البارحه تقدح براسي هواجيس = خطرن على راسي تفجّر عروقه
يالله يامضوي النجوم المقابيس = الوقت في عيني تمادى عقوقه
وانا وفكرٍ متْعبتَه الوساويس = وعينٍ تعاف النوم وكبد امحروقه
ادخل على الله وآتعوذ من أبليس = النفس أماره بسوء وشفوقه
يا سعود لو الشعر قول وأحاسيس = ماكن تمثلته وطبيّت سوقه
واصبحت تاجر شعر واغريت بلقيس = وارز عمدانه وارقع فتوقه
يا صاحبي للشعر شِيخه وفريس = وعلى عيال اللاش يا كبر عوقه
لو صففوا حشو وكلام وقواميس = تلقى عيوبه في نَحره امعلوقه
اجر صوتي وآتعزوى الحدابيس = كني ابدوي اعداه هجوا بنوقه
يومه غدا لعبه بـأيدين الملاحيس = سود الوجيه الفاشله والسروقه
ان قلت ورث اجدود قفوا معابيس = والليل يزهمنا تكاشف بروقه
لزوم ابيّن ما بـخلف الكواليس = الناس مخدوعه ودايم طفوقه
واللي له احلوق وعيون وجواسيس = بقلع اعيونه واقطع احلوقه
وانا حفيد الطيب منهج وتأسيس = ابن الشجاع اللي المعالي تشوقه
ان كاني ممسي جيوبي مفاليس = ويعيّن العاني وضيفي حقوقه
والا بلاش اعيش .. عيشة محابيس = عيشة ثعل همه غداه وريوقه
اموت غدر .. آخير ماشح بالكيس = الله عطاني اياه والله يسوقه
ذي دبرتي بين الرجال الاشاويس = طرقي وكلٍ له سلوم وطروقه
 |
|
 |
|
كفو كفو كفو يابن مهنا0
قصيده جزله 0وابيات واااااااااااااافيه 0
بيض الله وجهك0
اعجبني مطلعها كثيراً0 وعلق على لساني0
مشكوووووووور يالقرم على المتواضعه وليتك تكثر من متواضعاتك0
تحياااااااااتي وتقديري0 |
|
 |
|
 |