قصيدة قديمة للعلم والبحر سعد بن جدلان
الله وأكبر يبدي النور ويبين=الله وأكبر لابدينا وقلنا
يالله ياقابل صلاة المصلين=ياربنا ياللي عليك اتكلنا
يامنزلن سورة تبارك وياسين=إنك تديم إيمانا في وطنا
ياللي لياقفا من الليل ثلثين=أبواب عرشك للدعاء يفتحنا
يامستجيب لدعوة المستقيمين=متوسلين إليك يارب عنا
الراكعين الساجدين الكفيفين=اللي إيديهم للسماء يرفعنا
تحت المنابر رافعات المواذين=بالله وأكبر تحتها نطمأنا
ناصر رسول الله في بدر وحنين=اسراجنا اللي زال ظلمة جهلنا
تهد حيل الزمره المستبدين=وتهد حيل الغاوي اللي فتنا
هدام صدام الأمن والبراهين=آمال شعبه بعد ماحققنا
أنهار واستولت عليه الشياطين=وفوقه ابليس العود هدرس وغنا
ملعون واللي يستجيبه ملاعين=ويخسا ضعنهم مايباري ضعنا
لادين لاشيمة عرب لاقوانين=لافكر لاتمييز لاحسن ظنا
قومن ولاة أمورهم مستخفين=لايمكن إنها بالسعاده تهنا
صدام فكر في سطور القديمين=شف كيف كنت وشفلنا كيف كنا
حنا نعرفك بس مانعرف حسين=وإنا تعرف الناس أبانا وحنا
تهبون منتو قدنا يامساكين=من زعل منكم من رضي ماشحنا
يابربر أنتم وين والمملكه وين=ماسمنك يكود فضلت صحنا
ياطول ماحنا عليكم مغطين=والحمس طلع ريحتك يابصلنا
أبوك حنا للضعافاء عطوفين=ومن صكته غبر الليالي زبنا
ولا يخوفنا هدير البعارين=تخشى جمال القوم هدرة جملنا
عاش الزعيم اللي رفع راية الدين=هو عزنا هو نورنا هو زحلنا
بطل الخليج وخادمن للحرمين=قايد مسيرتنا محقق أملنا
دنيا ودين وسلطتن للسلاطين=وفيك الخصال الطيبه يوجدنا
عزم وجزم وأصل وفصل ياأحمر العين=نصر وقصر في قطر ظلك سكنا
عينك قدم وخلاف ويسار ويمين=وشبرك يعدي راعي البطش عنا
ولي عهدك مخلصن معك وامين=رجل الوفا في طاعتك ماتأنا
وبالحرس تشهد عليه الدواوين=ونشهد معه من شامنا لايمنا
قوة حرس عاصر بها العسر واللين=ويصعد بها فوق العلا واعتلنا
والنايب الثاني كعام المعادين=محبته وسط الضماير تبنا
قاد الدفاع اللي تخوض الميادين=ودافع عن حياض الوطن ماتهنا
وفضلك يابو فيصل على المستحقين=بينت نابه يابو فيصل وبنا
اللي بذلته لصدقاك الشقيقين=كويتنا تحمد عليك وتثنا
يوم الحريم من الملابس عرايين=وأطفالهن بكفوفهن يلعجنا
ثم أعلنوا بالصوت وين العرب وين=الجسم عاري والتجفف قتلنا
قال الفهد نعم الفهد والعضيدين=يامن نخيتونا ترانا وصلنا
تبشروا بالعز ذلحين ذلحين=المال يصرف والمساكن تبنا
مده سخيه من يدين الكريمين=وقال الفهد بسم السعودي بذلنا
وحنا بفعلك يابو فيصل فخورين=وأعمالك اللي بالشرف طورنا
وحنا جنود الله في خدمة الدين=في خدمة القايد وخدمة وطنا
تحت العلم نحمل شعار الفداءين=لك يافهد ولنا الشرف في عملنا
نعم المسمي والرجال المسمين=سميتنا وإنا حملنا وشلنا
وحنا لرهن إشارتك مستعدين=الأمر منك وطاعة الأمر منا
أنت ولي الأمر وحنا المطيعين=جنود أبو فيصل وما قال قلنا
في صف واحد مايجي الصف صفين=لو كان نمشي فالخطا ماسألنا
أبنا الوطن وأبنا العرب والمسلمين=نؤمن وإلى شلنا الأمانه ماخنا
أبنا القبايل بالأحاسيس واعين=ولا نجنب عن تقاليد أهلنا
نخوه وغاره واعتداد الجذوعين=نصبر ونقدر وإن بلينا فعلنا
بعقولنا وليا بدن الحفيفين=ننسى العقول ولنتصرنا عقلنا
ولولا مجننا كلتنا المجانين= تطمع بنا الجهال لولا جهلنا
هذي طبايعنا من شهور وسنين=آخر زمنا مثل ماضي زمنا
الشر ننطح به وجيه الشريرين=ومن قدم الحسنات خذ ماتمنا
يعيش أبو فيصل معي قولوا ءامين=بالله كملنا ثم به أكتملنا
ياللي سمعتوا الأكلبي ومتوحين=يرجي السموحه بعد هدرس وغنا
الله وأكبر يبدو النور ويبين=الله وأكبر لابدينا وقلنا