اقتباس:
|
المشاركة الأصلية كتبت بواسطة الشكري
جليت وجلاَني الشريف إبـن هـاشــم=وسواة من جـلاَه الـشـريـف يخـاف
وزبنت على رجال عـتـيـبـة الـهـيـلا=وقلوبهم من يم الشـريف إصـخـاف
وزبنت على غلبا سبـيـع إبـن عـامـر=يدوسون الأرياء والعزوم إضعاف
وزبنت على البقوم والشلاوى=كنهم إقرودٍ تتقي بإطفاف
وزبـنـت عـلـى قـحـطـان الـمـسـمـى=كـبـار الـعـمـايـم والـقـلوب إخفـاف
وزبنت على لمَا رجال آل زايد=طـوال الـقـنـا للـحـاربـيـن إعـسـاف
وعيَا علينا إبن بدرانٍ بحـيـالـته=وداووْ عــمـىً مـايـشـوف وشــــاف
ترى عنزتي منـهـم رجـال آل فـادر =غشاهم من البيضاء ذرى ولحــــاف
وترى عنزتي منهم الفارس محمد=عليه من جديد الجوخ لحاف
والـنـعـم يـاولـد الـفـديـر مـقـيـنــــع=سيفه من راس الـشـريـف إعـســاف
والنعم يآإبن خطَاب يوم حمي اللقاء=جـواده منهـا السابقـات تـخـاف
ويانعـم يـا ولـد المبيعيـج ناصـر =صفراه في عج الخيل تغبى وتشاف
وصفراء الفويضل كنهـا مهـجـورة=عليها مـن زيـن الــبــتــات لـحـــاف
إن أقبلت قدم الخيـل لـيـهـي الأولـة=وإن دبــرن لـيـهــي تـجـر إخـــلاف
ومناع ورشـيـد حـديـديـنٍ بـالـثـرى=رجــالٍ تـورَد شــذرة الأســيـــــاف
وعسى الله يحي لـي ديـار آل زايـد=وعسى دارهم عقب الربيع إتصـاف
مـازبـَن اللـي مـثـلـنـا كـون مـثلهـم=يوم إكسروْ عسـاكـر دولة الأشـراف
يوم مصـافـق القـوم للـقـوم إرتـكـو=إرزان المواقف هم ذرى من خــاف
محب الجميع ومحبوبهم ( دغش البطي )
جهد يستحق التقدير والثناء وكما هي عادتك دائماً
لا تأتي إلا بكل ماهو جزل وانت للابداع مبدع
وللتميز مميز وللوافيات وافي
وفي الاجتهاد مصيب
فأشكرك جزيل الشكر على رواية
هذه القصة التاريخيه واللتي سطرت للدواسر كافه
مجداً وتاريخاً كتب بماء الذهب في صفحات التاريخ فسلمت يمينك
على هذا النقل الرائع والأسلوب المتميز
أخوك
ابو عبد الله الشكري
|
العزيز الغالي أبو عبدالله الشكري
والله العظيم إنك عندي غالي وعند الرجال اللي فيهم خير
منعور وراعي حميه وكل العلوم الوافيه تفعلها وتستاهلها
الحقيقه أحياناً أحسد نفسي بأن يكون عندي متابعين مطاليق
مثلك وشرواك ياذيبان وهذا والله مصدر فخر وإعتزاز لي شخصياً
لاهنت وبيض الله وجهك وجعل من أرثك في الجنه على ماكتبت لي في ردك
وجعلك الله في الوجود والله لايخلينا من تواجدك وأمثالك
تقبل الود والتقدير والشكر والعرفان
من محب الجميع : دغش البطي