السلام عليكم ورحمة الله وبركاته
.
.
متواضعه
.
.
صلوا عـ النبي
.
.
<< رسايل الجوال / وصورّه / وعطره >>
وا كبدي اللي لتس ايااام منفطره = وا عيني اللي دموع البعد تذيها
اجر صوتي حزين وحالتي خطره = ( والنار ماتحرق الا رجل واطيها )
ياللي غرامك مع الخفاق بالفطره = وشلون ترخص علاقتنا وتنهيها ؟
كن الخلايا وسط ذا الراس منشطره = مابه خليه ترد العلم وادعيها
ماعاد تطربني النسمات والمطره = ماغير اهوجس على الورقا واللاعيها
امن اولن أحتزم للصعب .. وآخطره = واليوم خارت عزومي كيف اقويها !
ماكني اللي يعوم البحر من بطره = وارتب ابيوتي على شانك واغنيها
ويبدع بك القاف من شطره إلى شطره = مافيه خصله بزينك ما حكا فيها
صح أول الغيث قطره وآخره قطره = لكن سحبك جفت قفري وواديها
تصطرني الدنيا على وجهي كذا صطره = واهز راسي غَصب وادنق وامشيها
وأقول يا قلبٍ طريته أذكره واطره = خل العرب تدري وتكثر حكاويها
رسايل الجوال / وصورّه / وعطره = هاذي وفت لي بس , من عند راعيها !!
.
.
وسلامتكم
.
.
.
أخوكم /
ماجد المهنا