليل ابدوي ضايعً ذوده
وبرسل قوافل شوق لك مع خفيف النود = والا يالله الخيره اليا جات مضهوده

القصيده صوتياً




http://www.kll2.com/dldz6n30675.amr.html

نايف الخييلي 29-11-2008 10:20 PM

رد: خالد مدعث الخرفاني
 




تفيض دموع عيني كل ماخيّلت لي براق = سوات الجالي اللى لاح برّاقً على اوطانه
صحيح ان البروق اللى تلوح تهيض العشاق = تذكر من تولّع بالهوى ربعه وخلانه
اخيله مير انا يابو خلف كني كسير الساق = بعيد الدار , ذيب الضلع دونه كسر الحانه
الا يافيصل المنعور الا يافزعة المشتاق = انا روحي على جمعى حبيب الروح شفقانه
ثلاث اسنين اكايد عبرتي وانا على الميثاق = هو صابر على شاني وانا صابر على شانه
نبي نصبر لو ان الصبر صبرً مر ماينذاق =نهين النفس عند الناس مير الناس منانه
تجمعنا على سلم الهوى وذي سنه الخلاق= على وضح النقا ماقط لمس لساني السانه
انا مالي جدى الا كتبت الاشعار فالاوراق= واجر الصوت تال الليل يادانه على دانه




نايف الخييلي 01-12-2008 01:19 AM

رد: خالد مدعث الخرفاني
 
إقراء بهدؤ




طلبتك ياإلاهي






طلبتك يا إلاهي وانت مجري الريح بالهمّال = طلبتك مزنةً من تحت عين العرش همّاله
اغثنا مع هبوب الغيث غيثً صيّبً وبّال = مشى وانشى بربانً غشى البيداء تعزّا له
مزون ٍ من كثر ماها غدن اثقال فوق اثقال = تدّّلى كن كف الأرض يجتّره ويرقى له
قراح ٍ من مزابير تزبـّر كنهن اجبال = دفعه الغرب والشرقي يهب ويردع اجفاله
سحاب ٍ في مقاديمه نصوب ٍ كنهن اشيال = تزاحم كنها جيوش الزناتي يوم تبرا له
تضاحك في مقاديمه بروق ٍ يشعلن اشعال = ثمان ٍ في ثغر غرو ٍ تلألأ من ورا شاله
ومواخير ٍ تهل ادموعها عذب ٍ قراح ازلال = شخاتير ٍ مثل ضرب المشوّك صوت وبـّاله
إليا من زل ّ عقب سهيل خمسين وثلاث ليال = طلع نجم السويبع وأعلن الوسمي ومدخاله
طلع نجم ٍ يبشر بالحيا بدو ٍ لهم ترحال = جذبهم بارق ٍ ليله سرى في عارض اخياله
بداوين ٍ على الخبت المربـّع حطـّو المنزال = مصاليـح ٍ تبوج البيد شاويـّه و وبـّاله
عسى جرد الفيافي من عقب طول الدهور تسال = يزينها كريم المد ّ من حاله .. الى حاله
يزف ّ الروض زملوق ٍ نواويره بكل أشكال = تمايل مثل سنبوك ٍ يطق ّ الموج في جاله
غصون ٍ تنثني لا نسنس الغربي يمين شمال = تثني خفرة ٍ غنى لها عشرين طبـّاله
تلوّى فوق بعض ٍ مثل ديبان ٍ بعود آثال = وتحت ظل ّ الغصون يحصّل العصفور مقياله
فياض ٍ من زهرها الطير يركع له ركوع اذلال = جمال ٍ من بعد شوفه نسى اللجّه وتجواله
زهور الروض خلّت لـــ أم سالم فالعَصيَر اهبال = تجرّ الصوت بالمنكوس ( يالآله .. ويالآله )
تخاتيـخ ٍ خلاها للحباري والضبا مدهال = مرابيعه هل الذيدان ماتقدر تعنـّا له
يرودونه قوانيص ٍ خذو مع سجته تجوال = وعلى طرد الولع مايقبلون هروج عذّاله
تسـّلو فالحياة وخلوّ الدنيا وجمع المال = مادام الموت في طلق الرقاب ملوّي احباله
غرامي .. نقلت القرناس ، ومرافق زحول رجال = مناعير ٍ تسد ّ النايبات وتحمي القاله
معاهم لذّة الدنيا مزوح ، ودله ، وفنجال = على نار ٍ عليل الروح منها ينشرح باله
وعلى كفي عديم ٍ مخلبه مايرحم الحفـّـال = عطيب ٍ مثل حد ّ مصقل ٍ بـأيدين قتـّـاله
تلافوبه صقاقيرً وراه يدورن ريال = وحش فرخ ً مواكيره هضاب ايران واجباله
نحره ابيض وراسه كاشف وصافي وريشه خال = معرّى جسمه وزيّن وصوفه باقي افعاله
عريض الصدر مفهوق ٍ جناحه والعظام اجلال = وطول وعرض والنادر من النارد تسلساله
قصير كراعه وساقه عليه مضفره سروال = احلي به على اردون الملوك بطول سرواله
طويل العنق واعيونه عليها تضرب الأمثال = يوصف به راعبيب ٍ على الأرواح نشّاله
اليا منه رفع راسه على طلع ٍ بعيد امحال = مثل داب ٍ تعلاّ فوقه الصيد .. وتعلوى له
يوكد لو طلع بـأرض ٍ تطارد به سراب اللال = ولا قد تل ّ مسباقه على شي ٍ يورّى له
يشادي فالركاده .. عابد ٍ خاشع لـ آذن ابلال = والى من زاع .. كنّ الارض من تحته تطوّى له
والى حوّل .. مثل نجم ٍ من علو ّ السما منهال = والى منه ضرب بالكفّ .. فال الله ولا فاله
نهب قلبي غلاه وصار حبّه فالضلوع لحال = غدى له فالحشا وكر وعروق فوادي احباله
ذراعي من تحته وكل فال ٍ يقتفيه اعقال = حشمته لين طال اللي كثير الناس ما طاله
ليال ِ النقل و اهدود الوحش منوة عليل البال = غرام اللي شقى الدنيا وطول القيظ غرباله
وابسوق القدم في مهمه ٍ خال ٍ من الأنذال = بعيد من بعض ناس ٍ وجوده فالزمن عاله
مع ارجال سوالفهم مهيب اهروج قيل وقال = طحاطيـح ٍ ثقيل الحمل تبرك له وتشتاله
واسلي من صواديف الليالي قلبي الشغال = واقول : اعوذ بأسم لله من شيطان واعياله

