يامرحباً ترحيبةٍ قول وافعال= ترحيبة اللي يحترم كل غالي
واهلاً هلا حيت ماهل همال= عد المطر واعداد كوس الشمالي
ياشيخ نادر طيب الجد والخال = ياحر تذكر بالعلوم الجزالي
علمك وصيتك للرجاجيل ينقال = في أول الجودات ماأنت بتالي
أبو تركي اللي للصعيبات حلال=مكرم ضيوفك بالشحم والدلالي
للعز والنموس تسعى وتنتال= شيخ على شيخ ولك قدر عالي
عند القبايل لك معزه ومنزال = ياطيب المبدأ عريب الخوالي
رقيت بالشيخة على كل منوال = في عالي القمة ونلت المعالي
حرً على حرً للحمل شيال = تشهد علومك ياكريم السبالي
ربعك دواسر باللقاءتشرح البال = يوم الملاقاء بالرهاف السلالي
يوم اللقاء والارض رجلي وخيال =وابن الردي ماله مكان ومجالي
حر سند ربعك لهم درع وظلال = وامانهم ياممنن كا جالي
ياطيب المنسب وياطيب الفال= ياجعل مثلك ياالشلي مايزالي
للعز والعلياطموحات وآمال = حققتها يأعز وأغلى الرجالي
أرحب من الصيعر تراحيب تنهال = يازكي الجدين ذربالفعالي