[معلومات العضو خليفة بن محمد آل عمار]

بسم الله الرحمن الرحيم
والصلاة والسلام على رسول الله
وبعد::-
هذه قصيدتي المتواضعة في الدواسر...
وأرجوا أن تكون عند حسن ظنكم::-

يامل قلب من عنا الوقت ذاب=من حر مابه مايطفي لهيبه
من جور الأيام حظي أنا خاب=أمسي بهم وأصبح بهم ومصيبة
ياوجد قلبي على فرقى الأحباب=راحوا وفرقاهم على حالي صعيبة
سمعوا كلام العذال وأنكروا الأصحاب=واعذاب الروح من عذال الهبيبة
ياطير العنا سلم على ديرة الأشناب=ديرتي الأفلاج لاجا نهار الحريبة
رجالها وافين الأشبار والأنساب=الكرم والجود من أقصاه تجيبه
لابتي في الحق ذالين الأصعاب=ربعي هل الطالات رادين المعيبة
لآد عمار هل الكرامة والمهاب=يلطمون العادي ويدحرون خيبة
وياطير روح للآد ودعان الأقراب=وداية لجارها من صويبه
وسلم على لآد مسعر الأحباب=عزوة لنا وابن قويد نعتزيبه
وسلم على أهل الفعول الأعجاب=الرجبان عازين الرأس والهيبة
وعوّد على عزنا الفرجان الأصعاب=رافعين الراية يوم الطليبة
والآد شكر والمخاريم الأصلاب=طيور شلوى وأفعالهم عجيبة
ولآد الحريجي ذيابة المرقاب=مرقابهم صعب وحظ من يرقيبه
ولاجينا عند مدسمين الأشناب=لآد الغريري بالطيب تحريبه
والصخيبري من جوده للنار شبّاب=ويمدحونه هل العادات من طيبه
وبلغ سلامي للبدارين الأعراب=أعراب الجد عامر والأولة هي به
والشرافي ذبّاح حرش الأعقاب=مدهال للضيف وماهي غريبة
والغييثي لا أقبل بمقاديم الأسراب=ويل منهو جاه تجيه المصيبة
والهواملة هل الأبل الأطياب=الهويملي عز من كان صحيبه
ولاكبرت القالة وطاحن الأرقاب=تغلب لنا ضلع نهار الوجيبة
تغلب لامن الليالي غدن أغراب=تغلب على العدوان كبار المصيبة
لآدالعياضي للضد والأجناب=يشرّبونهم من كأس المراير شريبة
ومشاوية لاتعلوا على كل معجاب=يعجب النفوس بأفعالهم العريبة
والمصارير فيهم العيب ماعاب=أهل العشر مافيهم مريبة
والعمور الظن فيهم ماخاب=حامين الدار بسيوف هند حديبة
ولآدالخييلي كسابة حمر الأجناب=خيالة الشرفا أهل الكرم والطيبة
خوالي مسندي لاضاقت الأدراب=هل الدين والخطا عنهم في جنيبة
خوالي مكفين الضيف والأوجاب=خوالي ذبّاحة طوال الرقيبة
دواسر كلنا ربع وأحباب=عزي لمن جيناه نجر الطريبة
دواسر هل السيادة وأرباب=أرباب العزة والعزة لرب الربيبة
وصلاة ربي عد وبل السحاب=على النبي محمد يالله تثيبه

	خليفه بن محمد آل عمار الدوسري