نايف الخييلي 01-12-2008 06:03 PM

رد: خالد مدعث الخرفاني
 


مساجلات الشاعر

( صوت )



هيه يا قلب المحبة ما بقى في العين عبره=كل يوم والعيون من الغرام يسيل ماها
لين صار الجفن عنده من غزير الدمع خبره=وانت شيخ حنوة الاضلاع مسجون وراها
ما تعدى لو طلع راس الجمل مع سم الابره =في ضلوعي بكيتك ما غيري بيسمع بكاها
يا سجين الجوف تدري مالنا في الحب قدره=سنة للناس مدري وش قداها من خطاها
الهوى كانه خطيّة ما حدٍ قد جاب عذره= والهوى كانه مباحي علّة صعب دواها
اصبر ويلقى طويل الصبر في الايام صبره = كم صبور جاب صبره حاجة عسر لقاها
يا فؤادي صرت لك حزمة هشيم وانت جمره= كل ما هب الهوى بأطرافها يكبر سناها
والهوى تاليه فرقا والنوى لو طال عمره= ما نسينا العهد وجروحه براها او ما براها
دام عهده في يميني والنجوم اتجيب خبره =نعتبرها غايبة عنا وحجّتها معاها
لو درت وش صار فينا ما خذت عن نجد سفره=يا هبايب علميها كم شقيّ في رجاها
منبت النوّار عقبه يذبح العسّاس دهره= حالف ما عاد ينبت في ديار ما وطاها
المولّع عقبها ينقل على الكفين قبره= ميّس ما عاد تشتاله عظامه من جفاها
عقبها راع المطايا ما دعى للعد نشره= والظوامي صافي الميراد ما يقطع ظماها
جادل حده زمانه عن روابي نجد مكره = والليالي ما تخلي مستريح في ذراها
صوب دار مالها من قسمة الاجواد بذره= النجايب سبعة اشهر ما يجن ارض نصاها
البحور تحول دونه والفجوج الجرد عسره= والذيابة تحتري مع سكة الطرقي عشاها
فرّق الله شمل من فرق ثنين كان خشره= في غرام وفي علوم يشهد الوالي علاها
ما يحق الواحد مالقح النخلة بتمره=من سقاها واحتماها لأثمرت يقطف جناها
كنت اقول يموت رجل ما نفع نفسه بعمره = ثم قلت يموت رجل حدّ نفسه منتهاها
كني الرحال وسنين الليالي الشهب بكره=شلت زادي في خباها والحيايا في خباها
يا عنود الصيد لو آخذ من الايام عبره=كان روحي في يمينك حكم ربي ما رماها
جيت لك غيث تهادى وانت يمي جيت حسره=يوم علّقت السحابة سقت رجلك من سماها
لك شهر من غبت عنا والهوى يا طول شهره= ذكريها يالثريا وانشديها وش بلاها
العرب قد قالوا انه مع توالي العج مطره=واعذابي كانها عجت والاخرى في قفاها
والهوى لا زان قاده للولايف سلك مكره=مير وحي من عرفته والهوى يلعن ثواها
اتصبّر واتحرى رجعة الغيّاب بكره=والزمان بعيد والايام من يلحق مداها
يا نديبي هاك خط من دموع العين حبره=الرسالة غير (ناصر) لا حدً يبحث خفاها
صاحبً بين النشامى بالمراجل بان ذكره =السبيعي لا تعزوى عزوة العود احتماها
يا ابن فارس شف صحيبك عيّب الجبّار كسره=ان بكى قال اقطعوها وان شكى منها كواها
يا ابن فارس كان عندك في عميق الجرح دبره=لا تخلي صاحبك ينقل جروح ما قواها
حالتي حالة فقير يوم قام يسدّ فقره=ما لقى له غير عين تدفق من الفقر ماها


خالد مدعث الدوسري

نايف الخييلي 01-12-2008 06:09 PM

رد: خالد مدعث الخرفاني
 
( صدى )




