بسم الله الرحمن الرحيم
هذه قصيده قديمه أتمنى أن تعجب الأعضاء والزوار وهي قصيدة ( فخر )
يقول ابو مبارك بيوت ٍ حكيمه
0000000 متهيض ٍ يبدع طواريق المثال
ياربعنا ياهل العقول الفهيمه
0000000 ياكاسبين الطيب قول ٍ مع افعال
ترى المراجل فعل يمنا ً كريمه
0000000 وعز ٍ ونوماس ٍ مع كل رجال
وحنا ترانا مرجلتنا قديمه
0000000 ما تونا نبني لها صروح وجبال
جدي خذاها والمراجل غنيمه
0000000 له مجلس ٍ تنصاه ربع ٍ وهشال
كل ٍ شهد له يوم وقته يضيمه
0000000 وقت العسر ما صك بابه ولا حال
وابوي سجل له مواقف عظيمه
0000000 مثل المطر دايم من المزن همال
دايم بشوش ٍ ما يمله نديمه
0000000 وعون الضعيف اللي تردت به الحال
يمناه تندى بالفعول الكريمه
0000000 ما عود اليمنى على مسكة المال
وحنا على دربه بصدق وعزيمه
000000 حتى يجينا الموت قصاف الاجال
أقولها لهل القلوب السليمه
0000000 ميراثنا فخر ٍ توارث من اجيال