محمد
ياسلام الله على الشيخ عواض الشهيب
شاعر كل المعاني يجيب اجزالها
كل ذيب فالملاقا يبا يلقاه ذيب
ولضعيف الي يبيها ولايحتالها
عواض
مرحبا ترحيب يبنى على مذهب وطيب
بالصحيب اللي ليا قال كلمه قالها
الذيابه بعضها مالها حظ ونصيب
ليتها حتى تجيب العشا لعيالها
محمد
البقا لك والجراحه تبا رجل طبيب
ولفرس تركض وطواعها خيالها
لو تحدر لك شعيب ن ولو ترقى شعيب
دلتك فالماقفه شارب ن فنجالها
عواض
والله اني لكوي الجرح لين انه يطيب
والفرس خيالها كان ربي قالها
لا تهور يامحمد ترى الموقف صعيب
مايقدم للمهمات غير رجالها
محمد
لو تداوي ماتداوي ترى جرحك عطيب
ولعمل معروف والناس حسب اعمالها
يالثبيتي لو نشيل الحمل ماهو غريب
وانت ودك بالحموله ولاتشتالها
عواض
أنت وشبك تكسر القاف قبل انه يشيب
السحابه فوق راسك يهل خيالها
الثبيتي يدحم القوم ويضد الحريب
وأكثر العربان لو تستريح أشوالها
محمد
يانديب الخير ماشفت فعلك يانديب
والسحابه صيف ماينومن همالها
انت لك عامين تمشي على جال القليب
لاتمشا من طرفها تطيح بجالها
عواض
كيف ماشفت الفعل ياعجايب ياعجيب
أنت أظنك عايش بحالة ن يرثالها
السنين الماظيه مابها شك ن وريب
والسنين المقبله زين الله فالها
محمد
احمد الله بندقي حزة الوقفه تصيب
وانت نفسك يالثبيتي تغير حالها
السنين المقبله لحيتك لازم تشيب
هد نفسك يالعتيبي وريح بالها
عواض
بندقك يالمسعري رميها دايم قريب
طيعي شوري بيعها ثم شوف بدالها
والعتيبي في شداده على الحر النجيب
حرة ن تطوي به البيد ما تبرى لها
محمد
بندقي ماتاقع الاعلى ديره عتيب
وانت لك بندق تفشلك يانقالها
العتيبي فوق حره يدور له ذهيب
ون لقا قوم ن تصلي يخم نعالها
عواض
أدري ان الرجل يزعل ليا ضاق الحظيب
والثبيتي وزنته مانقص مكيالها
سرقة الحذيان ماهي لنا خلك حبيب
ولو تجي من فوق صابرك ماتقوى لها
لاتحرمونا رأيكم