علم والا حلم يا قلبٍ حشاه عويد سمره=كنّ من بين اضلعه جنّيةٍ تصفق يداها
قلبي اللي من سطر مابه تقل غاشيه خمره=يوم فيه قلوب شق الثوب ما كدّر كراها
قم يمانع فوق وجنا من خيار الجيش ضمره=وصف شقرا ربّها دون المليحة ما نحاها
بنت هرشً كنّ قرن العامريّة وصف وبره=وكنّّ نيبان السباع الضارية تنهش حفاها
ابن مدعث لجل عينه نقرن الحجّة بعمره=ابن من همّل مجاهيمه على البصرة وجاها
لا تحسّر دام باقي في صليب الراس قطره=يا ابن مدعث والضلوع العوج داها في رداها
لا وربي ما نقلنا السيف ابو حدّين بطْره=كود لعيون الصبيّ الدوسري نطعم شباها
يا ابن مدعث ما نلومك في الهوى لو شفت عُزْره=الهوى قبلك غداله بأمّةً بيْض لحاها
ما أطال النوم في عمر الفتى المكتوب فترة=والسهر ما قصّر اعمارً كتب ربي بقاها
زمّ نفسك والهوى سكرتْه عن مليون سكرة=لو حصل منها سلامة وين تسلم من نماها
نركض وتركض وما نجمع بأيادينا نِخَسْره=الليالي دوْل والدنيا رحول اللي مشاها
تالي الدنيا ياخالد حفرةً في جوف حفرة=نطرد الدنيا ولا نفرق خطاها من قداها
هيّ وش هي؟ هيّ من هي؟ هي ثمانً كان عشرة=البواشق قرنست وام الكباير ذا جزاها
مير اخذ من دنيتك (صاحب) و(بارودة) و(خفره)=زبدة الدنيا ثلاثً عانها واترك سواها
اترك اللي يطرد الدنيا يبي عزٍّ وشهره=كيف يبغاها تعزّه وهْي ما عزّت ضناها
يا ابن مدعث لو عرا جسمك بمشلحها تغمره=لا لقت غيرك تِحَذْفك حذفة الجاهل حصاها
رايعت من لا بنى من شامخ البيتين وكره=ولعوزت كل ابن حرٍّ بأوّل الهجره عطاها
وصفنا وصف ثْمَرَه والزين فلاّحٍ بغمره=يعتنيها وان حداه الجوع ما اسرع ما كلاها
يا ابن مدعث لا رعت بين الجهام السود عفره=حاجةٍ تقضي عقب سن الصبا وش هو قضاها؟
ابعد الله دار من يبعد ثنينٍ كان قصره=امّة لا شافت الشمل اجتمع جاها بلاها
لا سقى الله فيضةٍ فيها سمين الصيد قعرة=كل دِحلً واجهوا به حيةً تلحس جماها
عزّتي للي بقى بينه وبين الموت شعْره=روحه اقرب للمنايا السود من حذفة عصاها
طال وقتك يا ابن مدعث بين لا تطريه واطْره=حيّ ابو مجناك وين الله شلع بك في فضاها
شدّها من خدّها واقطر على المركاز صفْرة=والحمى ما احدً حماها كان ربّك ما حماها
انت مثل اللي يدوّر للوسايد وسط خُبْرة=وخُبْرة الروض ايتحمّل ما يجيه اللي رباها
نقطن الواد المخيف ونضرب البيد أمّ جُفْرة=لعنبو بعض البني يا ما لحقنا من هواها
ما لقينا من يقول ابطى بهاك السيل كبره=طالت المدّة وخالد في رجا دورة رحاها
الوجيه البيض سفْرة والوجيه السود ودْرة=وجثّةٍ ما سرّت الصاحب على ويش انغذاها
هيه ياللي في فؤادك من عسام الوقت نفْرة=طالت الدعوى ولا ادري وش حجَلها من قطاها
آخر المنصوب فتحة وآخر المجرور كسْرة=حطّها نذرٍ علّي اني لأليّن لك قساها
اجمع اوّل حرف من كل بيت تلقى بيت شطْره=عقّب اللي مزنته ما يروي العطشان ماها



ناصر محمد الفراعنه

نايف الخييلي 03-12-2008 04:05 AM

رد: خالد مدعث الخرفاني
 

تنطحت الهبوب الصلف ابعرف وشهي اخرته= على قول العرب تلقى مع اتلى الريح براقه
حراويه الظلام ولاضو سملان سامرته = خلاوي فالخلا دلّه على عد الروى ناقه
انا عساس برقً يرخي القيعان ماطرته= يبي يقطع ضماه وقاسي الصحصح كسر ساقه
الوم اللى يلوم الساق دام الارض عاذرته = بعد ماقالت الايام للارواح لحّاقه
خويي لانويت اكمّل المشوار ماشرته= يطول الدرب والا مايطول النفس مشتاقه
ورى مااطيع نفسً باسها للضيق ذاخرته= مادام أدنى جمايلها غرامً ماحدن ذاقه
ياكود الجادل اللى من سنه وشوي مازرته = عنودً روّعه صوت الهوى بحماه وستاقه
لك الله ياهبوب البعد قلي ليه ذيرته = بديت تغار والا تجهل العفري وخفاقه
الا ياريح ليه تغار لاثنيت خاصرته =من اللى يمنعك عن لذة شفاته وترياقه
لك الله شف ادموعَ ضمت اترابه ودورّته= او اسمع قلبي اللى باسمها كم مرقبً واقه
صغير السن خاشرته على عمره وقصّرته = قبل يطلع على الدنيا حفرت القبر بعماقه
وصلت اقصى الهبوب اللى كشفت السر بأخرته= عرفت انه عجاجً يذبح العساس براقه


