هات القلم نكتب ابياتن علـى بالـي=وندعو لشيخٍ مضاوالنفس مكسوره
نرجو من الله عدد ماهـل همالـي=يغفر لمحماس ويوسع له اقصوره
ياوالله اللـي وضـع بالقبررجالـي=دون الدواسروقف والنفس مسروره
شيخٍ مقامه يـذب المرقـب العالـي=ون شاف راع الخطا مايملك اشعوره
شيخٍ شجيع مقامـه يشفـي البالـي=كم مرتاً دون ربعه يثبت احضوره
وكم مرتاً حدّ عدوانه على الجالـي=يحد من غره الشيطان بغـروره
عند الحدود القديمـه جالـه افعالـي=كلاً شهد له عليه ا لبيظ من شوره
وساسه شيوخٍ لهم وقفـات ومثالـي=واحدهم يذا وقف يشف العرب شوره
لامن غـدو بيـن انقـاضٍ وفتالـي=يوميبهم والرفاقه كلهـم سـوره
سوراً سلفهم يهـز وكنـه يختالـي=عاداتهم بالفخر والطيب معموره
معمورتاً بالجزيرة شـرق وشمالـي=وغرب وجنوب لهم عادات مخبوره
مخبورتاً وسئل اهل القيـل والقالـي=حتى الذي بالبحرمن فوق بابوره
يعطيك علم الحقايق وخـذه ازلالـي=كنه على كل وقعه ياخذ الصوره
يقول ذأمن سببهـم صـاده اجفالـي=لامن ذكر فعلهم ماسره اسروره
يمشي وكبده عليهـا جايرالصالـي=ويصد من دربهم والكبد ممروره
ممرورتاً من سبايب واحدن غالـي=في دقلهم رايح والخيل مدموره
اقفووخلـوه مـن عيـلات عيالـي=وكم واحداً من سببهم تقصراشبوره
لامـن ذكرهـم تكدربالـه السالـي=وسوالف اللي مضوماهيب محصوره