للغايب الحاضر
أهدا وأتمنى أصدا
اقرا ترى ما كل يومن قصيده=واللي بقوله في خفوقي ومشروح
احيان احس اني بدونك وحيده=وحيان احس انك معي داخل الروح
كل ما بغيت اسوي اني شديده=لقيت نفسي عند صدرك وانا انوح
شطرً كتبته كل يومن اعيده=الحب خلاني مُعاناه وجروح
وين انت يا كل السجايا الحميده=شاعر وتبني صروح و دمر اصروح
مالت على من ما يعدك رصيده=ياللي غرامك باب عندي ومفتوح
هذا انت ريضان الحشا لك سعيده=ان جيتني مملوح وان غبت مملوح
ما قول الك الا في جمله مفيده=خذني معك من وين ما ودك تروح