نايف الخييلي 06-12-2008 09:39 PM

رد: خالد مدعث الخرفاني
 
طلبت الله قبـل مبـدأ القصيـده غافـر الزلـه = رفيع العـرش عـلام الغيـوب أمدبـر الأفـلاك
ألا يالله يامطـلـوب ثبتـنـي عـلـى المـلـه = بقولة لا الـه الا أنـت ربـي مامعـاك أشـراك
انا امنـت بـك واللـي بديـن الحـق مرسلـه = انا عبدك وابن عبدك وادور طاعتـك ورضـاك
ابي ضلـك بيـوم فيـه غيـرك مانبـي ضلـه = بيـوم الحشـر يـارب العبـاد أبلتجـي بحمـاك
وأنـا ماقـول هـذا كـبـر لله والكـبـر لـ الله = تعودنا نعز النفـس عـن ذولـى وعـن ذولاك
تعودنـا علـى بيـت الشعـر والنـار والـدلـه = وتعودنـا نقـول أهـلا هـلا ياضيفنـا حيـاك
وتعودنا على الجيره نصون الجار عـزا له = وعلى الخوه خوي الجنب ماياطى على الاشـواك
وتعودنـا وتربينـا علـى سلـم العـرب كـلـه = على العفه على الشيمه على الحشمه على الادراك
مواريـث الجـدود اللـي تـورد للعـدا عـلـه = الا ياسلمنـا ياسلـم جدانـي حـلـو مـحـلاك
الا ياسلمنـا ماجـاك مـن شيـن الدهـر خلـه = الا ياسلمنـا ياعزنـا لا عـاش مـن خــلاك

نايف الخييلي 06-12-2008 09:51 PM

رد: خالد مدعث الخرفاني
 






أنا ولد مدعث على الطيّبه طبت= ما الّد عينـي فـي بنـات الرفاقـه

من طيب ابوي وطيب عمي تعربت =ومن طيب خالـي مالحقنـي لحاقـه

نايف الخييلي 17-12-2008 11:42 AM

رد: خالد مدعث الخرفاني
 
اهل الولع تشفق على طلعت اسهيل = وتضيق خطّرهم من الصيف وتمل
واليوم قد لسهيل خمسة عشر ليل = واقفى لهيب القيض ووقت الهدد حل
والطير جاهز مايبي غير تدهيل =الريش صف وصك موسه وكمل
واليوم ياخطل اليدين الحلاحيل = ياجامعين الدين والطيب والدل
يامدلهين اللى بقلبه غرابيل = ياللى بكم عقد الحجاجين ينفل
قطاعه الفرجه بليا دواليل = واليا سروا مسرى السراحين تندل
نبي على اللى تبعد الدار بالحيل = فوق الجيوب اللى تتل الوطى تل
صنع الفرنجي عابد النار والفيل =اللى بلا دستور حرّم وحلّل
نبي عليهن نضرب البيد ونزيل = همً علينا كبر ابانات واثقل
ثنتين تشفي الهم , خوت رياجيل = وشوف الفياض اللى زهرها كما الزل
مرسلها الرحمن غرً هماليل =بأمر الكريم انشى من الغرب واقبل
وقام يتقحم مقدمه كنه الليل =والبرق يبرق والرباب يتعزل
والشرق تضرب في اخشوم المخاييل =متركدً ممشاه ويحن ويهل
من مبتدى الوسمي وسيلً بأثر سيل = خمسين ليل يروّح المزن ويعل
وتجملت الارض من نبتها تجميل = تشبه عروسً طيبها الكاد والفل
متشكلً تلعبه النود ويميل =عشبً لقى غير الدفى والمطر طل
والبدو مايطري لهم بالمحاويل = كلن بداره شبعت الضان والبل
عشبن عليه من التريبي تفاصيل =والا مثل صباب عامن لنا زل
يازين في وقت الربيع التعاليل = ويازين مد الشوف مع نايف التل




والقصيده أطول من ذلك

نايف الخييلي 18-12-2008 11:06 AM

رد: خالد مدعث الخرفاني
 
اونست وسط الجوف نارً بدافور = ان جيت اطفيها تزايد سناها
نارً تسابقني على مشت الزور= حتى كلت حدب الضلوع بلضاها
اضحك ويطويني مع الضحك حاشور = واكظم واخاف النفس توحي اعداها
واصبر على الغربال والضيم والجور = واللى خلق خلقه حشى مانساها
ومجبور ابيّن خافي القلب مجبور =مادام ثارت بندقي في خباها
يافهد الفزعه ترى الحال مخطور =من علتن محدن محصّل ادواها
يامسندي وان جيت ابا ارتاح فالدور = تضيق نفسي من خلاها بخلاها
انا اعرف الانسان منهي ومأمور = لكن بقعا ماتكفكف بلاها
اخذت لي سجه مع الناس مغرور = ورعً حياته مادرى وش وراها
ان احسب الدنيا تمازيح وسرور = واليوم حدتني اليا منتهاها
ياوجد حالي وجد من عاش مقهور = وسط السجون اللى خبيثً ابناها
خذ له ثمان اسنين فالسجن محسور = مسجون عينه مايغلق بكاها
مسجون في دم ً على الكذب والزور= مضلوم لكن حجته مالقاها
وقال المنادي بكره السيف مشهور = واقفى و وراعنه ينزع حشاها
عليك ياللى فايقً زينة الحور =ادعج غنج كبد المهاوي كواها
اسمه سمي الريم بالستر مستور = تسعه وتسعينً حمته بسماها
ما قط قيل بداخل السوق مذكور = مصيونةً مادوجت لقصراها
معها اشقرً يضرب على الورك منثور = ذيل الاصيل اللى فريدً نباها
اصيلةً فالحرب دقولها انجور = لااوحت اطبول الحرب غيّب علاها
والعين فيها احراب تسعين طابور=كم قايدة جولً بعينه عماها
والخد برّاقً على النو منشور = تجهر عيون اللى يخايل نضاها
مليان عوده هايف الخصر مضمور = شربه ملى الفنجال تروي ضماها
لو اني ابوي عماها كان ماجور = والا معا ربعه قريب اقرباها
واللى مع الاجناب كايد ومصرور = صعبً على خالد يقرّب حماها
مير القدر باللوح واللوح مقبور = في صفحةً مافيه حيً قراها
ابا اطلب الله واعرف الحظ مذخور= مادري لو ان الحظ يقطف جناها
اسهر من المغرب اليا طلعت النور =حقً على نفسي تبين خفاها


