[معلومات العضو في صمتي لك كلام]

السلام عليكم ورحمة الله وبركاته

اللهم صل على محمد وعلى آله وصحبه أجمعين .


خايف عليك ومنك بالحيل


خايف عليك ومنك بالحيـل خايـف..........عزي لقلبي يجمع الحب والخـوف
خليت قلبي والشقـاء بـك ولايـف..........قلبي عمى وش عاد لو عيني تشوف
عمري قضى ماقلت لك واحسايـف........عندي نهايه درب الاشواق معروف
جرحت قلبـي يا عديـم الوصايـف..........ماظن تشرح ما بقلبي لـك حـروف
قلبي لغيـرك لـو تغليـت عايـف.............حبك ملك قلبي ونسانـي الخـوف


يا متعب الهاجوس


يا متعب الهاجوس في كل طاروق
مره تغيب أيام ومرّة تجيني

كان أنت يمّي جيتني بدافع الشوق
قابلتك بشوق الوله والحنيني

ما حيّر أفكاري مع الناس مخلوق
إلاّ أنت يا مسهر مع الوقت عيني

يطرد سرابك ضاميٍ حدّه العوق
ضيّعت في رجواك باقي سنيني

إلى متى نومي من العين مسروق
وإلى متى والجرح حيٍ وفيني

في غيبتك شفت بسما وصلك بروق
و اقفى سحابك بالمطر من يديني

إن ما حصل ترحم شقاء قلب محروق
قل للفرح يا وين دربك وويني

وأنت ابتعد يا خاين الحب برفوق
ما دام ما به ود بينك وبيني

مما راقا احساسي

تحياتي ^_^