--------------------------------------------------------------------------------
ماكل من ربى شنب صار رجـال=بعض العرب اشنابها لـي لحاهـا
وبعض العرب فالمرجله تفعل افعال=والبعض الأخر فعلها فـي حكاهـا
وبعض العرب دفع البلا جاله اهبال=حتى دروب اهل الرذيلـه مشاهـا
الله يجنبنـا مصايـب هلأجـيـال=ولا يجينـا فالـبـلاوي بـلاهـا
ودي بخوي ٍ خوته تطرب البـال=اعتزبـه فـي مجلسـي واتباهـا
يفزعلي في وقت الشدايد والأهوال=ويقوملي مثـل الصقـر لانواهـا
قالمرجله والجود والطيب مامـال=فعله جزيـل ٍ والمراجـل شراهـا
ماني بدوّر صاحب القيـل والقـال=الـي ليامنـي عطيتـه نسـاهـا
وماني بخاوي رفقة ٍ كلهـا انـذال=افعالهـا زادت عليهـا رداهــا
والصاحب الي خوته مطلب او مال=خوة خسـاره والخسـاره وراهـا
والي نسى فعل الرياجيـل ينـزال=ليـن ايتعلـم فالجمايـل عطاهـا
وياماحلا المجلاس في كل الأحوال=مع رفقة ٍ تسوى الذهب في غلاها
جمعت نشامه من بني عم ٍ وخـال=جمعه وفيّـه مـن بغاهـا لقاهـا
قد قالها راشد بن محمـد وطـال=في وصف يرضي كل منهو قراها
وسلامـتكم
اختكـــــــــــم بالله/شيهانه على كف صقار
لجمال المشاركه نعيد كتابتها