القصيده صوتياً




نايف الخييلي 29-12-2008 12:00 AM

رد: خالد مدعث الخرفاني
 
البرق لاح وزان وقت المطاليع = وانا هواجيسي تزاحم ضلوعي
نبغى لنا سجه بذيك المرابيع = انا هواي وشف بالي طلوعي
روضً خضر فيه الزبيدي مصاليع= فجً خلا مابه من الناس دوعي
وريح النفل عقب المطر له ذعاذيع= متخالطن النوار من كل نوعي
فيه الحبارى معذّبات المفاريع = و اجوال صيدً فالفيافي رتوعي
اسج فيها مع رجالً بواتيع = اصحاب والا من خيار الربوعي
وانا موّلع باشقر الريش توليع = شفى مع المقناص حرً بتوعي
ابلج عديم يلوّع الصيد تلويع = افجح قصير كراع وصفه يروعي
لاماز عمره مزّع السبق تمزيع = من زوعته راعيه خطرن يزوعي
اشقر كما لون الذهب له تلاميع = عين الشجيع اللى يضد الجموعي


والقصيده اطول من ذلك بكثير

نايف الخييلي 17-01-2009 07:56 AM

رد: خالد مدعث الخرفاني
 
تأمل هذه الابيات





ماعاد يغريني القمر ليلة النصف= عادي طلع وإلا تحجبه سحابه
من يوم راح اللي فلا شفتله وصف=صارت معي كل الليالي تشابه
مثل البليد اللي جلس باخر الصف=ماشال هم الإسئله والإجابه

نايف الخييلي 13-02-2009 09:58 PM

رد: خالد مدعث الخرفاني
 
من مشاركاته بمسابقة شاعر العرب

في دبرة اللى مد الارض وزرجها = وأحيا عليها افواج وافنى بها افواج
اما اضرب البيدا ودجها وبجها = والا توجه للبحر واركب الساج
بيبان رزق الآدمي مازلجها = ناسً على رزقه لها اضراس واخلاج
حث القدم فوق البسيطه ودجها = خل الركايب تطوي البيد بفلاج
وعن الدروب العوج عجها ومجها = التايهه بكره لها النور ينباج
سقها وبيبان الفخر ماولجها = رجلً يحطونه على الدرب مسهاج
غنايم الايام في معتلجها = ومن لايهد ابراج ماشيد ابراج
والناس لاتسمع سوالف همجها= لايخلفك عن قمه العز إزعاج


الى اخر القصيده




أضغط هنا

نايف الخييلي 12-04-2010 11:21 PM

رد: خالد مدعث الخرفاني
 
ياحمامـه كفّـي الله لا يجـزاتس خيـر=من صلاة الصبح وانتي تجرين النيـاح
كان من جور المحبه غدا شرك شريـر=والله اني ذايـق قبلـك السـم الذحـاح
وكان لوعاتك من الوقت ومفارق عشير=والله ان قلبي من فراق خله ماستـراح
وكان مفجوعه على فقد عش مستديـر=والله اني فاقد شـوف نجـد والفيـاح
من سمعتك ياحمامه وانا ماقـول غيـر=لي متى هذا الشقا واردف الونه صيـاح
ماعليك خلاف عنـدك جناحيـن تطيـر=مير انا وشلون ابنزح وانا مالي جنـاح
مالي الا اسوق قلبي مع الغربي عصير=واسهر عيوني ليامن شعاع البـرق لاح
اتذكـر واتوجـد علـى مافـات ميـر=ماورا زود التوجـاد والذكـرى صـلاح
قبلنا شالح توجد على اخـوه الصغيـر=راح اخوه وعقب ماراح ذيب الخيل راح
واتوجد وجد من صار شـره مستطيـر=وجد سعدون العواجي على طيور الفلاح
كل ليل وعبرتي تبتدي عقـب الاخيـر=تبتليني دمعة العيـن لا حـد الصبـاح
والبلا لاصاح قلبي ورا الضلع القصيـر=عوية الذيب المذير مع الحـزم البـراح
لابغيت ادله من الهم وانسى واستخيـر=حدني من حده القـوم بزنـود السـلاح
من بعد نجد العذيه وانا مانـي بخيـر=التفت لااقفيت عنهـا تلفـات الطيـاح
واتثاقل خطوة الرجل واقدامـي تحيـر=وكن صدري باجداته زواريـق الرمـاح
ويوم اجيها مثل ورد الضوامي للغديـر=اتعجل في المجـي واتباطـا فالمـراح
دبرة الله مجري الفلك فالبحـر الغزيـر=جاري حكمه علينا مثل مجرى الريـاح
واتعبتني حاجـة وردتنـي كـل بيـر=وارتو ي هماج والناس يروون القـراح
واحدٍ حضه يشيله على شـداد البعيـر=واحدٍ حضه لاشاله تكرسـع ثـم طـاح
من ثلاث سنين وانا اتحـرى للبشيـر=والبشير ابطا وانا سدي من البعد بـاح
يابشير الخير عجل عسى دربك سفيـر=لا تخلي للسهر جفن عينـي مستبـاح
كل يوم نقول بكره يجـي منـك نذيـر=وانقضت لايام والحيل ماصـار اللقـاح
ما تورّد جمة البيـر بسلـوك الحريـر=ولا اطلق المسجون هرج التعلل والمزاح
مالقينا فالزمن كود مـا يلقـى الفقيـر=طامع فالمال والمال في يديـن شحـاح
يدري الله والعرب ما دروا باللي يصيـر=ميرنوحي ياحمامة واجاذبـك النيايـح

