شعري مِثَلْ يافاهمين التماثيل = وكل يجي شعره بحسب اقتداره
من عاش ينظر في السنين المقابيل = يذوق من عقب البروده حراره
الطيب يخلق مع قلوب الرجاجيل = ماهوب في بنك التجارة تجارة
والرزق من عندي الولي بالتساهيل = ماهوب بالقوة ولا بالشطارة
من عاش في حيلة وكذب وتهاويل = ياسرع من عقب الطلوع انحداره
والشور ماينفع قلوب المهابيل = كالزند وان حرك تطاير شراره
لو تامره بالعدل يعرض عن الميل -= بتل على رايه بربح وخساره
والطبع ماينزل غيره بتبديل = مثل الجدي مرساه ليله نهاره
والحنظله لوهي على شاطي النيل = زادت مرارتها القديمه مراره
هذا مثل يافاهمنين التماثيل = وكل يجي شعره بحسب اقتداره