عرض مشاركة واحدة
قديم 10-07-2010, 07:26 AM   #1
 
إحصائية العضو








محمد بن عريمه غير متصل

محمد بن عريمه is on a distinguished road


افتراضي قصيدة الشاعر الكبير عبدالله بن عبدالرحمن بن ذيب ال عريمه

قصيدة كتبها الشاعر عبدالله بن عريمه: في وطنه ~ وقداستة الأسلامية ~ وولاة ألأمر ~ وقبيلة الدواسر ~


أهديها إلى سيدي ألامير سلمان بن عبد العزيز آل سعود رعاه الله



" أمير نجد " الذي تجسدت فيه أصالت نجد وعراقتها ~ الحزم والحلم ~ والشيمه والمهابه



الفراسة والحنكة ~ الحكمة والعقل ~ الصرامة واللين ~ العقاب والثواب ~ التسامح والقدرة



الأمارة والأبوة ~ إذا عاقب أدب ~ وإذاغضب تأنى ~ ( لا أحد يعرف نجد وأهلها مثل سلمان )










يالله ياذا الجـلال وذو الّعلـو الجليـل


القابض الباسط البر اللطيـف الـودود


نعم الولي الكافي المولى ونعم الوكيـل

ذو العرش ملكه إلاه الكون ماله حدود


الحمد لله عطانا مـن عطـاه الجزيـل

أمن وأمان وسلام اسلام فضلٍ وجـود


بلادنا المملكـه ومالهـا مـن مثيـل

بيدي أمينه ولوها بالشريعـه أسـود


ولاه منّا وفينا طيـب ونخـوه وهيـل

موحديـن البـلاد مرسميـن الحـدود


عز ومعزه ووحدة شعب وخيرٍ فضيـل

أخوان مافرقتنا احزاب ومذهب يهـود


نحج ونصوم ونصلي ونسقي السبيـل

نمشي على منهج السنه سوى مانحود


طيبة سقاها الحيا وشعاب مكة تسيـل

الله يعز الوطـن ويديـم آل السعـود


وحنا نفاخربهم أبنا المليـك المهيـل

عبد العزيز العريب الفيصلي السعـود


ملوك نجد وسلايل مجد ونجده وخيـل

ألاد مقرن هل العوجا كـرام الجـدود


حنا خوال الملـوك مزبنيـن الدخيـل

الجد مقرن وبن بدران خـال الفهـود


حنا الدواسر لكم ضلعٍ وسيفٍ صقيـل

من صلب زايد وتغلب كل حرٍ صمـود


نمشي على طوعكم ونذب راس الطويل

لملوكنا والوطن نبذل قصارى الجهـود


ياسيدي سيدي سلمان نجـد الأصيـل

يابو فهد أنتم الهامه وحنـا عضـود


تاريخنا يشهد ويعطـي عليهـا دليـل

وقفات دوسر عليها الله وخلقه شهـود


وختامها العود الازرق والمبارق تخيل

وصلاة ربي على المبعوث ماهب نـود


مع تحيات

فــــــارس الـــــــفـــــرعــــــــه

 

 

 

 

    

رد مع اقتباس