رائعه جديدة للشاعر الكبير برجس ابن الاسود آل رزحان المشاوية
بصوت الرعد خالد بن فهد آل رزحان المشاوية
اضغط على الرابط التالي لمشاهدة الكرت الفلاشي
http://www.swfcabin.com/open/1277653818
وللجوال
http://kiwi6.com/file?id=aqdgk4s3sw
القصيدة كاملة
فالصورة ايضا
http://www.picpanda.com/viewer.php?f...y6mhkyhedv.jpg
راكب اللي لامشى السواق شاقه=يمسح الطبلون في عدة ثواني
من حفيزة تو ماطلع اوراقه=صنع خصيصِ لعازات الزماني
منوة اللي مثلنا طوّل فراقه=في تبوكٍ منزلي دار الهواني
فوقه اللي عارفن معنى الصداقه=عارفن سدي وسده ماخفاني
خابره فطن ومع الفطنه لباقه=صيرمين لابدا اللازم كفاني
مايبي له لاجواز ولابطاقه=العرب مابين قرية والثماني
كان رب البيت فكه من الأعاقه=ياصل المكتوب ربعي يوم ثاني
لابتن ياسعد منهم له رفاقه=لاد ابن جوزان ذربين اليماني
يجمعون الطيب وعلوم الطلاقه=سلمهم للضيف خرفانن سماني
والقصير يشد ماسمع الحماقه=دايمن يقلط على زين المكاني
خص غمرن مسكنه مافيه طاقة=ربعةٍ يجلس لها قاصي وداني
والشحم ماهوب في بيته شفاقه=كم خروفن حط في عوج الصواني
قل لبوسالم ترا حالي رقاقه=عذبتني كثر الأريا والتماني
مالنا فالدار ياغنام فاقه=لارفيق ولاصديق ولاعواني
صابرن والهم بيّن بي سراقه=اجحد العلات مير الهم باني
من سبب قلبن يعذبني فراقه=لابغيت ادله عن الغفله كواني
مثل مايكوا مريضٍ من شقاقه=الشلل صابه وبعد الطيب شاني
او كما اللي صايبه كسرٍ بساقه=استشم الجرح والدكتور خاني
قالها من كان كاس المر ذاقه=اشربه بأسباب قلبن مقلباني
ان نهيته قال مالك بي علاقه=وان تركته بأوسط الغبه رماني
قلت له ياقلب جوز من الطفاقه=قبل تصبح مضغتن تحت اللساني
الشاعر الكبير / برجس بن الأسود آل رزحان المشاوية