صباح الخير
قبل الصوم وردتني
هذي الأبيات من شخص في
رساله قصيره
بعد وردتني الأبيات دقيت على الرقم
محاولٍ اعرف من هذا الشاعر والى اي مسارٍ متجه
وأذا به يضرب باتصالي عرض الحايط والمشغول
هههههههه
فرديت عليه ماني بعاجز عن
نقض مافتلت يـــا أيها الشاعر المخضرم
فرد علي برساله أتحداك ترد على بيت واحد منها
ههههههههه
قلت عجيب
والله
ومنول ماكان عندي نيه ارد
وبعدها مدري وش اللي صابني وقلت
أبشر بالـــ 6ــــتـــة مدبوله في ثلاثـــ3ــه
ههههههههههه
اتمنا ان تحوز أبياته وأبياتي على القليل من ودكم ورضاكم
هاذي أبياته
لي عزةٍ يفنا الردي ماوصلها = ولي خافق لو تنفخه رفرف وطار
ياعيني اللي رمشها قد خذلها = طول الليالي كذبة أيامه اقصار
وهي كلمة خذها والناس قلها = لو لا فساد الدهر ماعاش عطار
والفلوه اللي كل مهر فحلها =مثل الخبل يطلع من اجنانه افكار
ولا كل جهل الناس هو من قتلها = كم علمٍ اهلك صاحبه قبل الاقدار
وكم جاهلٍ في نظمها قد فتلها =والكي دايم ماهو بلذعة النار
وهذا ردي المتواضع عليها
ياللي بهزل أبيات شعرك تبلها =انا بجزل الشعر فارس ومغوار
ان كان هذي عزتك وافشلها =منته على صكات بقعا بصبار
وأبياتك اللي واضحه في خللها =في نقضها والله ماني بمحتار
والله ماخليها تروح بعذلها =وانا بنقض الفتل بالنظم بيطار
مال الحمول الا لك الله جملها =يوم الحمار الله خلق مخه أحمار
خل الشدايد يالضعيف لهلها = وان قلت لا خزيت عينك بمسمار
وانا اتنقا من بيوتي جزلها =واقطف بعذب الشعر من طيب الاثمار
حلو الخلايا بالعسل من نحلها = وانا ولد شاعر ومن روس شعار
ومن غر منها الله عليه يعقلها =وانا بشعري مالتفت يم سمسار
وفرسك مني ربي اللي شقلها = ياشين طيح الحره بوسط مضمار
واللي نوابي نيهٍ مايصلها = ويبشر بي اني من طويلين الاشبار
قمه جبل بالشعر ماني سهلها =وانته لاحر ولنت بالشعر صقار
والرزق بيبانه ماربي قفلها=ولاعاد لك مشروه فوقي ومسعار
ارقا على روس الطوال وقذلها = وانط من عيار في راس عيار
واللي رقا ماهو كما اللي نزلها=يالله عسي مثواي جنات الابرار
تمر الحساء من طيب زرعة نخلها=والعرف مايجهل ثقيبين الابصار
واللي زرع لثوم ياجنا بصلها =والطيب من ربي بذربين الاذكار
وحيلتك يالمحتال أبطل حيلها=يالمفلس اللي مابمخباك دينار
ستةٍ بيوتٍ جاك مني دبلها =وزن الذهب يرجح على كل معيار
افظن لها مضبوط وافهم جملها =من هاجسٍ له باورد الشعر مصدار
وبعض العرب مدري وش اللي هبلها =وانا عليها مثل همال الامطار
هذا الحقيقه والفكر ماجهلها =وانشد عن أعلومي وتاتيك الاخبار
وسلامتكم