نايف الخييلي 26-04-2010 05:32 AM

رد: خالد مدعث الخرفاني
 
هذي قصيده للشاعر وجدتها في المنتدى من العضو الجوهر الصحيح

وهي قصيده مدح في الامير سعود بن عبدالرحمن بن عبدالعزيز



الهاجس اللي كل ما حانت مواعيده حضر = حقً علي أن ما ورد عدً قراحً منهله
المدح بشتً ما يليق إلا على طوال العمر = اللي مع حضرة مراجلهم تضيع المرجله
وأنا ليا مني طرقته في يسر ولا عسر = عيبً علي أن كان لاقلته ما نصيته هله
ولولا المشاعر تدفع الشاعر على بدع الشعر = ما كان سقت لسيدي أطيب قصيدي وأجزله
وسعود ماعنا وعن مدحه ولا منه عذر = الله على بذل الجميل مجّّمله ومكّمله
يا سيدي من لاشكركم ما شكر رب البشر = من طيبكم ظل مهوب ظلالكم ظل عبله
أكبر عطاياكم يضيق بها الفضا قبل البحر = وأصغر عطاياكم عليها يضربون الأمثله
أنت الذخيره والذخر لأفتّر وأغبّر الدهر = وأنت الجزيل وراعي الجزله وراعي الأوله
و أنت الفخر وأبن الفخر ومرافقتك أكبر فخر = وأنت المكارم والكرم وأعلا المنازل منزله
و أنت الأماره والنعاره والنداره والظفر = وانت الشبل لأبطل بطل حل ونزل في مدهله
و أنت المغيث اللي يغيث المستغيث من الخطر = وانت الحجا والملتجى رجوى الكبود الممحله
يمينك الروض الخضر وأيسارك الموت الحمر = من يجمع الثنتين جازى كل واحد بعمله
صميدعً بأول شبابك ذكرك وقدرك كبر = ف عيون حكامً تعدك لليال المقبله
شافوا بعيدين النظر في نظرتك بعد النظر = وأستبشروا بالحاظر اللي يبشّر بمستقبله
والعز ما نستغربه من بيت عزً معتبر = و أبوك زيزوم السنين التاليه والأوله
من هيبته تبّطح أيدين الغضنفر والنمر = وله وقفةٍ منها الجبل يهتز رأسه وأسفله
عن واجبه ما قد قصر طال الزمن ولا قصر = وريث ليثً ما خذً ملكه بسيفه وجمله
منجّبً على النجايب ينحر البيداء نحر = مع كل فجً خاليً ما عاش ذيبه وثعله
يتلها صقر الجزيره للممات أو النصر = أما بداية مرحله ولا نهاية مرحله
وحوّل بها في ليلةً من وقعها كنها شهر = ليلة حكم مهيب لحية كسب ذود وحنشله
الوقعه اللي من بعدها مجد أخو نوره ظهر = هجد بها راس الحريب و وسده جذع نخله
بالسيف قرّت وأستقرت نجد والحكم أستقر = للعزوه اللي من قديم الوقت له معها صله
ومن ماكر صقور الجزيره جيتنا يا أطيب صقر = حرً تسلسل من سلايل ندّرً متسلسله
والله يعّز وينصر الأسلام و ولاة الأمر = ويديم حكمً مانبي غيره ولا نرضى بدله
وأقبل تحيات الضمير اللي على مدحك صخر = قافً يشرّف وأنت يا أمير السعد تستاهله

نايف الخييلي 29-05-2010 10:23 PM

رد: خالد مدعث الخرفاني
 

كل يوم يزل عمره ...عقبه ايامً تتالا =وكل عمر يحل يومه .... عقبه ايام ً نصايب
لو نعمر مالحقنا عمر الايام الطوالا= لكن ايام العمر تؤخذ من يدينا نهايب
السحاب يقول عطني والبحور تقول لا لا=كن ماخلقت لنا شمس ولاهبت هبايب
لو يميل الجدي صوب السهيل مامال الشمالا=من تخلا عن محله مانعده غير غايب
مابقى شئً بأقوله غير شئ مايقالا = والله ان الصمت حكمه مير راع الحق صايب
ان كتمته قامت اضلوعي من الغيره تصالا = وان حكيته مل قلبً مايبي فرقى الحبايب
قلت : بالله يازماني اركد اشوي انتمالا= قال توك وان عطاك الله عمر شفت الغرايب
بعد ماقفى تلفت قال ياخالد تعالا= قلت بس اقبل زماني وانتهى وقت الطلايب
قال خذ مني نصايح يوم شفت العهد طالا = لاتحسبً كل عجه مقتفي ثرها سحايب
ومن يبي عينه تحلوى النوم وجروحه تشالا= عن تخاتيخ المحبه يعقل يدين الركايب
آه انا اللى لو تضيّع جرّتي حمر الرمالا = بستخير من الطرد واعوّد من البيد تايب
ياوليفي لادورني ويتعبك السوالا = كيف تلقاني !! وانا اللى في حلات الملح ذايب
مايخاف من النهار الا الذي ماله اضلالا = ولايخاف من الظلام الا الذي ماله قرايب


