فرس فرس كنها تمشي على الطبله = شاخت على القلب لين اشقت شرايينه
استاسرتني وصادت قلبي بنبله = كني خليفه ليا من قيل يا عوينه
ما شفت عبله ولاكن كنها عبله = لن وصفها استاسر الشدادي بزينه
محبوسةٍ في الحياة وبيدها دبله = ومن شافها يحسب انها الشمس في عينه
مع كل هذا ما والله شفتها ذبله = إلا تزيد بحلاها فينه وفينه
حره و شيخه و بنت رجالٍ وشبله = ابوها يوم اللقا يقهر معادينه
جمالها كالمطر متزايدٍ وبله = يا حظه اللي تلاعب في بساتينه
ذاك يتنومس بها لاجات في اسطبله = من زينها وسط عينه غيرها شينه
واللي إتمشى معاها هبله وخبله = جمالها اليوسفي يجذب محبينه
تلعب بها يا جماعه لعبة السبله = كن القمر في يديها صاير رهينه
يا رب عبدٍ يولي وجهه القبله = في طاعتك يا إلهي كاملٍ دينه
متمسكٍ في صلاته لنها حبله = للجنه ويدعي الله رافع يدينه
عاش ابدوي شف نفسه خلف شف ابله = والسر ماهو يبيحه بينه وبينه
يفرح ليا من رعت صفارٍ وربله = في روضٍ أخضر شمالٍ غرب من لينه
انك توفق فرس تمشي على الطبله = شاخت على القلب لين اشقت شرايينه
احبها حب طفلٍ يعشق الأبله = يجلس إمأدب عشان اتبوس خديينه