عرض مشاركة واحدة
قديم 13-06-2011, 02:13 PM   #1
 
إحصائية العضو







فهد المقابله غير متصل

فهد المقابله is on a distinguished road


افتراضي من اجمل القصائد في المدح

قصيده للشاعر خضير بن صعليك الشمري في الشيخ عبدالكرم الجربا=
يا شيخ انا جيتك على الفطّـر الشيـب=قـزّان مـن دار المحبـيـن دبّــاب
دبـاء علـيّ و دبّ منـي بتقـريـب=قل المواشي يا ذراء كـل مـن هـاب
مـن دارنـا جينـا لـدارك مغاريـب=يمّـوم نجـمِ لا تغيّـر و لا غــاب
متخيرك يـا منقـع الجـود والطيـب=لا خيّـب الله للاجـاويـد طــلاّب
سلام مـن قلـبٍ محـبٍ بـلا ريـب=له يستتبّ الشاب و يشبّ مـن شـاب
يالجوهر الناريـز يالعطـر يالطيـب=يالصعل يالصهّال يا حصان الاطـلاب
يالزيـر يالزحّـار يالنمـر يالـذيـب=يالّليـث ياللاّيـوث يالشبـل يالـداّب
يالضاري الضرغام عطب المضاريب=يالفرز يا مفراص ضـده و الاجنـاب
يالنّـادر الهيلـع عقـاب المراقـيـب=يـا نافـلٍ جيلـه بعيديـن و أقـراب
نطّاح طابـور العساكـر إليـا هيـب=ستر العذارى لا غشى الزمل ضبضاب
عيبك الى من قالوا الناس بـك عيـب=بالسيف لأرقـاب المناعيـر قصّـاب
و عيبك الى من قالوا الناس بك عيـب=للسمن فوق مفطّـح الحِيـل صبّـاب
و ذبح الغنم و الكوم حرش العراقيـب=و أعطى المهار و بذل مالٍ بلا حساب
و بك شارةٍ كـب الفـراد المحاديـب=و بـذل الطعـام و للتنافيـل كسّـاب
و نمراء تجـرّه للعـداء و الاجانيـب=تفجاء بها غـرّات ضـدّك بالاسبـاب
و من عقب ذا بالعون مابك عذاريـب=احلى من السكّر علـى كبـد شـرّاب
جيناك فوق الهجن شيـب المحاقيـب=لمشاهدك يا شـوق وضّـاح الانيـاب
الحر يضـرب بالكفـوف المعاطيـب=و التّبع قناصه من الصيد مـا جـاب
و انت الذي تافـي بكـل المواجيـب=كنك هديـب الشـام بالحمِـل عتّـاب
تثني لابو صلفيـق مـا بـه تكاذيـب=شيخ الصخى معطي طويلات الارقاب
ياما عطيت اللـي يجونـك طلاليـب=كم واحد جاء لك من الوقت منصـاب
و فرجت همّه فـي كبـار المواهيـب=من عيلمٍ يزمي كمـا يزمـي الـزّاب
عز الله انك طيـب و تفعـل الطيـب=و الطيب يجنى منك يا زاك الانسـاب
و لا هو كثيرٍ يا مهـدي الاصاعيـب=أفعالكـم يعـدّه اللـي بـالاصـلاب

 

 

 

 

 

 

التوقيع

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

سبحان الله وبحمده سبحان الله العظيم

آخر تعديل فهد المقابله يوم 13-06-2011 في 02:24 PM.

    

رد مع اقتباس