نايف الخييلي 14-06-2010 03:30 AM

رد: خالد مدعث الخرفاني
 
ايضا هذه الابيات اخذتها من موضوع للعضو الجوهر الصحيح
يقول :


قالوا اسكت قلت يا ناس ياصعب السكوت =كيف ابسكت والخطا كـل يـومً شايفـه
كم تغاضينا وقلنـا الخطـا خلـه يفـوت= ندمحه دمـح الوليـف لخطـا ولايفـه
مير من كثر التغاضي كثر ظلم البخـوت=الحمى مـن دون حمـاي يكثـر حايفـه
والـردي عيـا يهـوّن وعيـا لايمـوت=كل مـا أقفـى مقفـيً يِلحقـه قذايفـه
الوجيه السود تزهم بعضها بدون صوت=عالـمً مـا خافـت الله ومنـا خايـفـه


نايف الخييلي 21-06-2010 01:55 PM

رد: خالد مدعث الخرفاني
 
انا مايوسع خاطري مثل هد الطير = ليا لاحت بروق الوسم وانتثر ماها
غرامي ليا قام النداوي يتل السير = على خارم مايطلب السبق لولاها
عريض الثنادي والكراع افجحً وقصير= طويل الموامي يطوي الارض لاومها
اطياره يخلي المقفيه ماتعرف اطير = كفخ من تحتها ومن علو السما جاها
يجيها من علو السما منتكس ومغير = وتدلى عليها الصوايد ودلاّها
هذي عشقتي واهل الولع ماتطيع مشير=وانا ماخبرت احدً عشقها وخلها
هذي رغبتي واللي يخلي النفوس بخير = امرافق رياجيلً على العز مبداها
وسوق القدم في فيضةً مالها تصوير= سقى نبتها من رايح الوسم مولاها
فياضً بها النوار منها العيون تحير = صعيبً على ادباش البداوين ترعاها
نسمها مع النسناس طيبً يفوح اعصير = روايح عروسً فايح الطيب بخباها
خليً خلاها ماوطّنه بنات بعير= مصيف الحباري والجوازي ومشتاها
مقر القنوص مصخرين الصعب تصخير= فجوجً ضعيف النفس ماهوب واياها
يهاب الخطر مايدري ان العمر تعبير = والايام تلوي طلق الارقاب برشاها
يسب القناصه راعي النوم والتصفير= يبي لذة الايام والنفس واخطاها
يحسب الخساير فالولع والخساير غير = نفوسً تخسر الدين منشان دنياها
وانا لو جبال اطويق تنزل بجنب النير = فلا والله اترك نقلت الطير واجفاها

نايف الخييلي 08-07-2010 12:10 AM

رد: خالد مدعث الخرفاني
 
هنا رائعه شعريه من روائعه الشعريه




قلبي يابن معضد على نجد ينزاع =يزوعه زوعه عديمً مضرا
عيا يقر القلب من بين الاضلاع = لولا ضلوعي تردعه كان فرا
و جتني هواجيسي على اخماس وارباع=هاجوسً هنيا وهاجوس برا
لو ان في قلبي دوافير صناع=عنك يابن معضد حشى ماتبرا
انت رفيق الجنب في كل الاسناع = ان كانها بالخير وان كان شرا
لكن انا في حب هل نجد ملتاع = نجدً واهلها بغيرهم ماتورى
ربعي اليا دجت خطى كل طماع =يسقون عيّال العدا كاس مرا
ربعي ذرايا كل ماهب ذعذاع=واحلف يمين بغيرهم ماتذرى
سواقة العطفه لاكبرن الاوجاع = من صبحوه الصبح يمسى معرا
ابي احتري رجلك متى تضرب القاع=ونقطع ورى جده بحورً وبرا
مالي ورى جده واهلها ولا صاع = دار البخاري وش فيها اتحرى

نايف الخييلي 10-07-2010 08:31 AM

رد: خالد مدعث الخرفاني
 
ياكثر ماشافت العين من طيب وردا = شي يرضي موقها وشي يزعل موقها
كم طمرنا زلتن مالنا فيها جدا = قبل نطمن مثلها نعتلي من فوقها
وكم وقفنا للخطا الفادح وقلنا بدا = من يقدمها لنا عنزروت يذوقها
وكم حشيم لحشمته قلنا للمخطي فدا = لاحشمنا روس قوم نحشم نوقها
والتغاضي بعض الامرار حكمه وزهدا = عن غشيم زلته كل يوم يسوقها
الصداقه عند الاجواد ماتذهب سدا = لو قطعت عنوقها ماقلعت عروقها
دايم الاصحاب حصن ً تلافح وتهدا = لو تشين نفوسها ماتخيب عموقها
الاصايل يلحقن كل ماطال المدا = ولاينقص قدرها عنتن بحلوقها
والتجارب علمتنا الخطا قبل القدا =وعلمتنا كيف نعطي الرجال حقوقها
وعلمتنا سلم الاصحاب وسلوم العدا=وعلمتنا غاية الناس من منطوقها
النوايا الباطله حظ اهلها ماعدا = والنوايا الطيبه طيبات وفوقها



