يا شوق قلبي بين الاضلاع محـروق=تصلاه نار الشوق ياشـوق مشتـاق
الحرطـاح بداخـل الفـخ منفـوق=راعي الشبك حده على غيرماطـاق
من السما حول على الارض بسبـوق=تمسكـه لافـرد جناحينـه وتــاق
ياداعج العينين لي عنـدك حقـوق=والحـق ماينـلام راعيـه لاضـاق
امسيت وامن واصبح الصبح مسروق=سرقت قلبي يا الغضي عقب ماراق
انـاوراك وكـل مطـرود ملحـوق=ولابد من جمعن عقب بعـد وفـراق
وهاذا الهواء مابين عاشق ومعشوق=وانا عشقتـك والله اعلـم بلـرزاق
خلنا انتفاهم يا اكحل الطرف برفوق=والمشكلـه تنحـل يازيـن بخـلاق
وتصبح محبتنا لها يا الغضـي ذوق=يامحـرق قلبـي بصداتـك حـراق
دمع العيون بسبتـك حـرق المـوق=اسهرايليـن ايصلـي العبدلشـراق
معادفي قلبي مـن الحـزن معلـوق=بين الضلوع الحدب يازين صفـاق
عذبتني يا اللي من الوسط ممشـوق=والموت لاعاينت في الردف والساق
ومعنـق من بيـن الامتـان منـتـوق=وامبيسم كـن العسـل فيـه دفـاق
كلامك احلامن حليـب مـن النـوق=شقح البكاراللي علـى تالـي فـواق
في حلها ترعى من العشب زملـوق=متخالط نبتـه مـن جـلال ودقـاق
انادخيـل عيونـك السوديـاشـوق=وخدودك اللـي كنهـا نـور بـراق
ارحم محب قلبـه الشوفـك ايتـوق=واعتق سجيـن لاغدربـك ولابـاق