حزين الحرف انا مثلك حزينه من صغر سنـي=ولا حصلت من وقتي سوى هم(ن) وحسراتـي
حزين الحرف انا حزني توافق فنـه او فنـي=معا دنيا عنيـده خيبـت لـي كـل هقواتـي
حزين الحرف انا اهمومي تبعثرني وتجمعنـي=وردى حظي يبارينـي يوافـق كـل خطواتـي
حزين الحرف انا ودي تشوف الحزن في عيني=ودموع(ن) تنتثر شرهه على خدي وعبراتـي
وليل(ن) اسهره والناس ترقد بـه ونـا ونـي=يـروح الليـل يالشاعـر ونـا فكـر بعلاتـي
ونا لا ضاقت اعدي علـى المزمـوم واغنـي=واجر الصوت بالعالي الين اتخـف شرهاتـي
وتلج اضلوع صـدري والخواطـر يسفهلنـي=واعود من على المزموم واعزومـي قوياتـي
وانا اكبر عيوبي يالحزيـن احسانـي الظنـي=واحسب الناس مثلي في كرم عطفي ومداتـي
ولاحبيت لي شخص(ن) وفيت ابكـل مافينـي=وسجلها مع الـي راح مـن تعـداد غلطاتـي
ونا بصبر على الي صار والي صـار يدفعنـي=احسب خطوة اقدامي وادقـق فـي حساباتـي
واذا تسأل وش الي حدنـي اكتـب وشجعنـي=اظن اسمك هو الـي حدنـي اكتـب معاناتـي
وووووووووووووووسلامتكم 00