قصيدة للشاعر الكبير / ناصر بن حماد المبزر النتيفات ( فجيح )
يقول المبزر ذب في الرجم يلعب = بقول بيتين تبرد همومي
اقولها ذلحين واقوم في الحين = مطرف اليوم والقول كومي
ياليتني في الدار مارحت دوار = ولابديت عصير روس الرجومي
بديتنا المشراف والقلب يلاف = كما تلوف الخد نود السمومي
من خاطر ذالليل ماكنه بزين = شفت الهمل والهم علي العلومي
عينتنا النوقات ماهيب قبلات = ومنها ضميري حل وسطه حثومي
عينتها ذاهان حيا وماتان = ومن كل جو فيه منها جثومي
ياعزتيل النيب من قلة الطيب = سند الغوارب مبعدات الهمومي
موسعات البال لاكدم اللال = لامن زما دون المشارب خطومي
معاد به فالروح من قبل ما اروح = شوف الضعن يبراه ملحا ردومي
نرعابها المخضار من عقب الامطار = في عثعث يالاه وبل الغيومي
ونبرابها المظهور والخد ممطور = ماطر ربيع قافين الوسومي
لانطحنا العساس ماقال به باس = مايذكر الا نبت عشب قدومي
هذاك حل ناه عصره نسيناه = مالت على العربان لما لمومي
اشوف انا في الحل عصر الطرب زل = وينقص قبول البر في كل يومي
واشوف في لانظار لادرت لافكار = بقعا على العربان مثل النهومي
ولايهم المال والحل لاشان = لاسلمو الخلان فالمال كومي
المال مثل الفي لاراح بيجي = والفرق والله في حياة القرومي
الفرق للحين في قوة الدين = حد الفتى بارشاد نفسه عزومي
ياناسيا لادراك عاين بدنياك = وتعلمك دنياك كل العلومي
وانا بعد بنهاك واياك واياك = لاتصاحب الدنيا تراها نقومي
لامن نوت بتجيك ماعندها فيك = بوارة مثل المره والرخومي
وترا عمل دنياك لامت يلقاك = مثل المصر اللي يجيك محزومي
اعوذ بالخلاق من شر الاخلاق = فان ماخلق يفنا وربي يدومي
وانا اطلب الجبار نجوا من النار = الله عظيم الشان رب رحومي
وانا اطلب الغفار مع وقت الاسحار = يالله بحظ في القيامه يقومي
ياغافر الزلات طالبك نجواك = لاجا نهار فيه تشوا العلومي
لاشخصت لابصار ثم شفت ماصار = وعطيت خطي قارين له فهومي