للعز يادار هبا الصوت مرفوع = صوت اللآذان بكل يوم وليله
لامن صدع صوته بالأذان مسموع= الله وكبر لادعانا نجيله
صوت يزيد القلب بايمان وخشوع =صوت المطوع لاقرى وتهليلهه
على طريق الحق والحق متبوع = درب الهدى واتباع سنة خليله
دار غلاها داخل القلب مطبوع = يجري مجارى الدم وسط الفصيله
دار وحدها مالها بالدير نوع =دار الرساله والهدى والفضيله
ودين يعارض دين الأسلام ممنوع = فيها ولافيها تقام الرذيله
دار السعود مطوعه كل زعزوع =بحدب السيوف المرهفات الصقيله
لامن نوى في غدرها قاصر البوع =لاغره الشيطان واعمى دليله
مندونها راس الصعب ينثني طوع = بيوم ينوش الزند راس الفتيله
وابعد على الطماع من حبة الكوع = وتبقى بفعل ابطالها مستحيله
دون الوطن ناقف طوابير وادروع = دون الوطن ناقف قبيله قبيله
وحب الوطن واجب وسنه ومشروع = في اهل العقول الزاكيات الثقيله
ولكم تحياتي
اخوكم تركي بن هذال بن نيف [/b][/center]