نايف الخييلي 10-07-2010 09:09 AM

رد: خالد مدعث الخرفاني
 

فمان الله يادارً ليا جت حزة التوديع =يودعني بكفً دق رمحه بين الاضلاعي
وفمان الله يامدهال خلً عشرته تلويع= فمان الله يانجد المسمى زين الاطباعي
وفمان الله من قلب على طاري هواك يميع =عذابه كل ماذعذع من اقصى نجد ذعذاعي
وفمان الله من عينً على شوفة ثراك تبيع = دموعً من ورى جفنً دعاه مع الهوى داعي
وداعً من غريبً لاذكر ربعه وذاك الريع =ومنزاله وخلانه وطول الليل يرتاعي
عسى يانجد عذري عن غيابي يقنعك تقنيع =برب البيت خلاق البشر منيب خداعي
انا يانجد ماقفيت من شان اتركك واصيع = تركتك يوم شفت الوقت وده يلوي اذراعي
انا مالي سوا وحده اليا عيّا الزمان يطيع= اطيعه لين اشوفه صار في يمناي مطواعي
واجي لك عقب هجرً مزّع عروق الحشا تمزيع = بقلبً بين حد الكذب وصدوق اللقا ضاعي
وبنسى طاري الفرقى وبنسى لوعة التوديع = واقبّل كفك اللى دق رمحه بين الاضلاعي





نايف الخييلي 10-07-2010 11:19 AM

رد: خالد مدعث الخرفاني
 
ابيات ومقتطفات



تاخذني الدنيـا مشـي !! وانا الحق الدنيـا عـدي =أطول عمر ، عمر الدهر .. وأقصر عمر ، عمر البشر
و أنا بشر .. عبـد ٍ ضعيـف ولا درى ويـن يغـدي =انحاش من ظلمة بطن .. واطيح في ظلمـة قبـر




ابتغانم مابقى لي مع دروب الغانمين= الرابح اللى رحلته يكتب لها مسك الختام
اما حياة يجمع الله عزها دنياً ودين = والا شريت الدين وافلحت وعلى الدنيا السلام

نايف الخييلي 12-07-2010 01:56 AM

رد: خالد مدعث الخرفاني
 


عقب التجارب والعبر ومطاول طوال السنين =وعقب المشيب اللى بدا وجهه على وجه الغلام
ابتغانم مابقى لي مع دروب الغانمين= الرابح اللى رحلته يكتب لها مسك الختام
اما حياة يجمع الله عزها دنياً ودين = والا شريت الدين وافلحت وعلى الدنيا السلام
انا بشر والخاتمه مدري متى ولاادري وين = مدري يتم العمر عام او مايتم العمر عام
ماني برسول الله محمد قبل ياتيه اليقين = يخيره رب السما بين الرحيل او المقام
موت خذا خير البشر لازم تشوفه كل عين = اما يصبحنا ضحى والا يبيتنا نيام
دام الدوام من المحال ونعلم انّا مذنبين = اجل محال انه يدوم الحال في الغفلة دوام
مانيب اسير للهوى والنفس وابليس اللعين= انا اسير للعظيم اللى يضين ولايضام
إليه ,, ولافالركاب معقلات باليدين = عليه ,, ولا فالتوكل ذله وخيبه واثام
برحل من رياض الهوى وانزل رياض الصالحين= وبطوي خيام الهوى قدام لاتطوى بخام


نايف الخييلي 12-07-2010 02:04 AM

رد: خالد مدعث الخرفاني
 

يالله بنو ً من القبله محاديره = متوافقً مع دخول الوسم مدخاله
نوً تسابق قدم وجهه عصافيره = متدليً كن وجه الارض يرقاله
وسمً بكور يسوق الله تباشيره = على وطنا من الريشه لشواله
على مدى الوسم ماشحت شخاتيره= لاقبل حمار الشفق تزبر خياله
وانهل من مقدمه حتى مواخيره = نوب يتحما ونوب يخف هماله
ومع تالي الوسم عشبه يشبع بعيره = عشبه يعانق رقاب قصاره طواله
وشدوا له اهل البل وخاضوا مخاضيره = وكلً تبع شف ذيدانه ومدهاله
وحنا تبعنا هوى الطافح والاميره = وذروه ودويه ودهامه وعياله
نرعابها قافرً تزمي نواويره = وطته دهم المزون وزينت فاله
وحنا هل الذود لاعدوا مشاهيره = الابل لنا من زمان العسر واهواله
نرعاباها القفر من ديره ليا ديره = شمال والا جنوب الربع ورماله
من كل روض تقطفً روس ازاهيره = ومن كل عدً قراح تشرب زلاله
وعن مرتع الخوف ماردت على غيره = نرعابها الخوف لو نجيه عيّاله
ترعى بهيبه هل الحرب ومغاويره = كل ابلجً ناشدً ابوه من خاله
ومن دونها كم وكم شيخً عدل سيره = امزرج معربً ماشرب فنجاله
حنا الدواسر هل الكار ومواكيره = خطلان الايدي هل القالات والطاله
حنا لنا سيره مامثلها سيره = ناسم عصى جارنا ونتيه جماله
وحنا هل الخوه وحنا هل الجيره = وحنا حجى الخايف المضهود وضلاله
خوينا في ذرانا مغنيً طيره =وعدونا يشتكي حزنه وسلاله
وحنا كما السيل تعميره وتدميره = لاسال عمّر الديار ودار يشتاله
واليوم حكم السعود اللى كثر خيره = كلً لبس شماغ ونكس عقاله





الساعة الآن 12:36 AM

Powered by vBulletin® Copyright ©2000 - 2024, Jelsoft Enterprises Ltd.
---