بسم الله ارحمن الرحيم
أهدي هذه الأبيااات لأخوي النقيب طياار / شبنان بن ناصر آل كتاب الرقاعين ...
بنات الفكر مثل الكحيله مع الفرسان=وأروض بنات الفكر في كل ميداني
أصخر بيوت الشعر وأذلل القيفان=خصوصا ليا من جيت أبمدح كحيلاني
سلامي على شبنان من هاجس(ن) طربان=هجوس يشوقه مدح خطلاان الأيماني
سلام مزج بالورد والكاد والريحان=سلام معطر يرسل لطير حوراااني
سلامي عليه عداد ماهملت الأمزاان=كريم السجايا مكرم الضيف والعاني
كريم(ن) عديم(ن) ساطي(ن) صامل(ن) بطران=نخيته وزاح الهم عني بليهاني
وإن كان الجمايل توزن اليوم في ميزاان=بترجح موازينه على كل ميزااني
ولاهي غريبه لاتجملت ياشبنان=حيث أنك سلايل من لهم في الظفر شاني
ألاد الحبيبي من على عصر ابن بدران=هل العشر معروفين من ماض الأزماني
طحاطيح حرب لأعتلى في السما دخان=يروون من عدوانهم حد شاماني
ومنهم طليفيح(ن) براسه سطر وجنان=ويشهد له ابن عبود زيزوم قحطاني
وتقبل تحياتي مع الشكر والعرفان=عدد ماينوح الورق في روس الأغصاني
وسلامتكم