بسم الله الرحمن الرحيم
اسعد الله جميع اوقاتكم بالمسرات
قصيده في حفل تنصيب الشيخ / فهد بن رفاعي آل عواد الصخابره خلفاً لوالده
بسم الله العالي المعبود بسم الله=الله جلا جلاله جل في شانه
اعوذ به من رداة الحظ والذله=وارجيه يوم الحشر عطفه وغفرانه
الشعر لاجت مواجيبه على حله=يطرب له المستمع ويفل حجانه
والشاعر اللي يروم الجزل ويدله=يستاهل ايقال له صح الله لسانه
والشاعر اللي قصيده مايجمل له=يترك معاني القصيد ويترك الحانه
ان كان شعره مايفزع في لزوم له=يرتاح من هاجسن ماحط له خانه
وانا قصيدي يعقد الحبل ويحله=اتعب على حبكته واشوش من شانه
العد راهي وحبل الفكر واصل له=ورشاي مايجذب الا كل مليانه
اصوغ معنى القصيده صوغ واهله=على عديمن تضف الطيب جنحانه
سلام يامحزم اللي صابته خله=سلام ياللي توارث طيب جدانه
من صلب شيخٍ جمع طيب العرب كله=رفاعي اللي عساه بعالي جنانه
طيب وكرم مع طناخة راس وجبله=ضلعن موكد على ارض العز سيسانه
شيخن كريمن وفعل الطيب ماضن له=دون الخطاطير ماقد صك بيبانه
من روس قومٍ فعايلهم على ادله=جدك بعيد المغازي يكسب ارهانه
عقيد قومٍ وتشهدله فعولٍ له=اليا غزا يكسب الحله بفرسانه
من لاد صخبور يوم السيف والسله=حريبهم يرّث العله بعدوانه
فرجان ولفعلنا سوٍ يبرهن له=قومٍ نهار الوغا نرجح بميزانه
فعلن على صفحة التاريخ سجله=حبره من الدم والاوراق ميدانه
وانته وريث المدايح والفخر كله=متسلسلن من هل الناموس واركانه
تستاهل اللي ورثته وانت كفوٍ له=لنك عديمٍ توارث طيب جدانه