أعضاء وزوار المنتدى الشامخ
السلام عليكم ورحمة الله وبركاته
هذه قصيده وجهتها للأخ والشاعر الكبير / محمد عايض موفي آل حميضان
وكذلك قصيدته التي شرفني بها
أتمنى أن تروق لكم
===========================
قال ابو مبارك تهيض يلعب يزين المثايل
0000000 والقوافي لا بغاها من عوايدها تجيله
يا سلام الله على المنعور كساب النفايل
0000000 ذاك ابو عايض محمد =سعد من هو يرتكي له
يا محمد يا عريب الجد يا وافي الخصايل
0000000 عادة ٍ لك تكرم الضيفان واليمنى طويله
عنك انا انشد من لقيته من عربنا والقبايل
0000000 ومن نشدته قال مدري قلت ما باليد حيله
قلتنا انشد عنك بالقيفان وبيوت ٍ جزايل
0000000 وانت والله ما تكودك لو بجيب المستحيله
لكن المقصود عندي وصلكم لو بالرسايل
0000000 يا رفيق ٍ والله اني ما بدور لي بديله
جعلك انت بخير دايم ويا عسى امورك سهايل
0000000 يالشجاع ابن الشجاع ويا ولد شيخ القبيله
واسلم وسلم عدد ما لاحت بروق المخايل
0000000 وعد ما هل المطر ثم غرق الوديان سيله
==============================
وهذا رده علي
========================
مرحبا ً مليون ياخط ٍ لفى بغلا الرسايل
0000000 مرحبا ً به يوم ينشد من هناك ولا يجي له
مرحبا ً ترحيبة المشتاق لجزال المثايل
0000000 يوم تلفي من رفيق العز والعزه دليله
مرحبا ً بك يالمغني جاتك بيوت ٍ جزايل
0000000 من ضمير ٍ مخلص ٍ في حبكم والله وكيله
شايفك في كل وقت ٍ في المسا ويا القوايل
0000000 يا معذبني بكثر خطاك لي في كل ليله
والحقايق بينات ٍ واضحه ولها دلايل
0000000 والدروب اللي طوال ٍ ما يضيعها الدليله
لو نحرت البيت تلقاني على بابه اخايل
0000000 والوجيه الطيبه تلقى تراحيب ٍ جليله
يا محمد يابن ماجد جعل دربك لك سهايل
0000000 يالرجال الوافيه يانعم والله بالقبيله
حقك التقدير يالمنعور يا وافي الخصايل
0000000 واشهد انك واصل ٍ يالقرم يا راعي الجميله
وقبل صيتك صيت ابوك اللي ندر في ذا القبايل
0000000 وافي ٍ في كل شي ٍ يا عسى الجنه سبيله
أبو ماجد متعب ٍ غيره على كسب الجمايل
0000000 يشتريها لا حدت عنها الوجيه اللي بخيله
فاتح ٍ بابه على منهاج جدانه الآوايل
0000000 مهتويها والمراجل من هواها تستوي له
والوصل بيني وبينك واجب بليا رسايل
0000000 وان حصل مني قصور ٍ فالعذر هذي الحصيله
===============================