السلام عليكم ورحمة الله وبركاته
بديت باسمك ياعزيز الشاني=يامرسل محمد نسل عدناني
عني على بدع البيوت الندّر=وانا لساني فالقصيد حصاني
في ملتقا ربعي عزاز المجنا=اهل الفعايل محتمين الجاني
دواسرن بافعالهم سباقه=وفي كسبة العليا طوال ايماني
يامرحبا با اهل الوفا والطاله=ويامرحبا بضيوفنا والعاني
في محفل اللي جملته افعاله=راعا المراجل مكرم الضيفاني
اللي مسخر روحه ومجهوده=وموقفهْ في وقت اللوازم باني
الجاه والا المال مايذخربه=لاجل القبيله محزمن ملياني
جاهه مع اهل الطيب مطلق وجهه=وكريم سبلا يبذل الاحساني
ولاهي غريبه يوم هذا فعله=لنّه عديمن شتوين بدراني
من لابتن تطغى على العياله=وخصيمهم مد الحياة مهاني
لاحولت للهوش منهم سربه=طريحهم خلي عشا السرحاني
اهل الكرم واهل النقا والشيمه=بايمانهم للطايلات عناني
ذروة سنام المجد فعلن مثبت=يشهد لهم وقعن على الاكواني
ويشهد لهم عامر ضمين اللابه=اللي على الكايد وسيع بطاني
والله يبيض وجه ابوعبدالله=اللي جمعنا ماحسب خسراني