غايتي لوان يقولو غايتي صعبه منال=ماتعذر بالضروف القاهره من دونها
الغلا والحب مايعرف بقاموسه محال=كل شي في حياتي برخصه لعيونها
انت وينك ياشقا روح المولع بالوصال=ماترد الروح لين ترد يامفتونها
كان طول هاتفك خارج نطاق الاتصال=لاتلوم الروح لامن بيحت مكنونها
لي حوالي اسبوع حالي والله ان ماهو بحال=احبس العبرات ودموع العيون تخونها
تايه عقلي وهذري فيك ياشبه الغزال=لاتسوي بي مثل ليلى معا مجنونها
ارهقتني نظرة العالم وترديد السؤال=واتجاهل من سئلني حالتي وش لونها
الفضول يسوق خلق الله وتنسج من خيال=قصة من واقع الاوهام في مضمونها
لايهمك دام راسي حي ماقيل ويقال=واقف لك دون همسات العرب وضنونها
الخفوق يصيح لك يامتعة اعيوني تعال=وسكن بوسط العيون تلحفك بجفونها
احسم الموضوع مايحتاج تطويل الجدال=خل غيمة حبنا العذري تهل امزونها